{ முகநூல் கருத்துக்கள்}{ட்விட்டர் கருத்துக்கள்}

ஹஜ் பெருநாளையொட்டி பெருநாளன்றும், அதற்கடுத்த - அய்யாமுத் தஷ்ரீக் என்றழைக்கப்படும் மூன்று நாட்களிலும், ஆடு, மாடு, ஒட்டகம் உள்ளிட்டவற்றை அறுத்துப்பலியிடுவது இஸ்லாம் வலியுறுத்திய ஒரு கிரியையாகும்.

ஆட்டுக்கு ஒருவரும், மாடு மற்றும் ஒட்டகத்திற்கு ஏழு பேரும் பங்குதாரர்களாக இருக்கலாம். அறுக்கப்படும் அப்பிராணிகளின் இறைச்சியை குடும்பத் தேவைக்கு எடுத்துக்கொண்டது போக, உற்றார் - உறவினருக்கும், ஏழை - எளியோருக்கும் அன்பளிப்பாக வழங்கப்படுவது வழமை.

அந்த அடிப்படையில், காயல்பட்டினம் நகரின் பள்ளிவாசல்கள் மற்றும் பொதுநல அமைப்புகள் சார்பாக, கூட்டு முறையில் உள்ஹிய்யா கொடுப்பதற்கான ஏற்பாடுகள் நடைபெற்று வருகிறது.

அதன் ஒரு பகுதியாக, காயல்பட்டினம் இத்திஹாதுல் இக்வானில் முஸ்லிமீன் - இஸ்லாமிய சகோதரத்துவ இணையம் (ஐ.ஐ.எம்.) சார்பில், மாடு பங்கு ஒன்றுக்கு ரூ.3,750/- என தொகை நிர்ணயிக்கப்பட்டுள்ளது.

பங்கு சேர விரும்புவோர், பள்ளி அலுவலகத்தில் நேரடியாகப் பங்குத் தொகையைச் செலுத்தி, தமது பங்கை உறுதி செய்துகொள்ளலாம் எனவும், மேலதிக விபரங்களுக்கு, அதன் பொறுப்பாளர்களான எம்.ஏ.புகாரீ (48) –ஐ +91 98651 30455 என்ற எண்ணில் அல்லது ‘ஜப்பான்’ முஹம்மத் முஹ்யித்தீனை +91 96775 57070 என்ற எண்ணிலோ தொடர்புகொண்டு கேட்டறியலாம் என்றும், பள்ளி நிர்வாகத்தால் தெரிவிக்கப்பட்டுள்ளது.