{ முகநூல் கருத்துக்கள்}{ட்விட்டர் கருத்துக்கள்}

நாடாளுமன்ற தேர்தலுக்கான முதற்கட்ட வாக்குப்பதிவு நாளை அசாம், திரிபுரா மாநிலங்களில் உள்ள 6 தொகுதிகளில் தொடங்குகிறது. வாக்குப்பதிவு காலை 7 மணிக்கு தொடங்கி மாலை 5 மணிக்கு முடிவடைகிறது.

அசாமில், முதல்கட்ட தேர்தலுக்காக 8 ஆயிரத்து 588 வாக்குச்சாவடிகள் அமைக்கப்பட்டுள்ளன. பதற்றமான வாக்குச்சாவடிகள் என அறிவிக்கப்பட்டுள்ள 3 ஆயிரம் வாக்குச்சவடிகளுக்கு பாதுகாப்பு ஏற்பாடுகள் பலப்படுத்தப்பட்டுள்ளது. மத்திய,மாநில அரசுகளைச் சேர்ந்த 235 கம்பெனி படைகள் அசாமில் பாதுகாப்பு பணியில் ஈடுபடுத்தப்பட்டுள்ளன.

அசாமில், காங்கிரஸ், பாரதிய ஜனதா, திரிணாமுல் காங்கிரஸ், அசாம் கனபரிஷத், ஆம் ஆத்மி கட்சி என பல்முனைப்போட்டி நிலவுகிறது.

திரிபுரவில் உள்ள இரண்டு மக்களவை தொகுதிகளில், ஒன்றான திரிபுரா மேற்கு தொகுதியில் தேர்தல் நடைபெறுகிறது.

தகவல்:
தினமணி