{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் காயல் ஸ்போர்ட்டிங் க்ளப் (KSC) சார்பில், “காயல் ட்ராஃபி” என்ற பெயரில், தூத்துக்குடி மாவட்ட அளவிலான டி20 க்ரிக்கெட் போட்டிகள், கடந்த 2010 ஆம் ஆண்டு முதல் நடத்தப்பட்டு வருகிறது. 6ஆவது முறையாக நடைபெறும் நடப்பாண்டு போட்டிகள், “காயல் ட்ராஃபி - 2014” என்ற தலைப்பில், இம்மாதம் 27ஆம் நாளன்று துவங்கி, 2014ஆம் ஆண்டு ஜனவரி 05ஆம் நாள் வரை நடைபெறுகிறது.

ரமேஷ் ஃப்ளவர்ஸ் க்ரிக்கெட் க்ளப்,
செகண்ட்ஸ் க்ரிக்கெட் க்ளப் - ஏ.,
செகண்ட்ஸ் க்ரிக்கெட் க்ளப் - பி.,
வ.உ.சி. லெவன்,

டி.சி.டபிள்யு.,
புஸ்கோ க்ரிக்கெட் க்ளப்,
எஸ்.டி.ஆர். க்ரிக்கெட் க்ளப்,
யூத் க்ரிக்கெட் க்ளப்,

ஐக்கிய விளையாட்டு சங்கம் (யு.எஸ்.ஸி.),
டி.ஆர்.சி. - பி.,
காயல் ஸ்போர்ட்டிங் க்ளப் (கே.எஸ்.ஸி.) - ஏ.,
காயல் ஸ்போர்ட்டிங் க்ளப் (கே.எஸ்.ஸி.) - பி.,

பவர் க்ரிக்கெட் க்ளப்,
அஸ்கர் க்ரிக்கெட் க்ளப்,
கவாஸ்கர் க்ரிக்கெட் க்ளப்,
போப்ஸ் க்ரிக்கெட் க்ளப்

ஆகிய 16 அணிகள் இச்சுற்றுப்போட்டியில் பங்கேற்கின்றன.

முதல் இரண்டு போட்டிகளில் - ரமேஷ் ஃப்ளவர்ஸ், டி.சி.டபிள்யு. அணிகள் வெற்றிபெற்று, காலிறுதிக்குத் தகுதி பெற்றன.

மூன்றாவது போட்டி:

மூன்றாவது போட்டி, 30.12.2013 அன்று, வ.உ.சி. லெவன் அணிக்கும், செகண்ட்ஸ் சிசி அணிக்கும் இடையில் நடைபெற்றது. வ.உ.சி. அணி டாஸில் வென்று, துடுப்பாட்டத்தைத் தேர்ந்தெடுத்தது.

நிர்ணயிக்கப்பட்ட 20 ஓவர்களில் அவ்வணி 6 வீரர்கள் இழப்பிற்கு 76 ஓட்டங்களைப் பெற்றது. பிரபு, ஜுனைத் ஆகிய வீரர்கள் தலா 13 ஓட்டங்களைச் சேர்த்திருந்தனர். எதிரணியின் பாஸ்கர், 17 ஓட்டங்கள் விட்டுக்கொடுத்து 3 வீரர்களையும், ரமேஷ் 8 ஓட்டங்களுக்கு 2 வீரர்களையும் ஆட்டமிழக்கச் செய்தனர்.

அடுத்து, ஆடிய செகண்ட்ஸ் அணி 5 ஓவர்கள் மீதமிருந்த நிலையில், 5 வீரர்களை இழந்து, வெற்றி இலக்கான 77 ஓட்டங்களைப் பெற்றது. அவ்வணியின் ராஜேஷ், ரகு ஆகிய வீரர்கள் முறையே 18, 11 ஓட்டங்களைப் பெற்றனர். எதிரணியின் ஜாண்டி 14 ஓட்டங்களுக்கு 2 வீரர்களையும், ராஜா 11 ஓட்டங்களுக்கு ஒரு வீரரையும் ஆட்டமிழக்கச் செய்தனர்.

இப்போட்டியில், 5 வீரர்கள் வேறுபாட்டில் செகண்ட்ஸ் சிசி அணி வெற்றிபெற்று, காலிறுதிக்குள் நுழைந்தது. அவ்வணியின் பாஸ்கர் ஆட்ட நாயகனாகத் தேர்ந்தெடுக்கப்பட்டார்.

தகவல்:
சுலைமான் (தொடர்பு எண்: +91 98946 03462)