{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஜ்லிஸுல் புகாரிஷ் ஷரீஃபின் 90ஆம் ஆண்டு நிகழ்ச்சிகள், 28.03.2017. அன்று திக்ர் மஜ்லிஸுடன் துவங்கி, 30.04.2017. அன்று நேர்ச்சை வினியோகத்துடன் நிறைவுறுகிறது.

ரஜப் மாதம் முழுவதும் ஒவ்வொரு நாளும் அதிகாலையில் ஸஹீஹுல் புகாரீ கிரந்தத்திலிருந்து நபிமொழிகள் ஓதப்பட்டு, காலை 09.15 மணியளவில் அன்றைய நாளில் ஓதப்பட்ட நபிமொழிகளுக்கு மார்க்க அறிஞர்களால் விளக்கவுரை வழங்கப்படுவதும், நிறைவு நாளன்று அபூர்வ துஆ பிரார்த்தனை செய்யப்படுவதும் வழமை. அந்த அடிப்படையில் மே 08 அன்று (நேற்று) அபூர்வ துஆ நிகழ்ச்சிகள் நடைபெற்றன.

அதிகாலை நிகழ்ச்சிகள்:

அன்று அதிகாலை 05.15 மணிக்கு, ஹாஃபிழ் பீ.ஏ.இசட்.சாமு ஹஸ்ஸான் கிராஅத் ஓத, மஜ்லிஸுல் புகாரி ஷரீஃப், குருவித்துறைப்பள்ளி ஆகியவற்றின் தலைவர் நஹ்வீ இ.எஸ்.செய்யித் முஹம்மத் புகாரீ நிறைவுநாள் பாடத்தை ஓதி துவக்கி வைத்தார்.

காலை நிகழ்ச்சிகள்:

அன்று ஓதப்பட்ட நபிமொழிகளுக்கான விளக்கவுரையை, அபூதபீ மீலாத் கமிட்டியின் தலைவர் மவ்லவீ ஹாஃபிழ் எஸ்.எம்.பி.ஹுஸைன் மக்கீ மஹ்ழரீ வழங்கினார்.

தொடர்ந்து, கூட்டு துஆவின் மகிமைகள் எனும் தலைப்பில், இலங்கை சம்மாங்கோட் பள்ளியின் கத்தீபும் - ஹாமிதிய்யா மார்க்கக் கல்வி நிறுவனத்தின் கவுரவ ஆசிரியருமான மவ்லவீ நஹ்வீ ஐ.எல்.செய்யித் அஹ்மத் முத்துவாப்பா ஃபாஸீ உரையாற்றினர்.

அபூர்வ துஆ பிரார்த்தனை:

‘தாருத்திப்யான் நெட்வர்க்’ நிறுவனர் எஸ்.கே.ஸாலிஹ் நிகழ்ச்சி அறிமுகவுரையாற்ற, ‘முத்துச்சுடர்’ மாத இதழின் ஆசிரியர் மவ்லவீ ஹாஃபிழ் என்.டீ.எஸ்.முஹம்மத் ஸாலிஹ் நுஸ்கீ மஹ்ழரீ அபூர்வ துஆ பிரார்த்தனை இறைஞ்சி, இவ்வாண்டின் நிகழ்ச்சிகளை நிறைவுபடுத்தினார்.

சமூக ஒற்றுமை, உலக அமைதி, மத நல்லிணக்கம், மனிதநேயம், சகோதரத்துவம், நாட்டு நலன், இயற்கைப் பேரிடர்களிலிருந்து பாதுகாப்பு, நோய் நிவாரணத்திற்காக சிறப்புப் பிரார்த்தனை செய்யப்பட்டது.

இப்பிரார்த்தனையில் பங்கேற்பதற்காக, உள்ளூரின் அனைத்துப் பகுதிகளிலிருந்தும், வெளியூர்களிலிருந்தும் ஆண்களும், பெண்களும் ஆயிரக்கணக்கில் வந்து கலந்துகொண்டனர்.

பிரார்த்தனையில் பங்கேற்ற முக்கியமானோர்:

காயல்பட்டினம் பள்ளிவாசல் ஜமாஅத்துகளின் நிர்வாகிகள், இந்திய யூனியன் முஸ்லிம் லீக் தூத்துக்குடி மாவட்ட செயலாளர் எஸ்.ஜெ.மஹ்மூதுல் ஹஸன், காயல்பட்டினம் நகர தலைவர் எம்.ஏ.முஹம்மத் ஹஸன், செயலாளர் ஏ.எல்.எஸ்.அபூஸாலிஹ், நகர பொருளாளர் கே.எம்.என்.மஹ்மூத் லெப்பை, வாவு வஜீஹா வனிதையர் கல்லூரியின் நிறுவன தலைவர் வாவு செய்யித் அப்துர்ரஹ்மான், அதன் இணைச் செயலாளர் வாவு எஸ்.ஏ.ஆர்.அஹ்மத் இஸ்ஹாக், நகர்மன்ற முன்னாள் தலைவர் ஐ.ஆபிதா ஷேக், நகர்மன்ற உறுப்பினர்கள் உட்பட - நகர பொதுமக்களும், வெளியூர்களைச் சேர்ந்த பொதுமக்களும் பெருந்திரளாகக் கலந்துகொண்டனர்.

பிரமுகர்கள் பங்கேற்பு:

திருச்செந்தூர் தொகுதி சட்டமன்ற உறுப்பினர் அனிதா ஆர்.ராதாகிருஷ்ணன் உள்ளிட்ட அரசியல் பிரமுகர்களும் பிரார்த்தனையில் பொதுமக்களுடன் பங்கேற்று, துஆ இறைஞ்சிய ஆலிமிடம் வாழ்த்து பெற்றனர்.





இட வசதி:

ஆண்களுக்கு, மஜ்லிஸின் ஆண்கள் பகுதி ஹல்கா, பெரிய முத்துவாப்பா தைக்கா தெரு, குருவித்துறைப்பள்ளியின் உட்பள்ளி, நடுப்பள்ளி, வெளிப்பள்ளி, குருவித்துறைப்பள்ளி மையவாடி மைதானம் உள்ளிட்ட இடங்களில் சிறப்பேற்பாடுகள் செய்யப்பட்டிருந்தது.











































பெண்களுக்கு, மஜ்லிஸின் பெண்கள் பகுதி ஹல்கா, கிழக்குப் பகுதி மைதானம், பெரிய முத்துவாப்பா தைக்கா, ஈக்கியப்பா தைக்கா உள்ளிட்ட பகுதிகளில் இட வசதி செய்யப்பட்டிருந்தது. அனைவரும் ஒரே குரலில் ‘ஆமீன்’ என்று கூறி, துஆ - பிரார்த்தனை செய்தனர்.

துஆ இறைஞ்சிய ஆலிமுக்கு வழியனுப்பு:

சுமார் 1 மணி நேரம் நடைபெற்ற துஆ பிரார்த்தனை நிறைவுற்ற பின்னர், துஆ இறைஞ்சிய ஆலிமை - ஹாமிதிய்யா பைத் பிரிவினர் அரபி பைத் பாடி நகர்வலமாக அவரது இல்லம் வரை சென்று வழியனுப்பி வைத்தனர்.



பாதுகாப்பு ஏற்பாடுகள்:

ஆறுமுகநேரி காவல்துறை சார்பில் விரிவான பாதுகாப்பு ஏற்பாடுகள் செய்யப்பட்டிருந்தன. மஜ்லிஸ் வைபவக் கமிட்டியின் சார்பிலும் பாதுகாப்பு ஏற்பாடுகள் செய்யப்பட்டிருந்தன.

முன்னெச்சரிக்கை நடவடிக்கையாக - கே.எம்.டீ. மருத்துவமனை சார்பில் ஆம்புலன்ஸ் முதலுதவி வாகனம் நிகழ்விடத்தில் ஆயத்தமாக நிறுத்தி வைக்கப்பட்டிருந்தது. திருச்செந்தூரிலிருந்து தீயணைப்பு வாகனமும் வரவழைக்கப்பட்டிருந்தது.

போக்குவரத்து நெரிசலைத் தவிர்ப்பதற்காக, அப்பாபள்ளித் தெருவிலிருந்தே வாகனங்கள் திருப்பிவிடப்பட்டன.

மக்கள் திரளைக் கருத்திற்கொண்டு, காயல்பட்டினம் ஸீ-கஸ்டம்ஸ் சாலை - அப்பாபள்ளித் தெரு - தீவுத் தெரு சந்திப்பில் துவங்கி, மஜ்லிஸ் வளாகம் வரை ஏராளமான கடைகள் அமைக்கப்பட்டிருந்தன.

அரபிக் கல்லூரிகளுக்கு விடுமுறை:

அபூர்வ துஆ பிரார்த்தனையை முன்னிட்டு, 29.04.2017. சனிக்கிழமையன்று காயல்பட்டினம் மஹ்ழரா அரபிக் கல்லூரி, ஜாவியா அரபிக் கல்லூரி, அரூஸுல் ஜன்னஹ் மகளிர் அரபிக் கல்லூரி, முஅஸ்கர் மகளிர் அரபிக் கல்லூரி, மாதிஹுல் ஜலாலிய்யா மகளிர் அரபிக் கல்லூரி, ஹாமிதிய்யா திருக்குர்ஆன் ஹிஃப்ழுப் பிரிவு உள்ளிட்ட மத்ரஸாக்களுக்கு விடுமுறை அளிக்கப்பட்டிருந்தது.

கோடை விடுமுறையாதலால், பள்ளிக்கூடங்கள் ஏற்கனவே விடுமுறையில் உள்ளமை குறிப்பிடத்தக்கது.

மாலை நிகழ்ச்சிகள்:

17.35 மணிக்கு எஸ்.இ.முஹம்மத் அலீ ஸாஹிப், எம்.எஸ்.எம்.ஷம்சுத்தீன் ஆகியோர் ஏலம் விடும் நிகழ்ச்சியை நடத்தினர்.

இரவு நிகழ்ச்சிகள்:

19.00 மணிக்கு, ஹாமிதிய்யா மார்க்கக் கல்வி நிறுவனத்தின் மாணவர்கள் பங்கேற்பில் பல்சுவை இஸ்லாமிய நிகழ்ச்சிகள் இடம்பெற்றன.

20.45 மணிக்கு, மாதிஹுல் கவ்த் மர்ஹூம் அல்லாமா சே.கு.நூகுத்தம்பி ஆலிம் முஃப்தீ அவர்களால் கோர்வை செய்யப்பட்ட ராத்திபத்துல் அஹ்மதிய்யா திக்ர் மஜ்லிஸ், காயல்பட்டினம் கடைப்பள்ளி இமாம் எம்.ஐ.செய்யித் முஹம்மத் புகாரீ தங்ஙள் தலைமையில் நடைபெற்றது.

21.45 மணிக்கு, நிறைவு நாள் சிறப்பு நிகழ்ச்சிகளின் கடைசி கட்ட நிகழ்ச்சிகளை, ஹாமிதிய்யா மார்க்கக் கல்வி நிறுவனத்தின் மாணவர் கே.எம்.எச்.அப்துல் வதூத் கிராஅத் ஓதி துவக்கி வைக்க, மஜ்லிஸ் வளைவுகளில் பதியப்பட்டிருக்கும் நபிமொழிகளுக்கான விளக்கவுரையை, குருவித்துறைப் பள்ளியின் துணை இமாம் மவ்லவீ ஹாஃபிழ் ஏ.எல்.ஜாஃபர் ஸாதிக் மன்பஈ வழங்கினார்.

ஹாஃபிழ் பி.ஏ.முஹம்மத் உக்காஷா நன்றி கூற, மவ்லவீ சொளுக்கு ஒய்.எஸ்.செய்யித் முஹம்மத் ஸாஹிப் மஹ்ழரீ துஆவுடன் நிகழ்ச்சிகள் நிறைவுற்றன. மறுநாள் (30.04.2017. ஞாயிறு) 06.00 மணி முதல் 08.30 மணி வரை நேர்ச்சை வினியோகம் நடைபெற்றது.

அனைத்து நிகழ்ச்சிகளுக்கான ஏற்பாடுகளையும் மஜ்லிஸுல் புகாரி ஷரீஃப் தலைவர் நஹ்வீ இ.எஸ்.செய்யித் முஹம்மத் புகாரீ ஆலிம், துணைத்தலைவர் டீ.எம்.கே.முத்து செய்யித் அஹ்மத், மேலாளர் மவ்லவீ என்.டீ.எஸ்.முஹம்மத் ஸாலிஹ் நுஸ்கீ மஹ்ழரீ, இணைச் செயலாளர்களான மவ்லவீ நஹ்வீ ஐ.எல்.செய்யித் அஹ்மத் முத்துவாப்பா ஃபாஸீ, கம்பல்பக்ஷ் எஸ்.எச்.பாக்கர் ஸாஹிப், எம்.எஸ்.பி.முஹம்மத் இஸ்மாஈல், துணைச் செயலாளர் எஸ்.எஸ்.ஷாஹுல் ஹமீத் ஆகிய நிர்வாகிகளும், வைபவக் கமிட்டி தலைவர் கே.எம்.செய்யித் அஹ்மத் தலைமையில் – ஹாஃபிழ் என்.டீ.ஷெய்க் சுலைமான் லெப்பை, சொளுக்கு ஏ.ஜெ.முஹ்யித்தீன் அப்துல் காதிர் உள்ளிட்ட வைபவக் கமிட்டியினரும் செய்திருந்தனர்.

ஒவ்வொரு நாளும் நடைபெற்ற சொற்பொழிவு நிகழ்ச்சிகள், நிறைவுநாளன்று நடைபெற்ற அபூர்வ துஆ பிரார்த்தனை உள்ளிட்ட அனைத்தும், http://www.bukhari-shareef.com/eng/live/ என்ற இணையதள பக்கத்தில் ஒலி நேரலை செய்யப்பட்டது. அதே இணையதளத்தின் முகப்புப் பக்கத்தில் உரிய தலைப்பைத் தேர்ந்தெடுத்து, நடப்பாண்டின் பழைய உரைகள், கடந்தாண்டின் அனைத்து உரைகளையும் கேட்கவும், பதிவிறக்கம் செய்யவும் வசதி செய்யப்பட்டுள்ளது.

படங்கள்: வீனஸ் ஸ்டூடியோ
காயல்பட்டினம்.

தகவல் உதவி:
ஜாஃபர் சுலைமான்