Kayal on the Web

செய்திகள்

செய்தி எண் (ID #) 13649

#KOTW13649

செவ்வாய், மே 6, 2014

ஐக்கிய விளையாட்டு சங்க கைப்பந்து வீரரது ஜனாஸா இலங்கை கல்முனையில் நல்லடக்கம்! காயலர்கள் உட்பட திரளானோர் பங்கேற்பு!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 4093 முறை பார்க்கப்பட்டுள்ளது | வாசகர் கருத்துக்கள் காண (11) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 4)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கத்தின் கைப்பந்து விளையாட்டு வீரரும், தப்லீக் ஜமாஅத்தின் பொறுப்பாளரும், மாணிக்க வணிகருமான முஹம்மத் லெப்பை, இம்மாதம் 04ஆம் நாள் ஞாயிற்றுக்கிழமை 23.30 மணியளவில், இலங்கை கல்முனை - நிண்டவூரில் காலமானார். அவருக்கு வயது 43.

அன்னாரின் ஜனாஸா, இலங்கை - கல்முனையில் ரூஹுல்லாஹ் ஆசிரியர் இல்லத்தில் பொதுமக்கள் பார்வைக்காக வைக்கப்பட்டிருந்தது. நேற்று (மே 05) மஃரிப் தொழுகைக்குப் பின், 19.00 மணியளவில், இலங்கை - கல்முனை மஸ்ஜிதுல் ஹக் பள்ளியில் ஜனாஸா தொழுகை நடத்தப்பட்டது. காயல்பட்டினத்தைச் சேர்ந்தவரும், இலங்கை தாருல் ஹதீஸ் நிறுவனத்தின் இயக்குநரமான மவ்லவீ ஹாஃபிழ் அப்துல்லாஹ் மக்கீ காஷிஃபீ ஃபாழில் தேவ்பந்தீ தொழுகையை வழிநடத்தினார். பின்னர், அப்பள்ளியின் மையவாடியில் ஜனாஸா நல்லடக்கம் செய்யப்பட்டது.

இலங்கை தலைநகர் கொழும்பிலிருந்து, ஹாஜி ஏ.டி.முஹம்மத் அப்துல் காதிர் தலைமையில், ஹிட்லர் மஹ்மூத் லெப்பை, ஸ்டார் முஹம்மத் சுலைமான், அப்துல் காதிர், செய்யித் அஹ்மத், ஹாஃபிழ் செய்யித் அஹ்மத், எம்.எஸ்.செய்யித் அஹ்மத், எஸ்.ஓ.செய்யித் அஹ்மத், எம்.என்.மிஸ்கீன் ஸாஹிப் உள்ளிட்ட காயலர்கள் வாகனத்திலும், இலங்கை - பேருவளை நகரில் மாணிக்க வணிகம் செய்யும் காயலர்கள் உள்ளிட்ட பொதுமக்கள் அங்கிருந்தும், இலங்கை - கண்டியிலிருந்து எஸ்.கே.எஸ்.இப்றாஹீம் அன் ப்ரதர்ஸ் ஜுவல்லர்ஸ் குடும்ப அங்கத்தினரும் கல்முனை புறப்பட்டுச் சென்று ஜனாஸா - நல்லடக்கத்தில் பங்கேற்றனர். கல்முனை நகரின் முஸ்லிம் ஜமாஅத்தினர் இந்நிகழ்ச்சியில் திரளாகக் கலந்துகொண்டனர்.

நல்லடக்க ஏற்பாடுகளை, மறைந்த முஹம்மத் லெப்பை அவர்களின் நண்பர் ஆசிரியர் ரூஹுல்லாஹ் தலைமையில், கல்முனை ஜமாஅத்தார் முழுப்பொறுப்பேற்று செய்திருந்தமை குறிப்பிடத்தக்கது.

தகவல்:
இலங்கையிலிருந்து...
S.I.ஹைதர் அலீ (HYLEE) (கொழும்பு)

முஹம்மத் லெப்பை மறைவை முன்னிட்டு, காயல்பட்டினத்தைச் சேர்ந்த பொதுமக்கள் இரங்கல் தெரிவிப்பதற்கு வசதியாக, இன்று (மே 06 செவ்வாய்க்கிழமை) காலை 09.00 மணிக்கு, காயல்பட்டினம் குத்துக்கல் தெருவிலுள்ள அவரது இல்லத்தில் ஸலாம் கொடுக்கும் நிகழ்ச்சிக்கு ஏற்பாடு செய்யப்பட்டுள்ளது.

[செய்தி திருத்தப்பட்டது @ 13:00 / 06.05.2014]

{TAGS} wafat death obit obituary mohamed lebbai volley ball mohamed lebbai srilanka kalmunai nindavur hylee mammalebbai

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by Shaik Dawood (Sharjah) [06 May 2014]
IP: 83.*.*.*

United Arab Emirates | Comment Reference Number: 34792

அஸ்ஸலாமு அலைக்கும்

நான் மறைந்த நண்பர் முஹம்மத் லெப்பை அவர்களை நினைவு கூறுகையில் அவரை சந்திக்கும் ஒரே இடம் Aruussia பள்ளி தொழுகையில் மட்டும் தான். அந்த அளவு அவர் தொழுகையில் ரொம்ப ஈடு பாடாக இருப்பார்.

بِسْمِ اللَّهِ الرَّحْمَٰنِ الرَّحِيمِ _ نَمَا تَكُونُوا يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَ4ة -78 =4-l

4:78. “நீங்கள் எங்கிருந்தபோதிலும் உங்களை மரணம் அடைந்தே தீரும்; நீங்கள் மிகவும் உறுதியாகக் கட்டப்பட்ட கோட்டைகளில் இருந்த போதிலும் சரியே!

20:55 مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَىٰ

20:55. இப் பூமியிலிருந்து நாம் உங்களைப் படைத்தோம்; அதனுள்ளேயே நாம் உங்களை மீட்டுவோம்; இன்னும், அதிலிருந்தே நாம் உங்களை இரண்டாம் முறையாகவும் வெளிப்படுத்துவோம்.

எல்லாம் வல்ல அல்லாஹ் அவர்களின் பிழைகளை மன்னித்து மேலான பிர்தவ்சுல் அவ்லா எனும் சுவன பதியை தந்தருள் புரிவானாக. ஆமீன் . அவர்களின் பிரிவால் துயருற்றிருக்கும் குடும்பத்தார், உற்றார் - உறவினர் அனைவருக்கும் வல்ல அல்லாஹ் மேலான பொறுமையை நல்குவானாக வஸ்ஸலாம். Wassalam.