Kayal on the Web

செய்திகள்

செய்தி எண் (ID #) 17723

#KOTW17723

புதன், மே 11, 2016

DCW தொழிற்சாலை குறித்த தீர்ப்பை எதிர்த்து, காயல்பட்டணம் சுற்றுச்சூழல் பாதுகாப்பு அமைப்பு (KEPA) தாக்கல் செய்திருந்த மறு சீராய்வு மனுவும் நிராகரிப்பு!

செய்தி: காயல்பட்டணம்.காம்
இந்த பக்கம் 2348 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

DCW தொழிற்சாலையின் விரிவாக்கத் திட்டம் சம்பந்தமான தீர்ப்பினை மறு சீராய்வு செய்ய, காயல்பட்டணம் சுற்றுச்சூழல் பாதுகாப்பு அமைப்பு (KEPA) சார்பாக தாக்கல் செய்யப்பட்ட மனுவை, தேசிய பசுமை தீர்ப்பாயம் நிராகரித்துள்ளது. இது குறித்து, காயல்பட்டணம் சுற்றுச்சூழல் பாதுகாப்பு அமைப்பின் (KEPA) செய்தி தொடர்பாளர் எஸ்.கே.சாலிஹ் வெளியிட்டுள்ள அறிக்கை வருமாறு:

காயல்பட்டினம் நகராட்சி எல்லை பகுதியில் இருந்து செயல்புரியும் DCW தொழிற்சாலையின் விரிவாக்கத் திட்டத்தை எதிர்த்து, காயல்பட்டணம் சுற்றுச்சூழல் பாதுகாப்பு அமைப்பு (KEPA) தொடர்ந்த வழக்கை தேசிய பசுமை தீர்ப்பாயத்தின் தென் மண்டலம் கிளை - பிப்ரவரி 15 அன்று தள்ளுபடி செய்தது.

நீதிபதி சொக்கலிங்கம் மற்றும் நிபுணர் உறுப்பினர் பி.எஸ்.ராவ் ஆகியோர் வழங்கிய அந்த தீர்ப்பில் அடிப்படை தவறுகள் உள்ளன என சுட்டிக்காட்டி, KEPA அமைப்பு - மறு சீராய்வு மனுவை (REVIEW PETITION), தேசிய பசுமை தீர்ப்பாயத்தின் முன்பு தாக்கல் செய்திருந்தது.

மறு சீராய்வு மனுவும் தற்போது, பசுமை தீர்ப்பாயத்தால் நிராகரிக்கப்பட்டுள்ளது. இது குறித்த தீர்ப்பை வழங்கிய நீதிபதி ஜோதிமணி மற்றும் நிபுணர் உறுப்பினர் பி.எஸ்.ராவ் ஆகியோர்,

"தீர்ப்பினை மறு ஆய்வு செய்ய தகுதியான புதிய காரணங்கள் எதுவும் தெரிவிக்கப்படவில்லை என்றும், தொழிற்சாலைக்கு ஆவணங்கள் தயாரித்த நிறுவனத்திற்கு, NABET அமைப்பு - 1.5.2014 அன்று தகுதி சான்றிதழ் (ACCREDITATION) வழங்கியுள்ளது என்றும், மேலும் - DCW நிறுவனத்திற்கு அனுமதி வழங்கப்பட்ட விஷயத்தில் போதிய அளவு விதிமுறைகள் பின்பற்றப்பட்டுள்ளன (SUBSTANTIAL COMPLIANCE)

எனவும் தெரிவித்துள்ளனர்.

காயல்பட்டணம் சுற்றுச்சூழல் பாதுகாப்பு அமைப்பு (KEPA) சார்பாக தாக்கல் செய்யப்பட்ட மறு சீராய்வு மனுவில், அறிக்கை தயாரித்த நிறுவனங்கள் தகுதி குறித்த புதிய ஆவணங்கள், ஆய்வு கூடத்தின் தகுதி குறித்த மோசடியை வெளிபடுத்தும் புதிய ஆவணம், கொட்டமடைக்காடு - காப்பு காடு (RESERVED FOREST) என்பதற்கான புதிய ஆவணம் உட்பட பல்வேறு புதிய ஆவணங்கள் சமர்ப்பிக்கப்பட்டன என்பது குறிப்பிடத்தக்கது.

தீர்ப்பில் மேற்கோள்காட்டப்பட்டுள்ள 1.5.2014 அன்று வழங்கப்பட்ட PURE ENVIRO ENGINEERING PRIVATE LIMITED நிறுவனத்திற்கான அனுமதி, அந்நிறுவனம் - 16.5.2012 அன்று சமர்ப்பித்த விண்ணப்பத்தின் அடிப்படையிளானது. இந்த விண்ணப்பத்திற்கு பல மாதங்களுக்கு முன்பே, PURE ENVIRO ENGINEERING PRIVATE LIMITED நிறுவனம் - DCW தொழிற்சாலைக்கு ஆவணங்கள் தயார் செய்து முடித்து விட்டது.

மேலும், அந்த விண்ணப்பத்தில், DCW தொழிற்சாலைக்கு ஆவணம் தயாரித்த அனுபவத்தையும் PURE ENVIRO ENGINEERING PRIVATE LIMITED காண்பித்துள்ளது.

இது தவிர, வழங்கப்பட்ட சான்றிதழ் (ACCREDITATION), நிபந்தனைகளுடன் வழங்கப்பட்டு, நிறுத்தி வைக்கப்பட்டிருந்தது (ON HOLD). அந்த நிபந்தனைகளை - அந்நிறுவனம் பூர்த்தி செய்யாததால், 2015இல் அந்த அனுமதியும் நிரந்தரமாக ரத்தும் செய்யப்பட்டது என்பது குறிப்பிடத்தக்கது.

மேலும் - தகுதி சான்றிதழ் வழங்கியதாக தீர்ப்பில் குறிப்பிடப்பட்டுள்ள NABET அரசு நிறுவனம், DCW தொழிற்சாலைக்கு ஆவணங்கள் தயாரிக்க - இரு நிறுவனத்திற்கும் (PURE ENVIRO ENGINEERING PRIVATE LIMITED மற்றும் CHOLAMANDALAM MS RISK SERVICES LIMITED) தகுதி கிடையாது என தெரிவித்த ஆவணமும் ஏற்கனவே தீர்ப்பாயத்தில் தாக்கல் செய்யப்பட்டிருந்தது என்பதும் குறிப்பிடத்தக்கது.

இவற்றில் எதனையும், தீர்ப்பாயம் - தனது தீர்ப்பில் கண்டுக்கொள்ளவில்லை.

{TAGS} ngt national green tribunal dcw expansion justice chockalingam justice jothimani expert member p.s.rao review petition environmental clearance moef

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by அ.ர.ஹபீப் இப்றாஹீம் (காயல்பட்டணம்) [11 May 2016]
IP: 103.*.*.* | Comment Reference Number: 43720

மனு நிராகரிப்பு செய்தி வருத்தத்தை ஏற்படுத்துகிறது; கீழ்வரும் இறைவசனத்தை தவிர வேறேதும் சொல்வதற்கு வார்த்தைகள் வர இல்லை.

(மேலும்) நீங்கள் கூறுங்கள்: "முடிவில் (மறுமை நாளில்) நமதிறைவன் நம் அனைவரையும் ஒன்று சேர்த்து நமக்கிடையில் நீதமாகவே தீர்ப்பளிப்பான். அவன் தீர்ப்பளிப்பதில் மிக்க மேலானவனும் (அனைத்தையும்) மிக்க நன்கறிந்தவனாகவும் இருக்கின்றான்."

(அல்-குர்ஆன்; ஸூரத்துஸ் ஸபா; 34:26; அப்துல் ஹமீது பாகவி அவர்கள் தமிழாக்கம்; தமிழ்குர்ஆன் இனையத்தளத்திலிருந்து)

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. கண்டு கொண்டேன் கண்டு கொண்டேன்
posted by shahul hameed sak (malaysia) [12 May 2016]
IP: 113.*.*.*

Malaysia | Comment Reference Number: 43724

"இவற்றில் எதனையும், தீர்ப்பாயம் - தனது தீர்ப்பில் கண்டுக்கொள்ளவில்லை"

கம்பெனியிலிருந்து கண்டு கொண்டார்களோ, இக்கால சூழ்நிழையில் நூறு அல்ல ஐம்பது சதவீதம் அளவுக்கு கூட நியாயவான்கள் கண்டு பிடிப்பது கடினம்தான்.

DCW சம்பந்தமாக தேர்தல் புறக்கணிப்பு நிலைப்பாடு என்னானது ?

அய்யா மீதான பக்தியில் தங்கள் உயிரிழந்தாலும் உடமையிழந்தாலும் போகட்டும் என்று விட்டு விட்டார்களா?

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:DCWதொழிற்ச்சாலை குறித்த தீர்ப்பை எதிர்த்து... KEPA தாக்கல் செய்திருந்த மறுசீராய்வு மனுவும் நிராகரிப்பு.
posted by சாளை:M.A.K.முஹம்மத்இப்ராஹீம்ஸுஃபி. ( கோழிக்கோடு- கேரளா.) [14 May 2016]
IP: 64.*.*.*

United States | Comment Reference Number: 43731

நம் பாரதத்திருநாட்டின் ஜனநாயக தூண்களில் நீதித் துறையும் ஒன்று என்று வர்ணிக்கப்படுகின்றது. இவ்வாறான நீதித்துறையால் வழங்கப்படும் தீர்ப்புகள் கூட சில சந்தர்ப்பங்களில் தீர்ப்புக் கூறுவதற்க்கு தேவையான முறையான ஆதார ஆவணங்கள் என்ற அடிப்படைகள் எல்லாம் கண்டுக்கொள்ளப்படாமல் புரந்தள்ளப்பட்டு 'நிதி'யாராத்தை மட்டும் அடிப்படையாக வைத்து தீர்ப்பு என்ற பெயரில் சில (அ)நீதிகள் வழங்கப்படுகின்றதை ஜனநாயகத்தின் மற்றொரு தூணான ஊடகங்கள் மூலமாக நாம் இடையிடையே காண்பது நம் போன்றவர்களை மிகவும் கவலைக் கொள்ளச் செய்கின்றது.

DCW விரிவாக்கத்திற்க்கெதிராக நம் KEPA சார்பாக தகுந்த ஆதார ஆவணங்கள் சமர்ப்பித்தும் அவ்வாதாரங்களை 'நிதி'க்காக கண்டும் காணாமல் புறந்தள்ளப்பட்டதா..? அல்லது மனித பலஹீனத்தின் கவனக்குறைவு என்ற அடிப்படையில் புறந்தளப் பட்டதா..? என்ற நம் நியாயமான எண்னங்களின் உண்மை நிலையை அகிலங்களின் இறைவனான அல்லாஹ் ஒருவன் மட்டுமே நன்கறிந்தவன்.

நம் எண்னங்களின் முதலில் உள்ளதுதான் உண்மை நிலையென்றால் நீதியரசர்களுக்கெல்லாம் தலைச் சிறந்த நீதியரசனான அல்லாஹ்வின் சாபம் அவர்கள் மேல் என்றென்றும் நிலைத்து விடும். நாம் எண்ணும் இரண்டாவதான மனித பலஹீனம் என்ற கவனக்குறைவு தான் உண்மையென்றால் அல்லாஹ் அவர்களுக்கு நுட்பமான கவனம் என்ற பலத்தை கொடுத்து அவர்களுடைய வாழ்வை வசந்த மாக்கி வைப்பான்.

இவ்வளவு காட்டமான வார்த்தைகளை நாம் பயன்படுத்த காரணம் DCW என்ற சுற்றுச்சூழழுக்கு மாசுப்பறப்பும் நிறுவனத்தின் மூலமாக பல ஆண்டுகளாகியும் அழியாத்தன்மை கொண்ட பாதரசக்கழிவுகளை கடலில் கலந்ததால் அதை உட்கொண்ட மீன்களின் வயிற்றில் தங்கி விடுகின்றது. அவ்வாறான மீன்களை அறியாமல் உணவாக உட்கொள்கின்ற DCW என்ற விசப்பரப்பியின் சுற்று வட்டாரத்தில் உள்ள மக்கள் ஆரோக்கியம் எத்தகையதாக இருக்கும் என்று சம்பந்தபட்டவர்கள் நெஞ்சில் கையை வைத்து மனசாட்சியோடு சிந்தித்துப் பார்க்க கடமைபட்டுள்ளீர்கள். மனிதன் உயிர்வாழ முதன் மூல அடிப்படையான தேவை சுகாதாரம் மிக்க சுத்தமான காற்று. அந்த காற்றிலும்தான் அனுதினமும் அதிகாலை நேரங்களில் DCW கழிவு புகையை கலந்து விடுவதையும் அதை கருவிலிருக்கும் குழந்தை முதல் முதியவர்கள் வரை சுவாசிப்பதையும் சம்பந்தப்பட்டவர்கள் சிந்திப்பீர்களா?

சாளை:M.A.K. முஹம்மத் இப்ராஹீம் ஸுஃபி.
கோழிக் கோடு.
மே14-2016.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்