{ முகநூல் கருத்துக்கள்}{ட்விட்டர் கருத்துக்கள்}

விளையாட்டுத் துறையில் காயலர்களை ஒருங்கிணைக்கும் நோக்குடன் இயங்கி வரும் வி-யுனைட்டெட் ஸ்போர்ட்ஸ் க்ளப் சார்பாக, காயல்பட்டினம் நகரின் விளையாட்டு ஆர்வலர்களின் நல்லாதரவோடும், காயல் ஸ்போர்ட்டிங் க்ளப் (கே.எஸ்.ஸி.), ஐக்கிய விளையாட்டு சங்கம் (யு.எஸ்.ஸி.) ஆகியவற்றின் ஒத்துழைப்புகளோடும், காயல் ப்ரீமியர் லீக் கால்பந்து மற்றும் க்ரிக்கெட் போட்டிகள் கடந்த 3 ஆண்டு காலமாக நடத்தப்பட்டு வருகிறது.

இவ்வாண்டு, வி-யுனைட்டெட் கே.பி.எல். க்ரிக்கெட் சுற்றுப்போட்டிகள், இம்மாதம் 22ஆம் தேதி புதன்கிழமை (நாளை) துவங்கி, இம்மாதம் 31ஆம் தேதி வெள்ளிக்கிழமை வரை, காயல்பட்டினம் கே.எஸ்.ஸி. மைதானத்தில் நடைபெறுகிறது.

இரண்டாம் நாளான மே 23ஆம் தேதியன்று நடைபெற்ற போட்டிகள் குறித்து, வி-யுனைட்டெட் கே.பி.எல். சுற்றுப்போட்டிக் குழுவின் சார்பில் வெளியிடப்பட்டுள்ள அறிக்கை வருமாறு:-

மே 26ஆம் தேதி ஞாயிற்றுக்கிழமை காலை நடைபெற்ற போட்டியில் Gallery Birds அணியும், Fi-Sky Boys அணியும் விளையாடின. முதலில் பேட்டிங் செய்த Gallery Birds அணி 66 ரன்களை எடுத்தது. அந்த அணிக்காக அப்பாஸ் 22 ரன்களையும் எடுத்தார். Fi-Sky Boys அணிக்காக யாஸர், பிலால் மற்றும் அபு ஆகியோர் தலா ஒரு விக்கெட்டை வீழ்த்தினார்கள். அப்துல் ஹமீத் 3 விக்கெட்டை வீழ்த்தினார்.

தொடர்ந்து பேட்டிங் செய்த Fi-Sky Boys அணியினர் 7.4 ஓவரில் ஒரு விக்கெட்டை இழந்து 69 ரன்களை சேர்த்து வெற்றி பெற்றனர். அந்த அணிக்காக அபு 17 ரன்களையும், சுலைமான் 32 ரன்களையும், யாஸர் 10 ரன்களையும் சேர்த்தனர். Gallery Birds அணிக்காக முஹம்மது தம்பி ஒரு விக்கெட்டை வீழ்த்தினார்.

இரண்டாவது போட்டியில் Kayal Rockers அணியும், Fire Strikers அணியும் விளையாடின. முதலில் பேட்டிங் செய்த Kayal Rockers அணியினர் 10 ஓவர்களில் 4 விக்கெட்டுகளை இழந்து 73 ரன்களை எடுத்தனர். அந்த அணிக்காக புஹாரி 22 ரன்களையும், அம்மார் 20 ரன்களையும் சேர்த்தனர். Fire Strikers அணிக்காக ஹூஸைன் மற்றும் லத்தீபஃப் தலா ஒரு விக்கெட்டையும், செய்யத் 2 விக்கெட்டுகளையும் வீழ்த்தினார்கள்.

பின்னர் பேட்டிங் செய்த Fire Strikers அணியினர் 10 ஓவர்களில் 59 ரன்களை சேர்த்து தேல்வியடைந்தனர். அந்த அணிக்காக லத்தீஃப் 14 ரன்களையும், சல்மான் 22 ரன்களையும் சேர்த்தனர். Kayal Rockers அணிக்காக அம்மார், இர்ஃபான் மற்றும் இம்ரான் ஆகியோர் தலா ஒரு விக்கெட்டை கைப்பற்றினர்.

மூன்றாவது போட்டியில் Final Challanger அணியும், Wavoo warriors அணியும் விளையாடின. முதலில் பேட்டிங் செய்த Final Challanger அணியினர் 10 ஓவர்களின் முடிவில் 5 விக்கெட்டுகளை இழந்து 93 ரன்களை எடுத்தனர். அந்த அணிக்காக மீரா சாஹிப் 19 ரன்களையும், பசீர் 31 ரன்களையும், Soofi 22 ரன்களையும் சேர்த்தனர். Wavoo Warriors அணிக்காக ரசாக், மாலிக் மற்றும் வாவு சாஹூல் ஹமீத் ஆகியோர் தலா ஒரு விக்கெட் கைப்பற்றினர்.

பின்னர் பேட்டிங் செய்த Wavoo Warriors அணியினர் 10 ஓவர்களின் முடிவில் 6 விக்கெட் இழப்பிற்கு 82 ரன்களை மட்டுமே அடித்து தோல்வியடைந்தது. அந்த அணிக்காக ஷேக் 22 ரன்களையும், வாவு சாஹூல் ஹமீத் 19 ரன்களையும், வாவு இப்றாஹீம் 15 ரன்களையும் அடித்தனர். Final Challanger அணிக்காக மூஸா 2 விக்கெட்டுகளையும், முஹம்மது அலி, Soofi மற்றும் புஹாரி தலா ஒரு விக்கெட்டையும் கைப்பற்றினர்.

நான்காவது போட்டியில் Kayal United அணியும், Greenish County அணியும் விளையாடின. முதலில் பேட்டிங் செய்த Kayal United அணியினர் 10 ஓவர்களில் அனைத்து விக்கெட்டுகளையும் இழந்து 75 ரன்களை அடித்தனர். அந்த அணிக்காக முஹம்மது முஹைதீன் 19 ரன்களையும், இஸ்ஸதீன் 12 ரன்களையும் சேர்த்திருந்தனர். Greenish County அணிக்காக சுலைமான், கமால் மற்றும் ஹஸன் தலா 2 விக்கெட்டுகளையும், சாஹூல் ஒரு விக்கெட்டையும் கைப்பற்றினர்.

தொடர்ந்து பேட்டிங் செய்த Greenish County அணியினர் 7.4 ஓவரில் ஒரு விக்கெட்டை மட்டும் இழந்து 78 ரன்கள் அடித்து வெற்றிபெற்றது. அந்த அணிக்காக சுலைமான் 11 ரன்களையும், செய்யது இப்றாஹீம் 26 ரன்களையும், சாஹூல் ஹமீத் 30 ரன்களையும் அடித்தனர். Kayal United அணிக்காக முஹம்மது முஹைதீன் ஒரு விக்கெட்டை கைப்பற்றினார்.

இதுவரை நடைபெற்ற போட்டிகளின் மொத்த முடிவுகள் விபரப் பட்டியல் வருமாறு:-









இவ்வாறு, சுற்றுப்போட்டிக் குழுவின் சார்பில் வெளியிடப்பட்டுள்ள அறிக்கையில் தெரிவிக்கப்பட்டுள்ளது.

தகவல்:
M.ஜஹாங்கீர்