Kayal on the Web

செய்திகள்

செய்தி எண் (ID #) 16205

#KOTW16205

செவ்வாய், ஜுலை 7, 2015

நோன்புப் பெருநாளையடுத்து சகல வசதிகளுடன் பெரிய ஆம்புலன்ஸ்! தமுமுக நடத்திய இஃப்தார் நிகழ்ச்சியில் அறிவிப்பு!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3149 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

சகல வசதிகளுடன் கூடிய பெரிய ஆம்புலன்ஸ் வாங்கப்பட்டுள்ளதாகவும், வரும் நோன்புப் பெருநாளையடுத்து, காயல்பட்டினம் நகர கிளையின் சார்பில் மக்கள் சேவைக்காக அது அர்ப்பணிக்கப்படவுள்ளதாகவும், தமிழ்நாடு முஸ்லிம் முன்னேற்றக் கழகம் காயல்பட்டினம் நகர கிளை சார்பில் நடத்தப்பட்ட இஃப்தார் - நோன்பு துறப்பு நிகழ்ச்சியில் அறிவிக்கப்பட்டுள்ளது.

இஃப்தார் நிகழ்ச்சி, இம்மாதம் 05ஆம் நாள் ஞாயிற்றுக்கிழமையன்று மாலையில், காயல்பட்டினம் எல்.கே.லெப்பைத்தம்பி சாலையிலுள்ள தமுமுக நகர கிளை அலுவலக மேல் மாடியில், நகர செயலாளர் ஆஸாத் தலைமையில் நடைபெற்றது.

நோன்பு துறக்க அனைவருக்கும் பேரீத்தம்பழம், பழ வகைகள், வடை வகைகள், நோன்புக் கஞ்சி, குளிர்பானம் ஆகியன பரிமாறப்பட்டன.

இஃப்தார் நிகழ்ச்சியைத் தொடர்ந்து, மஃரிப் தொழுகை ஜமாஅத்தாக (கூட்டாக) நிறைவேற்றப்பட்டது. தொடர்ந்து நடைபெற்ற அமர்வில், தமுமுக நகர துணைச் செயலாளர் ஜாஹிர் ஹுஸைன், மருத்துவ அணி செயலாளர் மஸ்ஊத், மனிதநேய மக்கள் கட்சி செயலாளர் ஐதுரூஸ், அதன் துணைச் செயலாளர் காதர், தமுமுக மாவட்ட செயலாளர் யூஸுஃப், மாவட்ட பொருளாளர் ஷாஹுல் ஹமீத், மனித நேய மக்கள் கட்சியின் மாவட்ட செயலாளர் ஆஸாத், மாவட்ட துணைச் செயலாளர் முஹ்ஸின் முர்ஷித் ஆகியோர் பேசினர். மருத்துவ அணி மாநில செயலாளர் கிதுரு சிறப்புரையாற்றினார்.

தமுமுக காயல்பட்டினம் நகர கிளை சார்பில் ஏற்கனவே உள்ள ஆம்புலன்ஸ் வாகனம் மூலம் அனைத்து சமுதாய மக்களுக்கும் இதுநாள் வரை செய்யப்பட்டு வந்த சேவைகள் குறித்து விளக்கிப் பேசிய அவர்கள், சுமார் 8 ஆண்டுகள் மக்கள் சேவைக்காகப் பயன்படுத்தப்பட்ட இந்த வாகனம் தேய்மானம் கண்டுள்ளதால், சகல வசதிகளுடன் கூடிய பெரிய ஆம்புலன்ஸ் வாகனம் வாங்கப்பட்டு, உட்கட்டமைப்புப் பணிகளுக்காக கோயமுத்தூரில் உள்ளதாகவும், வரும் நோன்புப் பெருநாளையடுத்து, நகர தமுமுக சார்பில் அது முறைப்படி மக்கள் சேவைக்காக அர்ப்பணிக்கப்படவுள்ளதாகவும் இக்கூட்டத்தில் தெரிவிக்கப்பட்டது.

நகர பொருளாளர் எஸ்.டீ.செய்யித் இப்றாஹீம் நன்றி கூறினார். இந்நிகழ்ச்சிகளில் தமுமுக மற்றும் மமக மாவட்ட - நகர நிர்வாகிகளும், அங்கத்தினரும் கலந்துகொண்டனர்.

தகவல்:
ஜாஹிர் ஹுஸைன்
(APT ஆட்டோஸ்)

தமுமுக தொடர்பான முந்தைய செய்தியைக் காண இங்கே சொடுக்குக!

{TAGS} tmmk tamilnadu muslim munnetra kazhagam tmmkkpm manithaneya makkal katchi tmmk ambulance service tmmk iftar 1436 tmmkkpm iftar 1436 ramadhan 1436

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by mohamed salih (chennai) [08 July 2015]
IP: 182.*.*.*

India | Comment Reference Number: 41254

வாழ்த்துக்கள் .. மிக முக்கியமான அர்பணிப்பு ..

உங்கள் சேவை தொடர வல்ல இறைவனை வேண்டுகிறேன் இன்ஷா அல்லாஹ்.

என்றும் அன்புடன்,
குளம் முஹம்மத் சாலிஹ் கே.கே.எஸ்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by சாளை எஸ்.ஐ.ஜியாவுத்தீன் (அல்கோபார்) [09 July 2015]
IP: 77.*.*.*

Saudi Arabia | Comment Reference Number: 41263

மிக்க சந்தோசம். அல்ஹம்து லில்லாஹ்.

இவர்களின் சமுதாய சேவைகளை கண்டு மிகவும் சந்தோசப்படும் மக்களில் நானும் ஒருவன்.

இவர்களின் சேவையை அனுபவித்த மக்களில் எங்கள் குடும்பமும் ஒன்று.

மறைந்த என்னுடய மாமனார், மாமியார் ஆகியோருக்கு பல தடவைகள் இவர்களின் ஆம்புலன்ஸ் தான் உதவி இருக்கின்றது. தொலைபேசி அழைப்பு கிடைத்த அடுத்த சில நிமிடங்களில் ஜின்னு மாதிரி ஆஜராகி, தன்னுடைய கூடப் பிறந்தவர்களை எப்படி கவனிப்போமோ அது மாதிரி கவனித்து அழைத்து செல்லுவார்கள்.

ஒரு எமெர்ஜென்சி நேரத்தில் தன்னுடைய கால் செருப்பை கூட தொடாமல் அந்த சகோதரர் என் மாமியை மின்னல் வேகத்தில் அழைத்து சென்றதை நினைத்து பெருமை படுகின்றேன். (அவர் விட்டுச்சென்ற செருப்பு இன்றும் என் வீட்டில் உள்ளது).

புதிய அம்புலன்ஸ் க்கு உதவிய அனைத்து நல்ல உள்ளங்களுக்கும் நன்றிகள்.

தமுமுக வின் அனைத்து மக்களுக்கும் செய்யும் நற்பணிக்கு பாராட்டுக்களும், நன்றிகளும்." மனித நேய" என்று பெயருக்கு ஏற்ற மக்கள் பணி என்பதை உண்மையில் உணர்த்தி வருகின்றீர்கள். எல்லாம் வல்ல அல்லாஹ் நற்கூலியை வழங்குவானாக.

சாளை எஸ்.ஐ.ஜியாவுத்தீன், அல்கோபார்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. உங்கள் புண்ணிய பயணம் தொடரட்டும்!.
posted by முஹம்மது ஆதம் சுல்தான்! (yanbu) [10 July 2015]
IP: 128.*.*.*

Romania | Comment Reference Number: 41279

புனித ரமலான் மாதத்தில் வரியவர்களுக்கும், ஏழை எளியவர்களுக்கும் நமதூரில் எண்திசையிலிருந்தும் குமியும் கொடையுதவிகளை காண கேட்க இதயம் குளிர்கிறது.இதில் எல்லாவற்றிற்கும் மேலாக முதன்மையாய் முத்தாய்ப்பாய் மிளிரும் உதவி இந்த அவசர ஊர்தி நன்கொடை நிகழ்வு என்றால் அது நிதர்சனமான உண்மை!

மக்களுக்கு எது முக்கியதேவையோ அத்தேவையறிந்து துரித நடவடிக்கையில் இறங்குவதும்,இயற்க்கை சீற்றத்தின் கோரப்பிடியில் சிக்குண்டு தவிக்கும் மக்களுக்கு மின்னல்வேகத்தில் ஓடோ டி வந்து உதவிவிடும் உயரிய இதயத்திற்குறிய இயக்கம் தா மு மு க வென்றால் அது மெத்த பொருந்தும்!

.ஆன்மீகத்தை மட்டுமே அளிப்பதில் அல்லாஹ்வின் அடியார்களுக்கு செய்யும் தொண்டில்முழுமையடைந்துவிட முடியாது என்ற மனித நேயத்தை பயன்ற புண்ணியர்கள்!

பிறருக்கு உதவிசெய்யும் புண்ணிய எண்ணத்தை சுமந்து புடம் போட்ட தங்கங்களாய் திகளும் தா மு மு காவின் அத்தனை அன்புள்ளங்களுக்கும் இந்த ஆதம் சுல்தானின் அன்பொழுகும் நல் வாழ்த்துக்கள்! உங்கள் புண்ணிய பயணம் தொடரட்டும் அல்லாஹ் அனைத்தும் அறிந்தவன்!

அன்புடன்,

முஹம்மது ஆதம் சுல்தான்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்