Kayal on the Web

செய்திகள்

செய்தி எண் (ID #) 14059

#KOTW14059

வியாழன், ஜுலை 10, 2014

காயல்பட்டினம் நகராட்சி அதிகாரி மீது ஆறுமுகநேரி காவல் நிலையத்தில் ஊழியர் கொடுத்த புகார் பதிவு!

செய்தி: காயல்பட்டணம்.காம்
இந்த பக்கம் 3249 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தன்னைத் தாக்கியதாக, காயல்பட்டினம் நகராட்சியின் நகரமைப்புத் திட்ட ஆய்வாளர் (TOWN PLANNING INSPECTOR) அறிவுடைநம்பி மீது நகராட்சி ஊழியர் முத்து குமார் காவல் நிலையத்தில் புகார் கொடுத்துள்ளார். விபரம் வருமாறு:-

காயல்பட்டினம் நகராட்சியின் நகரமைப்புத் திட்ட ஆய்வளராகப் பணியாற்றி வருபவர் அறிவுடைநம்பி.

இம்மாதம் 08ஆம் நாள் பின்னிரவில், 09ஆம் நாள் நள்ளிரவு 02.45 மணியளவில், நகராட்சி வளாகத்திலிருந்த முத்துக்குமார் என்ற ஊழியரை, நகரமைப்புத் திட்ட ஆய்வாளர் அறிவுடைநம்பியும், சுகாதாரப் பணியாளர் சண்முகமும் சேர்ந்து, “கருப்பசாமி அல்லவா இன்று பணியில் இருக்க வேண்டும்? நீ ஏன் வந்தாய்?” என்ற கருத்தில் கேட்டு, தகராறு செய்ததாகவும், தன்னை தகாத சொற்களால் திட்டியதாகவும், கழுத்தைப் பிடித்து தள்ளியதாகவும், அதன் காரணமாக தனது இடது மூட்டுக்குக் கீழ் காயமேற்பட்டு, தான் மருத்துவமனையில் அனுமதிக்கப்பட்டுள்ளதாகவும் கூறியுள்ளதோடு, நடந்தவற்றை யாரிடமாவது கூறினால் கொலை செய்துவிடுவேன் என மிரட்டியதாகவும் அவ்விருவர் மீதும் ஆறுமுகநேரி காவல் நிலையத்தில் முத்துக்குமார் புகார் கொடுத்துள்ளார்.

இப்புகார் தொடர்பாக, முதல் தகவல் அறிக்கை (FIRST INFORMATION REPORT - FIR) பதிவு செய்து - ஆறுமுகநேரி காவல்துறை ஆய்வாளர் முத்து சுப்பிரமணியன் விசாரித்து வருகிறார்.

காயல்பட்டினம் நகராட்சியில் நீண்டகாலமாக காலியாக இருந்த நகரமைப்புத் திட்ட ஆய்வாளர் (TPI) பொறுப்புக்கு சில மாதங்களுக்கு முன்னர்தான் அறிவுடைநம்பி நியமனம் செய்யப்பட்டார். தாராபுரம் நகராட்சியில் பணிப்புரிந்த இவர், அதற்கு பிறகு சில காலமாக எந்த நகராட்சியிலும் பணிக்கு அமர்த்தப்படாமல் இருந்தார் என கூறப்படுகிறது.

காயல்பட்டினம் நகராட்சியில் பொறுப்பேற்ற சில நாட்களிலேயே இங்கு ஊழியர் சங்கம் துவங்க இவர் முக்கிய பங்கு வகித்தார் என்றும், இவர் சம்பந்தப்படாத பல துறைகளில் இவரின் தலையீடு இருந்து வந்துள்ளதாகவும் கூறப்படுகிறது.

{TAGS} municipality tpi town planning inspector assault fir first information report arivudainambi shanmugam sanitary worker

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. ஏன் இந்த கொலை வெறி...!
posted by தமிழன் முத்து இஸ்மாயில் (காயல்பட்டினம்.) [10 July 2014]
IP: 180.*.*.*

India | Comment Reference Number: 35878

அன்று இரவு பணியில் இருக்க வேண்டியவர் உடல்நலம் சரி இல்லாமல் இருந்து இருக்கலாம் அதற்குரிய பணியில் அவரின் சார்பாக அவரின் உறவுகாரரை நியமித்து சென்று ஓய்வு எடுக்க சென்று இருக்கலாம்.. அதற்காக ஆவேசத்தில் இப்படி அடிதடியில் இறங்குவது கண்டிக்கத்தக்கது...!

பாதிக்கப்பட்ட நபருக்கு விரைவில் நீதி கிடைக்கவும் பாதிக்கப்பட்ட நபர் சரீர நலம் பெறவும் பிராத்திக்கிறேன்.

[Administrator: Comment edited]

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by P.S. ABDUL KADER (KAYALPATNAM) [10 July 2014]
IP: 180.*.*.*

India | Comment Reference Number: 35880

பணிநேரத்திற்கு மாறாக நகரமன்றத்திர்க்கு இவர் வந்ததே தவறு. காவல்துறையும், நீதி துறையும் இவர்மீது தக்க நடவடிக்கை எடுத்து ஊரைவிட்டு பணிமாட்டம் செய்ய கோட்டார் உத்தரவு பிறப்பிக்க வேண்டும்.

காயம் அடைத்தவர் பூரண நலத்துடன் வீடு திரும்பி பணி செய்துவிட இறைவனை பிரதிக்கிரேன்.

[Administrator: Comment edited]

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...நேர்மைக்கு சோதனை ...
posted by மஹ்மூது ரஜ்வி (தம்மாம்,சவூதி அரேபியா) [10 July 2014]
IP: 31.*.*.*

Saudi Arabia | Comment Reference Number: 35881

அஸ்ஸலாமு அலைக்கும் ...

இவர் வந்த பின்பு வீட்டு பிளான் போன்ற பல்வேறு விடயங்களில் நேர்மையான முறையில் கையூட்டு இன்றி தேவையற்ற அலைச்சல் இன்றி ஒப்புதல் வழங்கப்பட்டது

மேலும் இது என் வீட்டு விசயத்தில் நேரடியாக அனுபவபட்டது என் வீட்டிற்குறிய பிளான் தயார் செய்து நானும் என் தந்தை மர்ஹூம் அவர்களும் விண்ணப்பிக்க சென்றபோது என் தந்தையின் வயதினை மதித்து நீங்கள் இனிமேல் வராதீர்கள் நான் எல்லாம் சரிபார்த்து தொலைபேசியில் அழைக்கிறேன் அச்சமயம் வீட்டில் வேறு யாராவது வந்து வாங்கி செல்லுங்கள் என்று சொல்லி அதுபோல நான் தம்மாம் வந்துவிட்டபடியால் என் மச்சான் வாங்கி வந்தார்கள்.

அலைச்சலுமின்றி கூடுதலாக கையூட்டுமின்றி கடைமையை செய்த இவரா இவ்வாறு நடந்திருப்பார் என்பதை நம்ப முடியல. அவரை நேரில் பார்க்கும் போது அவரே சொன்னது நான் நேர்மையாக இருப்பதால் என்னை இடமாற்றம் சசெய்து கொண்டே இருப்பார்கள் என்று தான் கடந்து வந்த பாதைகளை கூறினார்.

அவர் மீது நியாயம் இருக்கும் பட்சத்தில் இறைவன் அவருக்கு துணைநிற்பான்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. தமிழக அரசு தக்க நடவடிக்கை எடுக்க வேண்டும்.
posted by syed ahamed (chennai ) [11 July 2014]
IP: 180.*.*.*

India | Comment Reference Number: 35882

தாராபுரம் நகராட்சியில் பணிப்புரிந்த இவர், அதற்கு பிறகு சில காலமாக எந்த நகராட்சியிலும் பணிக்கு அமர்த்தப்படாமல் இருந்தார் என கூறப்படுகிறது. CP

சில காலமாக வேறு எந்த நகராட்சியிலும் பணிக்கு அமர்த்தப்படாமல் இவர் இருந்தார் என்றால் இவரின் பொறுப்பற்ற அடாவடிதனமே காரணமாக இருந்திருக்கும் என தெரிகிறது. இவர் மீது தமிழக அம்மா அரசு நடவடிக்கை எடுத்து கூடிய விரைவில் இவர் இந்நகராட்சியிலிருந்து சஸ்பென்ட் செய்யப்பட வேண்டும் என்பதில் மாற்று கருத்து இல்லை.

காயப்பட்ட ஊழியர் குணமடைந்து விரைவில் பணிக்கு திரும்ப வல்லானை வேண்டுகிறேன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்