{ முகநூல் கருத்துக்கள்}{ட்விட்டர் கருத்துக்கள்}

சென்னை நகரில் இம்மாதம் 16ஆம் தேதி புதன்கிழமையன்று ஈதுல் அழ்ஹா - ஹஜ் பெருநாள் கொண்டாடப்பட்டது.

பெருநாளை முன்னிட்டு, சென்னை மண்ணடி - அங்கப்பன் தெருவிலுள்ள மஸ்ஜிதுல் மஃமூர் பள்ளியில், அன்று காலை 08.30 மணிக்கு பெருநாள் தொழுகையும், குத்பா பேருரையும் நடைபெற்றது. பள்ளியின் தலைமை இமாம் மவ்லவீ ஹாஃபிழ் காரீ முஹம்மத் இல்யாஸ் காஸிமீ தொழுகையை வழிநடத்தி, குத்பா பேருரையும் நிகழ்த்தினார்.

இந்நிகழ்ச்சிகளில், நூற்றுக்கும் மேற்பட்ட காயலர்கள் உட்பட, தமிழகத்தின் பல்வேறு பகுதிகளையும், இந்தியாவின் இதர பகுதிகளையும் சேர்ந்த ஆண்கள் பெருந்திரளாகக் கலந்துகொண்டனர்.

தொழுகை நிறைவுற்ற பின்னர் அனைவரும் ஒன்றுகூடி, கட்டித்தழுவி, கைலாகு செய்து, தமக்கிடையில் மகிழ்ச்சியைப் பரிமாறிக்கொண்டனர்.


[மேலேயுள்ள படத்தைப் பெரிதாகக் காண அதன் மீது சொடுக்குக!]













சென்னை நகரிலிருந்து...

தகவல் & படங்கள்:
இஸ்ஸத்தீன் ஷாஹுல் ஹமீத்