{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் வி-யுனைட்டெட் ஸ்போர்ட்ஸ் க்ளப் சார்பில், கால்பந்து பயிற்சி மையம், துவக்கப்பட்டுள்ளது. துவக்க நிகழ்ச்சியில், நகரின் கால்பந்து வீரர்கள் பங்கேற்றுள்ளனர்.

இதுகுறித்து, வி-யுனைட்டெட் ஸ்போர்ட்ஸ் க்ளப்பின் செய்தி தொடர்பாளர் எம்.ஜஹாங்கீர் வெளியிட்டுள்ள அறிக்கை:-

சர்வதேச தரத்திலான காயலின் முதல் கால்பந்து பயிற்சி மையத்தை வீ-யூனைடெட் துவங்கியது! வீரர்கள் உற்சாகமாக பங்கேற்றனர்!!

காயல்பட்டினத்தின் கால்பந்து வீரர்களை சர்வதேச போட்டிகளில் பங்கேற்கும் வகையில் உருவாக்கும் எண்ணத்தில், முறையான பயிற்சிகளை வழங்குவதற்காக ஹாங்காங் மற்றும் காயல்பட்டினத்தில் செயல்பட்டுவரும் வீ-யூனைடெட் ஸ்போர்ட்ஸ் கிளப் "வீ-யூனைடெட் விளையாட்டு பயிற்சி மையத்தை" கடந்த மாதம் 28ஆம் தேதி முஹிய்யத்தீன் மெட்ரிக்குலேசன் மேல்நிலைப் பள்ளி மைதானத்தில் துவங்கியது.

இப்பயிற்சி மையத்தை 28ஆம் தேதி மாலை 5:30 மணியளவில், முஹிய்யத்தீன் மெட்ரிக்குலேசன் மேல்நிலைப் பள்ளியின் இயக்குனர் திரு. இரத்தினசாமி அவர்களும், ஜனாப். ஃபஸூல்ஹக் அவர்களும் துவக்கி வைத்தார்கள். முதல் நாள் பயிற்சி வகுப்பில் 100-க்கும் அதிகமான இளம் வீரர்கள் உற்சாகமுடன் பங்கேற்றார்கள்.











இப்பயிற்சி வாரத்தின் மூன்று தினங்கள் (வியாழன், சனி மற்றும் ஞாயிற்றுக் கிழமைகளில்) என வாரத்திற்கு 4 வகுப்புகள் நடத்த திட்டமிடப்பட்டுள்ளது. வயது அடிப்படையில் வீரர்கள் மூன்று பிரிவுகளாக பிரிக்கப்பட்டு, 7 பயிற்றுனர்களை கொண்டு பிரத்தியேக சிறப்பு பயிற்சிகள் வழங்கப்படுகிறது.

"வீ-யூனைடெட் விளையாட்டு பயிற்சி மையத்தில்" இணைந்துள்ள வீரர்களின் திறமையை பரிசோதனை செய்வதற்காக பயிற்சி மையத்தில் இணைந்துள்ள வீரர்கள் மட்டும் பங்கேற்கும் வகையில் ஒவ்வொரு மாதமும் போட்டிகள் நடத்தப்பட உள்ளது.

முதல் மாதம் இலவசமாக நடத்தப்படும் இப்பயிற்சி மையம், அக்டோபர் மாதம் முதல், ஒரு மாதத்திற்கு ரூ.300 என்ற சலுகை கட்டணத்தின் அடிப்படையில் நடத்தப்பட உள்ளது. ”வீ-யூனைடெட் கால்பந்து பயிற்சி” வகுப்பில் இணைய விரும்புகின்ற 7 வயது முதல் 17 வயது வரையுள்ள இளம் வீரர்கள் வீ-யூனைடெட் ஸ்போர்ட்ஸ் கிளப் வரவேற்கிறது.



மேலதிக விபரங்களுக்கு...
+852 9754 0095 - +852 9743 1898 - 98406 76767 - 98427 83160 - 91717 76763 ஆகிய எண்களை தொடர்பு கொள்ளுமாறு கேட்டுக்கொள்கிறோம்.

இவண்,
வீ-யூனைடெட் ஸ்போர்ட்ஸ் கிளப் & பயிற்சி மையம்.
www.vunited.org
ஹாங்காங் & காயல்பட்டினம்.

இவ்வாறு அந்த அறிக்கையில் தெரிவிக்கப்பட்டுள்ளது.