Kayal on the Web

2. Re:...
posted by சாளை எஸ்.ஐ. ஜியாவுத்தீன் (அல்கோபர்) [16 April 2017]
IP: 51.*.*.*

United Kingdom | Comment Reference Number: 45468

மிகவும் வருத்தமடையக் கூடிய செய்தி.

பழகுவதற்கு மிகவும் அருமையான ஆசிரியர். அதிகம் கோபப்படாதவர். சிரித்த முகத்துடனே இருப்பவர். அழகாக உடை உடுத்தி, ஸ்டைலாக இருப்பார்கள். நாங்கள் ரசித்த ஆசிரியர்களில் இவர்களும் ஒருவர். (இன்னொரு ஆசிரியர், ஆசான் ஹனிபா சார் அவர்கள் )

என்னை எங்கு பார்த்தாலும், கையை பிடித்துக்கொண்டு என் முதல்,என் சொந்தங்கள், கூட படித்த நண்பர்கள் என்று பலரின் பெயரை நினைவு கூர்ந்து விசாரிப்பார்கள். அவர்கள் காரில் சென்றாலும் என்னைக் கண்டதும் காரை விட்டு இறங்கி வந்து, தோளில் தட்டி, விசாரிப்பார்கள். அவ்வளவு பாசமானவர்கள் . அதற்க்கு காரணம்,

* எல்.கே. பள்ளியில் ஆசிரியராக பணிக்கு வந்து, பஸ் ஸ்டாப்பில் பெட்டியுடன் இறங்கும் சமயம், நான் தான் அவர்களின் பெட்டியை தலையில் சுமந்துக்கொண்டு பள்ளிக்குள் அழைத்து சென்றேன்.

* அவர்கள் முதல் முதல் பாடம் எடுத்தது எங்கள் வகுப்புக்கு தான்.

* வகுப்பறையில் அவர்கள் பாடம் எடுக்கும் சமயம் நோட்டு,புத்தகம், பேனா அனைத்தையும் மூடி வைத்து விட்டு, பாடத்தை கவனியுங்கள் என்று முதல் முதலில் எங்களுக்கு புதிய அனுபவத்தை கொடுத்தவர்கள். அப்படியே மனதில் பதியும் படி அருமையாக பாடம் எடுப்பார்கள்.

கூடுதல் சுவாரஸ்யமான நிகழ்வு,

பள்ளியில் சேர்ந்த சில காலங்களில், பள்ளி முடிந்ததும் போஸ்ட் ஆபீஸ்- பஸ் ஸ்டாப்பில் நின்று கொண்டு யாரையோ தேடிக் கொண்டு இருப்பார்கள். . பல நாட்கள் இப்படியே தொடரவும், எங்களுக்குள் ஒரு பரபரப்பு.

எல்லோரும் என்னிடம், நீ தான் சாருக்கு மிக நெருக்கம், நீ கேளு, நீ கேளு என்று உசுப்பு ஏத்த...,

நான், சார்.. என்ன தினமும் பஸ் ஸ்டாப்பில் நின்று கொண்டு யாரை நோட்டம் விடுகின்றீர்கள் என்று வினவ.. அவர்களின் முகத்தில் பூத்த புன்னகையும், வெட்கமும் இன்றும் மனதில் நிற்கின்றது..

காரணம், அன்று முஹ்யத்தீன் மெட்ரிக் பள்ளியில், பணி புரிந்து கொண்டு இருந்த மல்லிகா டீச்சரை ( அதான் நம் தமிழ் ஆசான் பீட்டர் சார் உடைய மகள்) அவர்களை பார்க்க தான் என்று அறிந்து கொண்டோம். நிச்சயித்த பெண்ணை பார்க்கத்தான் இவ்வளவு நாளும் பஸ் ஸ்டாப் தவம்.

இந்த பஸ் டாப் நிகழ்வை அடிக்கடி சொல்லி சிரிப்பார்கள்.

இப்படி பல நிகழ்வுகள் நெஞ்சில் நிலலாடிக்கொண்டு இருக்கின்றது.

இவர்களின் இழப்பால் வாடும் குடும்பத்தார்கள், மாணவர்கள், நண்பர்கள் அனைவர்களுக்கும் என்னுடைய ஆழ்ந்த இரங்கலை தெரிவித்துக் கொள்கிறேன். வல்ல இறைவன் உங்களுக்கு அழகிய பொறுமையை தருவானாக.

சாளை எஸ்.ஐ. ஜியாவுத்தீன், அல்கோபர்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]