Kayal on the Web

செய்திகள்

செய்தி எண் (ID #) 16558

#KOTW16558

ஞாயிறு, செப்டம்பர் 13, 2015

DCW தொழிற்சாலையின் விரிவாக்கத் திட்டத்திற்கு ஆவணங்கள் தயார் செய்த நிறுவனத்தின் அங்கீகாரம் ரத்து செய்யப்பட்டது!

செய்தி: காயல்பட்டணம்.காம்
இந்த பக்கம் 3234 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தேசிய பசுமை தீர்ப்பாயத்தில் வழக்கில் உள்ள DCW தொழிற்சாலையின் விரிவாக்கத் திட்டத்திற்கு ஆவணங்கள் (ENVIRONMENTAL IMPACT ASSESSMENT; EIA) தயார் செய்த இரு நிறுவனங்களில் ஒரு நிறுவனம் PURE ENVIRO ENGINEERS PRIVATE LIMITED ஆகும். சென்னையை தலைமையிடமாக கொண்டு செயல் புரியும் இந்நிறுவனத்திற்கும், DCW நிறுவனத்திற்கும் நீண்ட நாட்கள் தொடர்புள்ளது.

DCW நிறுவனம் - 2006ம் ஆண்டு மேற்கொண்ட விரிவாக்கப் பணிகளுக்கும் PURE ENVIRO ENGINEERS PRIVATE LIMITED நிறுவனம் தான் - அனுமதி பெற ஆவணங்கள் தயார் செய்தது. மேலும் - DCW தொழிற்சாலையின் கழிவுகளை பராமரிக்க ஒப்பந்தப் பணியாளர்களையும் இந்நிறுவனம் DCW தொழிற்சாலைக்கு வழங்கி உள்ளது.

அரசிடம் இருந்து சுற்றுச்சூழல் அனுமதி (ENVIRONMENTAL CLEARANCE) பெற விரும்பும் நிறுவனங்கள் சமர்ப்பிக்க வேண்டிய EIA ஆவணங்களை தயாரிக்க விரும்பும் நிறுவனங்கள், முதலில் புது டில்லியில் உள்ள NATIONAL ACCREDITATION BOARD OF EDUCATION AND TRAINING (QUALITY CONTROL OF INDIA) நிறுவனத்திடம் அங்கீகாரம் (ACCREDITATION) பெற வேண்டும்.

அவ்வகையில் - PURE ENVIRO ENGINEERS PRIVATE LIMTED நிறுவனம், 2011ம் ஆண்டு 17 துறைகளில் EIA ஆவணங்களை தயாரிக்க விண்ணப்பம் செய்தது. இருப்பினும், அந்நிறுவனத்திற்கு போதிய அனுபவம் இல்லாத காரணத்தால், 4 துறைகளுக்கு மட்டும் ஆவணங்கள் தயாரிக்க அனுமதி வழங்கப்பட்டது. மேலும் - அந்நிறுவனத்திற்கு வழங்கப்பட்ட அங்கீகாரம்படி, மாநில அளவில் அமைக்கபப்ட்டுள்ள STATE ENVIRONMENTAL IMPACT ASSESSMENT AUTHORITY (SEIAA) துறைகள் அனுமதி வழங்க அதிகாரம் பெற்றுள்ள திட்டங்களுக்கு (CATEGORY B) மட்டுமே ஆவணங்களை தயார் செய்ய முடியும்.

இருப்பினும் - PURE ENVIRO ENGINEERS PRIVATE LIMTED நிறுவனம், DCW நிறுவனத்தின் சமீப விரிவாக்க திட்டத்திற்கும் EIA ஆவணங்களை தயார் செய்தது. DCW நிறுவனத்தின் விரிவாக்கத் திட்டம் SYNTHETIC ORGANIC CHEMICALS [Category 5(f); Sector 21] வகையை சார்ந்ததாகும். இந்த வகை திட்டத்திற்கு ஆவணங்கள் தயாரிக்க PURE ENVIRO ENGINEERS PRIVATE LIMTED நிறுவனத்திற்கு அனுமதி கிடையாது.

மேலும் - மத்திய அரசு அளவில், புது டில்லியில் அனுமதி பெறப்படவேண்டிய திட்டம் (CATEGORY A) இது. புது டில்லியில் அனுமதி பெறும் வகையான எந்த திட்டத்திற்கும் ஆவணங்கள் தயாரிக்கவும் இந்நிறுவனத்திற்கு அனுமதி கிடையாது.

காயல்பட்டினம் சுற்றுச்சூழல் பாதுகாப்பு அமைப்பு (KEPA) சார்பாக தொடரப்பட்டு தற்போது நடைபெற்று வரும் வழக்கில் - முன் வைக்கப்பட்டுள்ள குற்றச்சாட்டுகளில் இதுவும் ஒன்று. அவ்வழக்கில் உள்ள ஆறு எதிர் மனுதாரர்களில், PURE ENVIRO ENGINEERS PRIVATE LIMTED நிறுவனமும் உள்ளது.

DCW நிறுவனத்தின் வழக்கில் உள்ள விரிவாக்கத் திட்டத்திற்கு ஆவணங்கள் தயாரித்த மற்றொரு நிறுவனம் CHOLAMANDALAM MS RISK SERVICES LIMITED - ஆகும். இது பழமை வாய்ந்த PARRY'S நிறுவனத்தில் அங்கம் வகிக்கும் நிறுவனம்.

இந்த நிறுவனம் - DCW தொழிற்சாலைக்கு, ஜூலை - செப்டம்பர் 2012 காலகட்டத்தில், விரிவாக்கத் திட்டம் சம்பந்தமாக சில ஆவணங்களை தயார் செய்ததது. இருப்பினும், இந்நிறுவனம் ஏப்ரல் 2012 முதல் ஜூலை 2013 வரை, இவ்விரிவாகத் திட்ட சம்பந்தமான துறைக்கான அங்கீகாரத்தை பெற்றிருக்கவில்லை என்பது குறிப்பிடத்தக்கது. காயல்பட்டினம் சுற்றுச்சூழல் பாதுகாப்பு அமைப்பு (KEPA) தொடர்ந்துள்ள வழக்கில் CHOLAMANDALAM MS RISK SERVICES LIMITED நிறுவனமும் ஒரு எதிர் மனுதாரர் ஆகும்.

அங்கீகாரம் இல்லாத துறைகளுக்கு ஆவணங்கள் தயாரிக்க உதவிய இந்த இரு நிறுவனங்கள் மீதும் நடவடிக்கை எடுக்க, புது டில்லியில் உள்ள NATIONAL ACCREDITATION BOARD OF EDUCATION AND TRAINING (QUALITY CONTROL OF INDIA) அமைப்பிடம் புகார் மனு கடந்த ஆண்டு நவம்பர் மாதம் சமர்ப்பிக்கப்பட்டிருந்தது.

இப்புகார் மனு குறித்து இவ்வாண்டு மே மாதம் பதில் வழங்கிய NATIONAL ACCREDITATION BOARD OF EDUCATION AND TRAINING (QUALITY CONTROL OF INDIA) அமைப்பு, PURE ENVIRO ENGINEERS PRIVATE LIMTED மற்றும் CHOLAMANDALAM MS RISK SERVICES LIMITED ஆகிய நிறுவனங்கள் - அங்கீகாரம் பெறாத துறைகள் சம்பந்தப்பட்ட திட்டங்களுக்கு ஆவணங்கள் தயார் செய்ததது தவறு என்றும், இது குறித்து அந்த இரு நிறுவனங்களுக்கும் எச்சரிக்கை விடப்பட்டுள்ளதாகவும், மீண்டும் அத்தவற்றினை செய்தால் அந்நிறுவனங்களின் அங்கீகாரம் முழுவதும் ரத்து செய்யப்படும் என்றும் தெரிவித்திருந்தது.

ஜூலை மாதம், தான் தொடர்ந்துள்ள வழக்கில் காயல்பட்டினம் சுற்றுச்சூழல் பாதுகாப்பு அமைப்பு (KEPA) சார்பாக சமர்ப்பிக்கப்பட்ட பதிலுக்கான பதிலில் (REJOINDER) இந்த தகவல்கள் இணைக்கப்பட்டிருந்தன.

இதற்கிடையே, NATIONAL ACCREDITATION BOARD OF EDUCATION AND TRAINING (QUALITY CONTROL OF INDIA) அமைப்பு - தனது ஆகஸ்ட் 5 கூட்டத்தில், PURE ENVIRO ENGINEERS PRIVATE LIMTED நிறுவனத்தின் அங்கீகாரத்தை ரத்து செய்ய முடிவு செய்துள்ளது. இதற்கு காரணமாக, பலமுறை கேட்டும் தேவையான தகவல்களை அந்நிறுவனம் வழங்கவில்லை என தெரிவிக்கப்பட்டுள்ளது.

[Administrator: செய்தி திருத்தப்பட்டது @ 8:00 / 14.09.2015]

{TAGS} dcw dcw ltd pure enviro ngt national green tribunal kepa accreditation qci quality control of india nabet cholamandalam ms risk services

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by shaik abbas faisal D (kayalpatnam) [13 September 2015]
IP: 180.*.*.*

India | Comment Reference Number: 41848

இது ஒரு வகையில் நமக்கு கிடைத்த வெற்றி என்று சொல்லலாம், அல்லது வெற்றியின் முதல் படி எனலாம், கூடிய விரைவில் அந்த தொழிற்சாலைக்கும் மூடு விழா நடத்துவோம் இன்சா அல்லாஹ்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by தமிழன் முத்து இஸ்மாயில். (kayalpattinam) [13 September 2015]
IP: 163.*.*.*

Japan | Comment Reference Number: 41849

DCW தொழிற்சாலையின் விரிவாக்கத் திட்டத்திற்கு ஆவணங்கள் தயார் செய்த நிறுவனத்தின் அங்கீகாரம் ரத்து செய்யப்பட்டது போல் நமது நகராட்சி ஆணையர் மூலம் முறைகேடாக DCW தொழிற்சாலையின் கட்டிட விரிவாக்கத் திட்டத்திற்கு அனுமதி அளித்த அந்த கட்டிட விரிவாக்க அனுமதியை ரத்து செய்யப்பட வேண்டும்.

கடந்த சில மாதங்கள் முன்பு நகர்மன்ற மாதாந்திர கூட்டத்தில் நகர்மன்ற தலைவர் DCW தொழிற்சாலையின் கட்டிட விரிவாக்க அனுமதியை ரத்து செய்யும் தீர்மானத்தை கொண்டு வந்தபோது இரு உறுப்பினர்கள் தவிர்த்து மீதமுள்ள நமது மாண்புமிகு உறுப்பினர்கள் அத்தீர்மானத்தை உடனடியாக ஆதரிக்காமல் DCW தொழிற்சாலை குறித்து ஆய்வு செய்த பிறகு தங்களது நிலைபாட்டை சொல்கிறோம் என அத்தீர்மானத்தை நிறைவேற்றாமல் கலைந்து சென்றனர் என்பது குறிப்பிடத்தக்கது.

ரத்து செய்யும் அத்தீர்மானத்தை நிறைவேற்றாமல் நமது மாண்புமிகு உறுப்பினர்கள் களைந்து சென்று மாதங்கள் பல ஆகி விட்டது அனேகமாக நமது மாண்புமிகு உறுப்பினர்கள் DCW தொழிற்சாலைக்கு சென்று அது குறித்து அங்கு இயங்கும் பல பிரிவுகளை / உற்பத்திகளை ஆய்வுகள் மேற்கொண்டு அறிக்கைகள் தயார் செய்து அவர்கள் வசம் வைத்து இருக்கலாம் - அந்த அறிக்கையை கட்டிட விரிவாக்க அனுமதியை ரத்து செய்யும் தீர்மானம் கொண்டு வந்த நகர்மன்ற தலைவரிடம் சமர்ப்பித்து விரைவில் ரத்து செய்யும் அத்தீர்மானத்தை நகர்மன்ற அவசர கூட்டத்தை கூட்டி அத்தீர்மானத்தை நிறைவேற்றுங்கள் - நகரில் புற்றுநோயால் இறந்த மற்றும் புற்றுநோயால் வலியும் / பொருளாதாரத்தை இழந்தும் தினமும் துடிதுடிக்கும் மக்களின் குடும்பத்தின் நல் பிராத்தனைகளை பெறுங்கள்.

மாண்புமிக உறுபினர்களே...! கட்டிட விரிவாக்க அனுமதியை ரத்து செய்யும் தீர்மானம் யார் கொண்டு வருகிறார் என்பதை யோசிக்காதீர்கள்..! ஏன்...? எதற்காக..? கொண்டு வருகிறார் என்பதை மட்டும் யோசியுங்கள் - அல்லது - மாண்புமிக உறுபினர்களே...! நீங்கள் வேறு ஏதாவது தமக்கு தடை படும் என யோசிக்கிறீர்களா..?

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by K.D.N.MOHAMED LEBBAI (RIYADH) [15 September 2015]
IP: 94.*.*.*

Saudi Arabia | Comment Reference Number: 41854

அஸ்ஸலாமு அலைக்கும்

நம் ஊர் மக்களுக்கு இது ஒரு முதல் வெற்றி என்றே தான் சொல்லணும் ....இன்ஷா அல்லாஹ் ....கூடிய விரைவில் நம் ஊர் மக்கள் முழு பயனாக வெற்றி பெற்று ...இந்த நாசமா போன >> DCW << தொழிற்சாலைக்கு ஒரு முற்று புள்ளி ...இல்லை ,, மூடு விழ வைப்பார்கள் .....

முறையற்று ஒரு ஊர் பொது மக்களுக்கு மேலும் இடையூர் செய்ய கூடிய விதமாக '' DCW '' விரிவாக்கத் திட்டத்திற்கு ஆவணங்கள் தயார் செய்த நிறுவனத்தின் மீது ...இப்போது எடுத்து உள்ள .நடவடிக்கையை விட ...இன்னும் அதிகமான ஒரு தக்க நடவடிக்கையை எடுக்க வேணும் .....அதான் மக்களின் எதிர் பார்ப்பு ......

அப்போ தான் இது போன்ற ..பொது மக்களுக்கு விரோதமான நடவடிக்கைகளை ...மற்ற நிர்வனங்களும் எடுக்க தயங்குவார்கள் ......

நம் ஊர் நகர் மன்றத்தில் நம் மரியாதைக்குரிய தலைவி அவர்கள் '' DCW '''தொழிற்சாலையின் விரிவாக்கத்துக்கு எதிராக கடுமையான ஒரு தீர்மானம் கொண்டு வந்தார்கள் ....அந்த நல்ல தீர்மானத்தை '' நிறைய .நம் ஊர் மக்களுக்கு விரோதமான உறுப்பினர்கள் ஆதரிக்காமல் .....போய் விட்டார்கள் .....ஆதனால் அந்த திட்டம் '' கிடப்பில் கிடக்கிறது .....ஆனால் இந்த உறுப்பினர்கள் ...அவர்களுக்கு தேவையான ..ரோடு போடும் தீர்மானத்தை மட்டும் ..மிகவும் அவசரமாகவே ஒரு கூட்டத்தை கூட்டி ...அதை துரிதமாகவே நிறைவேற்ற துடிக்கிறார்கள் காரணம் என்ன ?? பணத்துக்காகவா .....

DCW தொழிற்சாலையின் விரிவாக்கத் திட்டத்திற்கு ...எதிர்ப்பு தீர்மானத்துக்கு ...மட்டும் இவர்களுக்கு எதிர்ப்பு கரம் நீட்ட மனது வர வில்லையோ .....ஊர் மக்கள் உயிர் பற்றி இவர்களுக்கு அக்கறை இல்லை என்றே தான் நமக்கு என்ன தோன்றுகிறது .....

ஓகோ .... DCW தொழிற்சாலையின் விரிவாக்கத் ...எதிர்ப்பு தீர்மானம் ...நம் நகர் மன்ற தலைவி அவர்கள் கொண்டு வந்ததாலோ என்னவோ ......இப்படியும் உண்மையாக இருக்கும் .....நம் உறுப்பினர்கள் ஒரு சிலருக்கு நம் தனர் மன்ற தலைவி அவர்கள் மீது குறை சொல்வதே ஒரு வேலையாகி விட்டது .......

ஊர் மக்களின் போராட்டம் , மற்றும் அரசு அனுவலகங்களில் மனு கொடுத்து கொண்டு இருக்கும் ...இந்த சூழ் நிலைமையில் .... DCW தொழிற்சாலையின் விரிவாக்கத்துக்கு ஆதரவாக செயல் பட்ட நம் நகர் மன்ற அதிகாரிகள் மீதும் ..KEPA .. போன்ற மற்ற இதர அமைப்பினர்கள் '' தக்க '' ஒரு நடவடிக்கை எடுக்க வேணும் ...அப்போதான் மற்றவர்களும் பயப்புடுவார்கள் ....மேலும் தப்பான எந்த ஒரு நடவடிக்கைகளிலும் ஈடு பட தங்குவார்கள்

DCW .....தொழிற்சாலை விசையத்தில் . மட்டமாக நடந்து கொண்ட நம் ஒரு சில உறுப்பினர்களை நாம் மறக்கவும் கூடாது.. மன்னிக்கவும் கூடாது ........

வஸ்ஸலாம்
K.D.N.MOHAMED LEBBAI
RIYADH
SAUDI ARABIA