{ முகநூல் கருத்துக்கள்}{ட்விட்டர் கருத்துக்கள்}

தமிழகத்தில் இருந்து இவ்வாண்டிற்கான ஹஜ் பயணியரை தேர்வு செய்ய குலுக்கல், மார்ச் 29 அன்று நடைபெறும் என தமிழ் நாடு மாநில ஹஜ் குழு அறிவித்துள்ளது. இது குறித்து வெளியிடப்பட்டுள்ள அரசு செய்தி குறிப்பு வருமாறு:

ஹஜ் 2016-க்காக சுமார் 13,525 (7 குழந்தைகள் உட்பட) விண்ணப்பங்கள் ஹஜ் பயணிகளிடமிருந்து தமிழ் நாடு மாநில ஹஜ் குழுவால் பெறப்பட்டுள்ளன. எனவே, ஹஜ் 2016-க்கான ஹஜ் பயணிகளை 29-3-2016 அன்று குலுக்கல் முறை (குறா) மூலம் தெரிவு செய்யுமாறு மும்பை, இந்திய ஹஜ் குழு, மாநில ஹஜ் குழுவை கேட்டுக் கொண்டுள்ளது.

2. மும்பை, இந்திய ஹஜ் குழு கேட்டுக் கொண்டபடி ஹஜ் 2016-க்கான ஹஜ் பயணிகளைத் தெரிவு செய்ய குலுக்கலை (குறா) நடத்த தமிழ் நாடு மாநில ஹஜ் குழு முடிவு செய்துள்ளது. இக்குலுக்கல் நிகழ்ச்சி 29-03-2016 (செவ்வாய்க்கிழமை) அன்று காலை 10.30 மணியளவில் சென்னை, இராயப்பேட்டை, புதுக்கல்லூரியிலுள்ள, ஆனைக்கார் அப்துல் சுக்கூர் அரங்கத்தில் நடைபெறும்.

3. ஹஜ் 2016-க்காக, தமிழ் நாடு மாநில ஹஜ் குழு மூலமாக விண்ணப்பித்துள்ள புனிதப் பயணிகள் இக்குலுக்கலில் (குறாவில்) கலந்து கொண்டு நிகழ்ச்சியினை அமைதியாகவும், வெற்றிகரமாகவும் நடத்திட ஒத்துழைக்குமாறு கேட்டுக் கொள்ளப்படுகிறார்கள்.

இவ்வாறு அச்செய்தி குறிப்பில் தெரிவிக்கப்பட்டுள்ளது.

தகவல்:
இயக்குநர், செய்தி மக்கள் தொடர்புத் துறை,
சென்னை - 9.

[இரு முறை பதிவான செய்தி ஒன்றுக்கு பதிலாக இச்செய்தி இங்கு பதிவு செய்யப்பட்டது]