Kayal on the Web

செய்திகள்

செய்தி எண் (ID #) 18133

#KOTW18133

வெள்ளி, ஜுலை 29, 2016

ஹாங்காங் பேரவை சார்பில் தையல் நிறுவனம் திறப்பு விழா! திரளானோர் பங்கேற்பு!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3869 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தில் தையல் தொழில் செய்வதற்காக தையல் கருவிகளைக் கேட்டு ஏழை மக்களிடமிருந்து பெறப்படும் விண்ணப்பங்களின் எண்ணிக்கை அதிகரித்து வருவது ஒருபுறமிருக்க, அவ்வாறு தையல் கருவிகள் வழங்கப்பட்டவர்கள் அதை முறையாகப் பயன்படுத்தி தொழில் செய்வது மிகவும் குறைவு என்ற நிலையைக் கருத்திற்கொண்டு, அது போன்ற கோரிக்கைகளை முன்வைக்கும் பயனாளிகளுக்கு தையல் துறையில் தகுந்த வேலைவாய்ப்பை அளித்து, வருமானமீட்ட வழிகாட்ட வேண்டும் என்ற நோக்கத்தில், காயல்பட்டினம் ஐக்கியப் பேரவை - ஹாங்காங் அமைப்பின் சார்பில், “KUF ஹாங்காங் கார்மெண்ட்ஸ் & டெய்லரிங்” எனும் பெயரில் தையல் நிறுவனம் உருவாக்கப்பட்டுள்ளது.

அதன் திறப்பு விழா, 26.07.2016. செவ்வாய்க்கிழமையன்று 10.30 மணியளவில், ஹாஜியப்பா தைக்கா பள்ளியருகிலுள்ள நிறுவன வளாகத்தில், மவ்லவீ ஹாஃபிழ் கே.ஏ.அஹ்மத் அப்துல் காதிர் தலைமையில், எஸ்.ஐ.அபூபக்கர். வட்டம் எஸ்.எம்.ஹஸன் மரைக்கார். எம்.என்.செய்யித் அஹ்மத் (பி.காம். செய்யித் அஹ்மத்) ஆகியோர் முன்னிலையில் நடைபெற்றது. ஹாங்காங் பேரவையின் ஆலோசகர் ஏ.எஸ்.ஜமால் முஹம்மத் தையல் நிறுவன கட்டிடத்தைத் திறந்து வைக்க, அதன் தொடர்ச்சியாக அவை நிகழ்ச்சிகள் துவங்கின.

மாணவர் கே.எம்.எச்.அப்துல் வதூத் கிராஅத் ஓதி நிகழ்ச்சிகளைத் துவக்கி வைத்தார். காயல்பட்டினம் ஐக்கியப் பேரவை - ஹாங்காங் அமைப்பின் தலைவர் ஹாஃபிழ் ஏ.எல்.இர்ஷாத் அலீ வரவேற்றுப் பேசினார்.

அதன் முன்னாள் தலைவரும், நடப்பு ஆலோசகருமான ஏ.டபிள்யு.கிழுறு முஹம்மத் ஹல்லாஜ், திட்ட அறிமுகவுரையாற்றினார்.

மதுரையைச் சேர்ந்த நஸீர் அஹ்மத், காயல்பட்டினம் ஐக்கிய சமாதானப் பேரவை & தாருஸ் ஸலாம் தஃவா சென்டர் ஆகியவற்றின் நிறுவன தலைவர் மவ்லவீ ஹாஃபிழ் டீ.எம்.என்.ஹாமித் பக்ரீ மன்பஈ ஆகியோர் வாழ்த்துரையாற்றினர்.

காயல்பட்டினம் ஐக்கியப் பேரவை - ஹாங்காங் அமைப்பின் நலத்திட்ட உதவிப் பொருட்கள் வருடாந்திர வினியோகத் திட்டத்தின் கீழ், நடப்பாண்டு 2 லட்சம் ரூபாய் செலவில் தொழிற்கருவிகள் வழங்கப்படவுள்ளதாக விழாவில் அறிவிக்கப்பட்டு, துவக்கமாக ஒரு பயனாளிக்கான பொருள் அவையிலேயே வழங்கப்பட்டது. பயனாளியின் சார்பாக ஏ.ஆர்.ஷேக் முஹம்மத் அதைப் பெற்றுக்கொண்டார்.

KUF ஹாங்காங் கார்மெண்ட்ஸ் & டெய்லரிங் திட்ட இயக்குநர் எம்.எல்.ஷேக்னா லெப்பை நன்றி கூற, ஹாங்காங் பேரவை ஆலோசகர் கம்பல்பக்ஷ் எஸ்.எச்.பாக்கர் ஸாஹிப் துஆவைத் தொடர்ந்து, ஸலவாத்துடன் விழா நிகழ்ச்சிகள் நிறைவுற்றன.

இதில் ஹாங்காங் வாழ் காயலர்கள் உள்ளிட்ட பொதுமக்கள் திரளாகக் கலந்துகொண்டனர்.

படங்களுள் உதவி:
M.M.முஜாஹித் அலீ

காயல்பட்டினம் ஐக்கியப் பேரவை - ஹாங்காங் அமைப்பு தொடர்பான முந்தைய செய்தியைக் காண இங்கே சொடுக்குக!

{TAGS} kufhk hongkong kuf hongkong garments and tailoring kuf hongkong garments & tailoring tailoring project

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. மாஷா அல்லாஹ் நல்லதொரு வழிகாட்டல்.
posted by SHEIKH ABDUL QADER (RIYADH) [30 July 2016]
IP: 62.*.*.*

Saudi Arabia | Comment Reference Number: 44342

அஸ்ஸலாமு அலைக்கும் வரஹ்மத்துல்லாஹி வபரக்காத்துஹூ.

இறையருள் நிறைக.

மாஷா அல்லாஹ் அழகான பயனுள்ளதுவக்கம் நல்லதொருவழிகாட்டல் கந்தளாய் உலாவரும் வறுமையை உழைப்பின்வழியாக விரட்ட வழங்கப்படும் உதவிகள் மரியாதையுடன் தலைநிமிர்ந்துவாழவும் உதவும் உதவிப்பொருள்களைப்பெறுபவர்கள் வாழ்வில் பொருளாதாரத்தடைநீங்கிஒளியேற சிறந்தநிலையில் வாழ்க்கையமைய வாழ்த்திப்பிரார்த்திப்போம் ஆமீன்.

இந்த பயனுள்ளத்திட்டத்திற்கு ஆதரவுதந்து,அஸ்திவாரமிட்டு அனைத்து உதவிகளும் வழங்கிய ஹாங்காங்க் பேரவையை பாராட்டி,வாழ்த்திப்பிரார்த்திப்பதோடு இதுபோன்ற நற்காரியங்களில் ஈடுபாட்டுடன் அனைவரும் இணைந்துசெயல்படுவோம் இன்ஷா அல்லாஹ் அல்லாஹ் பறக்கத்தும்,ரஹ்மத்தும்,ஆபியத்தும் தருவான் ஆமீன்.

இறைவன் மிகப்பெரியவன்.

இறையடிமை,
ஷேக் அப்துல் காதிர்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...நெஞ்சம் நிறைந்த பாராட்டுக்கள் மனமார்ந்த நன்றிகள்.
posted by சட்னி,எஸ்.ஏ.கே.செய்யது மீரான்,ஜித்தா (Jeddah) [31 July 2016]
IP: 129.*.*.*

United Kingdom | Comment Reference Number: 44348

அழகான முயற்சி , அற்புதமான சிந்தனை , அவசியமான செயல்பாடு .

இந்த நல்லதோர் செயல்திட்டத்தை நல்லமுறையில் செயல்படுத்தியுள்ள ஹாங்காங் மன்றத்தின் முன்னோடிகள் நிர்வாகிகள் அனைவருக்கும் மனமார்ந்த நல்வாழ்த்துக்கள்.

நன்றிகள்ஜசாக்குமுல்லாஹ் ஹைரா ஆமீன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by சாளை எஸ்.ஐ.ஜியாவுத்தீன் (அல்கோபார் ) [31 July 2016]
IP: 37.*.*.*

Saudi Arabia | Comment Reference Number: 44349

மாஷா அல்லாஹ்.

பாராட்டத்தக்கக் கூடிய அருமையான செயல் வடிவம்.

சும்மா ஒவ்வொரு தடவையும் கேட்கும் போது எல்லாம், மீனை கொடுத்துக்கொண்டு இருப்பதற்கு பதிலாக, மீனை பிடிக்கும் வித்தையை கத்துக்கொடுக்கும் முயற்சியில் இறங்கியுள்ளீர்கள்.

வாழ்த்துக்களும் பாராட்டுக்களும்.

இம்முயற்ச்சி வெற்றி பெற்று, வறுமை இல்லா காயல் உருவாக பிராத்திக்கிறேன்.

சாளை எஸ்.ஐ.ஜியாவுத்தீன், அல்கோபார்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. வளர்க! வெல்க!!
posted by முஹம்மது ஆதம் சுல்தான்! (yanbu) [31 July 2016]
IP: 37.*.*.*

Romania | Comment Reference Number: 44350

கண்ணியமிகு காயல்பதி சகோதரர்கள் எப்படியெல்லாம் யோசிக்கிறார்கள்.எந்த வழியில் நமதூர் வரியவர்களுக்கு உதவவேண்டும், அந்த வழி, அந்த நன்மையின் நிகழ்வு இதுவரை யாரும் செய்ததில்லை என்பதையறிந்து அகமகிழ்வுடன் அறிமுகப்படுத்துகிறார்கள்!

அல்லாஹ்வின் அருளையும்,அவனின் அலப்பரிய நன்மைகளையும் ஹாங்காங் ஐக்கிய பேரவையின் அனைத்து அங்கத்தினர்களும் பெற்றருள்வீர்களாக! ஆமீன்!

உங்கள் அமைப்பு மென்மேலும் வலிவுபெற்று உயர்ந்தோங்க, அன்பொழுக இந்த ஆதம் சுல்தான் வாழ்த்துகிறேன்!

வளர்க! வெல்க!! அல்லாஹ் அனைத்தும் அறிந்தவன்!

வாழ்த்துக்களுடன்,
முஹம்மது ஆதம் சுல்தான்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்