Kayal on the Web

1. Re:.....காயல்பட்டினம் என்ன விதி விலக்கா?
posted by mackie noohuthambi (kayalpatnam ) [13 November 2015]
IP: 163.*.*.*

Japan | Comment Reference Number: 42225

தமிழகத்துக்கு இவை எல்லாம் புதிதா என்ன? நான்கு அல்லது ஐந்தாண்டுகளுக்கு ஒருமுறை வெள்ளம் வந்து வாரிச் சுருட்டி போய்க்கொண்டுதானே இருக்கிறது. நிலையை சீரமைக்க என்ன செய்தோம் நாம்? தற்காலிக நிவாரணங்களுடன் நின்றுவிடுகிறோம். பிரச்சினையின் ஆணிவேரைத் தேடுவதே இல்லை. நிரந்தரத் தீர்வுகளை நினைப்பதே இல்லை. காட்டை அழித்துவிட்டு ‘யானை ஊருக்குள் புகுந்துவிட்டது’ என்றும், ‘யானையின் அட்டகாசம்’ என்றும் சபிக்கிறோம். நீர் நிலைகளை நிர்மூலமாக்கிவிட்டு வெள்ளம் வந்துவிட்டது என்று அழுகிறோம். நீரும் யானையும் வெவ்வேறல்ல. இரண்டுமே மரபு வழி உயிரிகள். இடைமறித்தது நாம்தான்.

நம் முன்னோர் இயற்கையை மதித்தார்கள். அபார தொழில் நுட்பங்களுடன் நீர்நிலைகளை உருவாக்கினார்கள். காவிரி, வைகை, பாலாறு, தாமிரபரணி, பவானி, நொய்யல் என ஆறுகளின் வழியெங்கும் ஆற்றுக்கால் தொடர் ஏரிகளை (Riverfed chain tanks) வெட்டினார்கள். பெருமழை வந்தால் வெள்ளம் எங்கெல்லாம் வழிந்தோடும் என்று கணித்து மழை நீர்த்தொடர் ஏரிகளை (Rainfed chain tanks) உருவாக்கினார்கள். தவிர, இயற்கையாகவே ஆறுகளுக்கும் இதர நீர் நிலைகளுக்கும் மனிதனின் நரம்பு மண்டலத்தைப் போன்றதொரு பிணைப்பு இருந்தது. அதில் தண்ணீர் நிலத்துக்கும் மேலேயும் கீழேயும் ஊடுருவிச் சென்றது.

ஆனால், ஓர் உயிரை கண்டந் துண்டமாக வெட்டிக் கொலை செய் ததைப் போல எல்லாவற்றையும் துள்ளத் துடிக்க வெட்டி கூறுப் போட்டுவிட்டோம் நாம். ஏரிகள் இல்லை, குளங்கள் இல்லை, கண்மாய்கள் இல்லை, ஓடைகள் இல்லை, கிணறுகள் இல்லை, பல இடங்களில் ஆறுகளே இல்லை. விளைவாக கோடையில் தண்ணீரின்றித் தவிக்கும் தமிழகம், மழையில் வெள்ளத்தில் தத்தளிக்கிறது. இப்படி சொல்கிறது தி தமிழ் ஹிந்து.

இதில் காயல்பட்டினம் என்ன விதிவிலக்கா?

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]