{ முகநூல் கருத்துக்கள்}{ட்விட்டர் கருத்துக்கள்}

சவூதி அரேபியா,மக்கா - காயல்பட்டினம் அல்ஜாமிஉல் கபீர் - பெரிய குத்பா பள்ளியின் கத்தீபும்,முஅஸ்கர் ரஹ்மான் மகளிர் அரபிக்கல்லூரியின் நிறுவனரும், இஸ்லாமிய வரலாற்று ஆய்வாளருமான மௌலான,மௌலவீ,அல்ஹாஜ்,அல்ஹாஃபிழ் , எச்.ஏ. அஹ்மத் அப்துல் காதிர் ஆலிம் மஹ்ழரீ அவர்கள் புனித உம்ரா கடமையை நிறைவு செய்ய கடந்த மாதமும்,அல்ஜாமிஉல் ஸகிர் - சிறிய குத்பா பள்ளியின் கத்தீபும், தூத்துக்குடி மாவட்ட ஜமாஅத்துல் உலமா சபையின் தலைவரும்,ஜாவியா அரபி கல்லூரியின் முதல்வருமான மௌலான,மௌலவீ,அல்ஹாஜ்,எஸ்.எம்.முஹம்மது பாரூக் ஆலிம் பாஸி அவர்கள் புனித உம்ரா கடமையை நிறைவு செய்ய கடந்த வாரமும் சங்கைமிகு மக்கா நகர் வருகை புரிந்ததில் மரியாதைக்குரிய கத்தீப்கள் இருவரையும் காயலர்கள் புனித மக்காவில் சந்தித்து கலந்துரையாடல் செய்து கண்ணியபடுத்தி கொண்டார்கள். அந்த இனிய நிகழ்வுகளின் புகைப்பட தொகுப்புகளை காயல் உறவுகளிடம் இவர்கள் பகிர்ந்து கொள்கின்றார்கள்.





தனியார் பயண ஏற்பாட்டாளர்கள் மூலமாகவும் மற்றும் தனியாகவும் தாயகத்தில் இருந்தும் மற்றும் உலகின் பல பாகங்களிலிருந்தும் அதிகமான காயலர்கள் குடும்ப சகிதமாய் சமீபத்தில் புண்ணியம் தவழும் மக்கா,மதீனா வந்தும் புனித கடமைகளை மகிழ்வுடன் நிறைவேற்றி கொண்டார்கள்.





வல்லோன் அல்லாஹ் புனித ஹஜ்,உம்ரா கடமைகளை மகிழ்வுடன் நிறைவேற்றிய எல்லோர்களின் நல்லமல்களை ஏற்றும்,பிரார்த்தனைகளையும் கபுல் செய்தும்,மேலும் நம்மில் அனைவருக்கும் இப்புனித கடமைகளை நிறைவேற்றும் நல்லதோர் வாய்ப்பினை நசிபாக்கியும் நல்ல பாக்கியத்தையும் தந்தும் கிருபை செய்வானாக அல்லாஹ்ஆமீன்.







நிழல்படம்:

சட்னி,எஸ்.ஏ.கே.முஹம்மது உமர் ஒலி,
சொளுக்கு,எஸ்.எம்.முஹம்மது உமர்,

தகவல்,
சட்னி.எஸ்.எ.கே.செய்யது மீரான்,
ஜித்தா- சஊதி அரபிய்யா,
29.05.2013.