{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஜாவியா அரபிக்கல்லூரி நிர்வாகத்தால், பள்ளி செல்லும் மாணவர்களுக்காக நடத்தப்பட்டு வரும் தீனிய்யாத் (மார்க்க அடிப்படைக்) கல்வி நிறுவனம் “மக்தபத்துர் ராஸிய்யா”.

இங்கு பயிலும் நூற்றுக்கணக்கான மாணவர்களின் கல்வித் திறனை வளர்ப்பதற்காக ஆண்டுதோறும் திருமறை குர்ஆன் சிறு அத்தியாயங்கள் மனனம், பேச்சுப்போட்டி, துஆ - பிரார்த்தனை மனனப் போட்டி உட்பட பல்வேறு போட்டிகள் நடத்தி பரிசுகள் வழங்கப்படுவது வழமை.

அந்த அடிப்படையில், நடப்பாண்டின் போட்டிகள் இம்மாதம் 06, 07, 08 நாட்களில், ஜாவியா வளாகத்தில் நடைபெற்றது.

06.06.2014 - வெள்ளிக்கிழமையன்று 16.30 மணி முதல் 20.30 மணி வரையிலும், 07.06.2014 - சனிக்கிழமையன்று 16.30 மணி முதல் 20.30 மணி வரையிலும், 08.06.2014 ஞாயிற்றுக்கிழமையன்று 09.00 மணி முதல் 12.30 மணி வரையிலும், பின்னர் 16.30 மணி முதல் 20.30 மணி வரையிலும் - திருமறை குர்ஆனின் சிறு அத்தியாயங்கள் மனனப் போட்டி, பேச்சுப் போட்டி, துஆ - பிரார்த்தனை மனனப் போட்டி, வினா-விடைப் போட்டி உள்ளிட்ட போட்டிகள் நடத்தப்பட்டு, பரிசுக்குரிய மாணவர்கள் தேர்ந்தெடுக்கப்பட்டுள்ளனர்.



போட்டிகளில் வெற்றிபெற்றுள்ள மாணவர்களுக்கு பரிசுகளும், 8 ஆண்டுகள் பாடத்திட்டத்தைக் கொண்ட தீனிய்யாத் கல்வியை முடித்து தேர்ச்சி பெற்றவர்களுக்கு சான்றிதழ்களும் வழங்கும் விழா, இம்மாதம் 15ஆம் நாளன்று ஜாவியா வளாகத்தில் நடைபெறவுள்ளது.

நிகழ்ச்சிகள் அனைத்தும், http://www.ustream.tv/channel/zaviakayal என்ற இணையதள பக்கத்தில் ஒலி நேரலை செய்யப்பட்டது.

தகவல்:
ஹாஃபிழ் M.S.முஹம்மத் ஸாலிஹ்

ஜாவியா - மக்தபத்துர் ராஸிய்யா தீனிய்யாத் பிரிவின் சார்பில் கடந்தாண்டு (2013) நடத்தப்பட்ட போட்டிகள் குறித்த செய்தியைக் காண இங்கே சொடுக்குக!

ஜாவியா தொடர்பான முந்தைய செய்தியைக் காண இங்கே சொடுக்குக!