{ முகநூல் கருத்துக்கள்}{ட்விட்டர் கருத்துக்கள்}

விளையாட்டுத் துறையில் காயலர்களை ஒருங்கிணைக்கும் நோக்குடன் இயங்கி வரும் வி-யுனைட்டெட் ஸ்போர்ட்ஸ் க்ளப் சார்பாக, காயல்பட்டினம் நகரின் விளையாட்டு ஆர்வலர்களின் நல்லாதரவோடும், காயல் ஸ்போர்ட்டிங் க்ளப் (கே.எஸ்.ஸி.), ஐக்கிய விளையாட்டு சங்கம் (யு.எஸ்.ஸி.) ஆகியவற்றின் ஒத்துழைப்புகளோடும், காயல் ப்ரீமியர் லீக் கால்பந்து மற்றும் க்ரிக்கெட் போட்டிகள் கடந்த 3 ஆண்டு காலமாக நடத்தப்பட்டு வருகிறது.

இவ்வாண்டு, வி-யுனைட்டெட் கே.பி.எல். க்ரிக்கெட் சுற்றுப்போட்டிகள், இம்மாதம் 22ஆம் தேதி புதன்கிழமை (நாளை) துவங்கி, இம்மாதம் 31ஆம் தேதி வெள்ளிக்கிழமை வரை, காயல்பட்டினம் கே.எஸ்.ஸி. மைதானத்தில் நடைபெறுகிறது.

இரண்டாம் நாளான மே 23ஆம் தேதியன்று நடைபெற்ற போட்டிகள் குறித்து, வி-யுனைட்டெட் கே.பி.எல். சுற்றுப்போட்டிக் குழுவின் சார்பில் வெளியிடப்பட்டுள்ள அறிக்கை வருமாறு:-

V-United KPL கிரிக்கெட் : இன்றைய போட்டி முடிவுகள். V-United பெருமையுடன் நடத்தும் 4-ம் ஆண்டு காயல் பிரிமியர் லீக் சுற்றுப் போட்டியின் 5-ம் நாள் போட்டிகள் இன்று காலை காயல் ஸ்போர்டிங் கிளப் மைதானத்தில் நடைபெற்றது. அப்போட்டிகளின் முடிவுகள் பின்வருமாறு:-

முதல் போட்டியில் Final Challenger அணியும், Kayal Rockers அணியும் விளையாடின. முதலில் பேட்டிங் செய்த Final Challanger அணியினர் 10 ஓவர்களின் முடிவில் 6 விக்கெட்டுகளை இழந்து 82 ரன்களை எடுத்தனர். அந்த அணிக்காக மீரான் 18 ரன்களையும், பசீர் 22 ரன்களையும், மூஸா 18 ரன்களையும் எடுத்தனர். Kayal Rockers அணிக்காக அம்மார், அஸார், இர்ஃபான் மற்றும் இம்ரான் தலா ஒரு விக்கெட்டை கைப்பற்றினர்.

தொடர்ந்து பேட்டிங் செய்த Kayal Rockers அணியினர் 4 விக்கெட்டுகளை இழந்து 10-வது ஓவரின் இறுதி பந்தில் 83 ரன்களை அடித்து வெற்றி பெற்றனர். அந்த அணிக்காக அம்மார் 34 ரன்களையும், உமர் 29 ரன்களையும் சேர்த்தனர். Final Challenger அணிக்காக புஹாரி, Soofi மற்றும் அலி ஆகியோர் தலா ஒரு விக்கெட்டை கைப்பற்றினர்.

இரண்டாவது போட்டியில் Wavoo Warriors அணியும், Kayal United அணியும் விளையாடின. முதலில் பேட்டிங் செய்த Wavoo Warriors அணியினர் 10 ஓவர்களின் முடிவில் 5 விக்கெட்டுகளை இழந்து 76 ரன்களை எடுத்தனர். அந்த அணிக்காக ஷேக் 20 ரன்களையும், மாலிக் 23 ரன்களையும் அடித்தனர். Kayal United அணிக்காக முஹைதீன், நெய்னா மற்றும் இஸ்ஸத்தீன் தலா ஒரு விக்கெட்டையும், செய்யது அலி 2 விக்கெட்டையும் கைப்பற்றினர்.

பின்னர் பேட்டிங் செய்த Kayal United அணியினர் ஒரு விக்கெட்டை இழந்து 8.3 ஓவரில் 78 ரன்களை அடித்து வெற்றிபெற்றனர். அந்த அணிக்காக இஜாஸ் 37 ரன்களையும், செய்யது இப்றாஹீம் 14 ரன்களையும், சமீம் 17 ரன்களையும் அடித்தனர். Wavoo Warriors அணிக்காக மாலிக் ஒரு விக்கெட்டை கைப்பற்றினார்.

மூன்றாவது போட்டியில் Fire Strikers அணியும், Gallery Birds அணியும் விளையாடின. முதலில் பேட்டிங் செய்த Fire Strikers அணியினர் 10 ஓவர்களில் 3 விக்கெட்டுகளை இழந்து 93 ரன்களை அடித்தனர். அந்த அணிக்காக லத்தீஃப் 21 ரன்களையும், சல்மான் 19 ரன்களையும், சாலிஹ் 20 ரன்களையும் அடித்தனர். Gallery Birds அணிக்காக யாஸர் 2 விக்கெட்டுகளையும், சதக்கதுல்லாஹ் 1 விக்கெட்டையும் கைப்பற்றினர்.

தொடர்ந்து பேட்டிங் செய்த Gallery Birds அணியினர் 10 ஓவர்களில் அனைத்து விக்கெட்டுகளையும் இழந்து 89 ரன்களை மட்டுமே சேர்த்து தோல்வியடைந்தது. அந்த அணிக்காக சதக்கதுல்லாஹ் 24 ரன்களையும், சமீர் 18 ரன்களையும், அப்பாஸ் 16 ரன்களையும் சேர்த்தனர். Fire Strikers அணிக்காக ஹூஸைன் 2 விக்கெட்டுகளையும், செய்யத், ஃபஹத், யூசுஃப் மற்றும் லத்தீஃப் தலா ஒரு விக்கெட்டை கைப்பற்றினர்.

நான்காவது போட்டியில் Greenish County அணியினரும், Fi-Sky Boys அணியினரும் விளையாடினர். முதலில் பேட்டிங் செய்த Greenish County அணியினர் 10 ஓவர்களின் முடிவில் 5 விக்கெட்டுகளை இழந்து 62 ரன்களை சேர்த்தனர். அந்த அணிக்காக சாஹூல் 15 ரன்களையும், கமால் 15 ரன்களையும் சேர்த்தனர். Fi-Sky Boys அணிக்காக பிலால் மற்றும் ஹமீத் தலா ஒரு விக்கெட்டையும், இஸ்மாயில் 3 விக்கெட்டையும் கைப்பற்றினர்.

பின்னா பேட்டிங் செய்த Fi-Sky Boys அணியினர் ஒரு விக்கெட்டை இழந்து 7.2 ஓவரில் 63 ரன்களை அடித்து வெற்றிபெற்றனர். அந்த அணிக்காக அபு 11 ரன்களையும், சுலைமான் 30 ரன்களையும் அடித்தனர். Greenish County அணிக்காக சுலைமான் ஒரு விக்கெட்டை கைப்பற்றினார்.

இதுவரை நடைபெற்ற போட்டிகளின் மொத்த முடிவுகள் விபரப் பட்டியல் வருமாறு:-









இவ்வாறு, சுற்றுப்போட்டிக் குழுவின் சார்பில் வெளியிடப்பட்டுள்ள அறிக்கையில் தெரிவிக்கப்பட்டுள்ளது.

தகவல்:
M.ஜஹாங்கீர்

மே 26ஆம் தேதி நடைபெற்ற போட்டிகள் குறித்த செய்தியைக் காண இங்கே சொடுக்குக!