Kayal on the Web

செய்திகள்

செய்தி எண் (ID #) 13670

#KOTW13670

வியாழன், மே 8, 2014

ஆஸாத் கோப்பை கால்பந்து 2014: கே.எஸ்.ஸி. மைதானத்தில் இன்று மாலையில் துவக்கப் போட்டி! ஐக்கிய விளையாட்டு சங்க சுற்றுப்போட்டிக் குழு அறிவிப்பு!! அனுமதி இலவசம்!!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 4081 முறை பார்க்கப்பட்டுள்ளது | வாசகர் கருத்துக்கள் காண (9) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தில் கடந்த சில நாட்களாகப் பெய்து வரும் தொடர்மழை காரணமாக, ஐக்கிய விளையாட்டு சங்கத்தால் நேற்று நடத்தப்படவிருந்த மவ்லானா அபுல்கலாம் ஆஸாத் நினைவு சுழற்கோப்பைக்கான அகில இந்திய கால்பந்தாட்ட துவக்கப் போட்டி ஒத்திவைக்கப்பட்டிருந்தது. துவக்க விழாவுடன் துவக்கப் போட்டி இன்று மாலை 16.30 மணிக்கு, காயல்பட்டினம் காயல் ஸ்போர்ட்டிங் க்ளப் (கே.எஸ்.ஸி.) மைதானத்தில் நடைபெறும் என்றும், நுழைவு அனுமதி இலவசம் என்றும் சுற்றுப்போட்டிக் குழுவின் சார்பில் அறிவிக்கப்பட்டுள்ளது. விரிவான விபரம் வருமாறு:-

காயல்பட்டினம் ஐக்கிய விளையாட்டு சங்கத்தின் சார்பில், மவ்லானா அபுல்கலாம் ஆஸாத் நினைவு சுழற்கோப்பைக்கான - அகில இந்திய அளவிலான கால்பந்து சுற்றுப்போட்டிகள் ஆண்டுதோறும் நடத்தப்பட்டு வருகிறது. 49ஆம் ஆண்டு சுற்றுப்போட்டிகள் மே 07ஆம் நாள் (இன்று) மாலையில் துவங்கும் என அறிவிக்கப்பட்டு, போட்டி நிரலும் வெளியிடப்பட்டிருந்தது. நிரலின் படி, இன்று நடைபெறவிருந்த துவக்கப் போட்டியில், காரைக்கால் கோச்சிங் சென்டர் அணியும், திருவனந்தபுரம் கோஸ்டல் கால்பந்துக் கழக அணியும் களம் காணவிருந்தன.

இந்நிலையில், இம்மாதம் 04ஆம் நாள் முதல் தொடர்ந்து மழை பெய்து வருவது ஒருபுறமிருக்க, இன்று மே 08 நள்ளிரவு வரை கனமழை ஓய்ந்துள்ளது. தொடர்மழையால் ஐக்கிய விளையாட்டு சங்க மைதானத்தில் மழை நீர் தேங்கியுள்ளது.

போர்க்கால அடிப்படையில் - மைதானத்தின் நான்கு திசைகளிலும் மழை நீர் வழிந்தோட வசதியாக வெட்டி விடப்பட்டும், இன்றும் (மே 08) தொடர்ந்து மழை பெய்துள்ளதால், மைதானம் தண்ணீர் தேக்கத்துடனேயே காணப்படுகிறது.

எனவே, மவ்லானா அபுல் கலாம் ஆஸாத் நினைவு சுழற்கோப்பைக்கான 49ஆவது அகில இந்திய கால்பந்தாட்டப் போட்டியின் துவக்கப் போட்டி, துவக்க விழாவுடன் இன்று 16.30 மணிக்கு, காயல்பட்டினம் காயல் ஸ்போர்ட்டிங் க்ளப் (கே.எஸ்.ஸி.) மைதானத்தில் நடைபெறும் என்றும், துவக்கப் போட்டியில் - ஏற்கனவே திட்டமிட்ட படி - காரைக்கால் கோச்சிங் சென்டர் அணியும், திருவனந்தபுரம் கோஸ்டல் கால்பந்துக் கழக அணியும் களம் காணவுள்ளதாகவும், நுழைவுக் கட்டணம் இன்றி, அனைவரும் இப்போட்டியை இலவசமாகக் கண்டு களிக்கலாம் என்றும் சுற்றுப்போட்டிக் குழுவின் சார்பில் இன்று காலை 10.00 மணிக்கு அதிகாரப்பூர்வமாக அறிவிக்கப்பட்டுள்ளது.

கால்பந்து ஆர்வலர்கள் இந்த அறிவிப்பையே தகவலாகக் கருதி ஒத்துழைக்குமாறு சுற்றுப்போட்டிக் குழுவின் சார்பில் கேட்டுக்கொள்ளப்பட்டுள்ளது.

தகவல்:
A.S.புகாரீ
துணைச் செயலாளர்
சுற்றுப்போட்டிக் குழு

ஐக்கிய விளையாட்டு சங்கத்தால் நடத்தப்படும் - மவ்லானா அபுல்கலாம் ஆஸாத் நினைவு சுழற்கோப்பைக்கான அகில இந்திய கால்பந்து சுற்றுப்போட்டி 49 ஆண்டு கால வரலாற்றில், முதன்முறையாக வேறு மைதானத்தில் இன்று போட்டி நடைபெறவுள்ளமை குறிப்பிடத்தக்கது.

மவ்லானா அபுல் கலாம் ஆஸாத் நினைவு சுழற்கோப்பைக்கான அகில இந்திய கால்பந்துப் போட்டி தொடர்பான முந்தைய செய்தியைக் காண இங்கே சொடுக்குக!

[கூடுதல் தகவல் இணைக்கப்பட்டது @ 14:50 / 08.05.2014]

{TAGS} usc u.s.c. united sports club usc match fixtures sports football azad trophy 2014 moulana abul kalam azad trophy 2014 rain rainfall weather climate mazhai 2014 mazhai rain 2014 rainfall 2014 ksc kayal sporting club

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. தலைப்பை பார்த்ததும் சுமார் 5 அல்லது 6 முறை திரும்ப திரும்ப
posted by mohamed salih (chennai) [08 May 2014]
IP: 122.*.*.*

India | Comment Reference Number: 34830

தலைப்பை பார்த்ததும் சுமார் 5 அல்லது 6 முறை திரும்ப திரும்ப பார்த்தேன் இது உண்மைய அல்லது கற்பனையா என்று ..

ஐக்கிய விளையாட்டு சங்கத்தால் நடத்தப்படும் - மவ்லானா அபுல்கலாம் ஆஸாத் நினைவு சுழற்கோப்பைக்கான அகில இந்திய கால்பந்து சுற்றுப்போட்டி 49 ஆண்டு கால வரலாற்றில், முதன்முறையாக வேறு மைதானத்தில் இன்று போட்டி நடைபெறவுள்ளமை குறிப்பிடத்தக்கது. ( c & p )

நம் அனைவரும் விளையாடினால் ஒற்றுமையாகி உள்ளோம் .. எல்லா புகழும் வல்ல இறைவனுக்க ..

சரியான நேரத்தில் காயல்பட்டினம் காயல் ஸ்போர்ட்டிங் க்ளப் (கே.எஸ்.ஸி.) அங்கத்தினர் நமது சக க்ளப் ஐக்கிய விளையாட்டு சங்கதிருக்கு உறுதுணை புரிந்து உள்ளார்கள் .. இதற்காக உழைத்த இரு கிளப்பின் அணைத்து உறுபினர்களுக்கும் என் மன மார்ந்த நன்றிகள் .. பல... பல,,.,, பல ...

49 ஆண்டு கால வரலாற்றில் இந்த வருடம் இரண்டு கிளப் மெம்பர்களும் பாராட்ட கூறியவர்கள் ..

இந்த ஒற்றுமையைத்தான் காண பல வருசமாக காத்து கொண்டு இருதேன் .. இன்று இறைவனால் நிறைவேறி இருக்கிறது ..

இது போல் வரும் காலங்களில் ஒற்றுமையாக இருந்து பல சாதனைகளை படைக்க வேண்டும் இன்ஷா அல்லாஹ்..

இந்த போட்டி சிறப்பாக நடைபெற வல்ல இறைவனை வேண்டுகிறேன் ..

என்றும் அன்புடன் ,
சென்னை இல் இருந்து ,
முஹம்மத் சாலிஹ் கே.கே.எஸ் ,
மெம்பெர் - காயல் ச்போர்டிங் கிளப்