{ முகநூல் கருத்துக்கள்}{ட்விட்டர் கருத்துக்கள்}

ஐக்கிய அரபு அமீரகம் - அபூதபீ காயல் நல மன்றத்தின் 07ஆவது பொதுக்குழுக் கூட்டம், 06.11.2015 வெள்ளிக்கிழமையன்று நடைபெறவுள்ளது. இதில், ஐஏஎஸ் அகடமியின் இயக்குநர் பேராசிரியர் சே.மு.முஹம்மதலி சிறப்பு விருந்தினராகக் கலந்துகொள்கிறார். மன்றத்தின் உறுப்பினர்கள் உள்ளிட்ட – அபூதபீ வாழ் காயலர்களை இக்கூட்டத்தில் பங்கேற்க அழைப்பு விடுத்து, அம்மன்றத்தின் சார்பில் வெளியிடப்பட்டுள்ள அழைப்பறிக்கை:-

அன்புடையீர் அஸ்ஸலாமு அலைக்கும்.

இன்ஷாஅல்லாஹ் எதிர்வரும் 2015 நவம்பர் 06ஆம் தேதி வெள்ளிக்கிழமையன்று, நமது அபூதபீ காயல் நல மன்றத்தின் ஏழாவது பொதுக்குழு கூட்டம் சிறப்பான முறையில் நடைபெறவுள்ளது.

இதில், IAS Academy இயக்குநரும் - இஸ்லாமிய தொண்டு இயக்கத்தின் நிறுவனரும் - இனிய திசைகள் மாத இதழின் ஆசிரியருமான பேராசிரியர் முனைவர் சே.மு.முஹம்மதலீ சிறப்பு விருந்தினராகக் கலந்துகொள்ளவுள்ளார்.

அபூதபீ காயல் நல மன்ற உறுப்பினர்கள் உள்ளிட்ட - அபூதபீ வாழ் காயல் மாநகர சகோதர சகோதரிகள் அனைவரும் இச்செய்தியையே அழைப்பிதழாக ஏற்றுக்கொண்டு, தங்கள் குடும்ப சகிதம் கூட்ட நிகழ்விடத்திற்கு முற்கூட்டியே அவசியம் வருகை தந்து சிறப்பித்து, தங்களின் உயர்ந்த ஆலோசனைகளையும் - நமது காயல் மாநகரின் முன்னேற்றத்திற்கு தேவையான நல்ல பல கருத்துகளையும் தர அன்புடன் அழைக்கின்றோம்.

கூட்ட நிகழ்முறை விபரங்கள்:-

நேரம்: காலை 10 : 00 மணி முதல் மாலை 5:00 மணி வரை.

இடம்: பழைய ஏர்போர்ட் ரோடு, K.F.C.பார்க் [அல் நூர் மருத்துவமனை அருகில்] அபூதபீ.

குறிப்பு: ஜும்ஆ தொழுகைக்குப் பின் மதிய உணவு ஏற்பாடு செய்யப்பட்டுள்ளது. ஏற்பாடுகளை சிறந்த முறையில் செய்திடத் தோதுவாக - தங்களின் வருகையை, ஜனாப் ஹுபைப் 050 - 8490 978, DR. செய்யித் அஹ்மத் 050 9450 404 ஆகியோருள் ஒருவரிடம் முற்கூட்டியே கண்டிப்பாக பதிவு செய்துகொள்ள அன்புடன் வேண்டுகிறோம்.

GOOGLE MAP LINK TO THE GBM place:

http://maps.google.com/maps/ms?vps=5&ie=UTF8&hl=en&oe=UTF8&msa=0&msid=205178393888665444643.0004ead6282ec1dc4773b

இவ்வாறு அந்த அறிக்கையில் தெரிவிக்கப்பட்டுள்ளது.

அபூதபீ காயல் நல மன்றத்தின் முந்தைய (6ஆவது) பொதுக்குழுக் கூட்டம் குறித்த செய்தியைக் காண இங்கே சொடுக்குக!

அபூதபீ காயல் நல மன்றம் தொடர்பான முந்தைய செய்தியைக் காண இங்கே சொடுக்குக!

[செய்தி திருத்தப்பட்டது @ 14:24 / 28.10.2015]