{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தில் இன்று போக்குவரத்து மற்றும் போதை ஒழிப்பு விழிப்புணர்வு நடைபெற்றது.

நடப்பது என்ன? சமூக ஊடக குழுமம் ஒருங்கிணைத்திருந்த இந்த மாணவர் பேரணியில் - பள்ளி மாணவர்கள் சுமார் 500 பேர் கலந்துக்கொண்டனர். நகரின் பிரதான வீதிகளை வலம்வந்த மாணவர்கள் - இறுதியாக ஐக்கிய விளையாட்டு சங்க மைதானத்தை அடைந்தனர்.



அங்கு நடந்த நிகழ்ச்சியில் - மாணவர்களுக்கு, நகர்மன்ற தலைவர் ஐ.ஆபிதா சேக், உறுதி மொழி வாசகத்தை முன்மொழிந்தார்.

அந்த வாசகங்கள் வருமாறு:



நான் ஒரு மாணவன்.
நான் - என் குடும்பத்தின் எதிர்காலம்.
நான் - இந்த சமுதாயத்தின் எதிர்காலம்.
நான் - இந்த நாட்டின் எதிர்காலம்

எனது இலட்சியங்கள் உயர்வானவை
எனது வாழ்வில் கல்வி முக்கியமானது

கல்வி என்னை உயர்த்தும்
என் உயர்வு மூலம் என் குடும்பம் உயரும்
குடும்பத்தின் உயர்வு மூலம் என் சமுதாயம் உயரும்
சமுதாயத்தின் உயர்வு மூலம் என் நாடு உயரும்

என் உடல் - இறைவன் தந்த நற்கொடை
அதை நான் ஒரு போதும் துன்புறுத்தமாட்டேன்

நான் கால்பந்து விளையாடுவேன்
நான் கிரிக்கெட் விளையாடுவேன்
பிற விளையாட்டுகளிலும் பங்கேற்பேன்

இரு சக்கர வாகனங்கள் ஓட்டுவது விளையாட்டல்ல
என் வயதில் அதனை ஓட்டுவது விவேகமுமல்ல

போதை பழக்கமும் எனக்கு தேவையல்ல
மது பழக்கமும் எனக்கு தேவையல்ல

தீய பழக்கங்கள் கொண்ட நண்பர்களுக்கு
நான் அறிவுரை வழங்குவேன்

கேட்காவிட்டால் அவர்களின்
பெற்றோருக்கு தெரிவிப்பேன்

அது தான் நட்பின் அடையாளம்

என்னைக்கண்டு நான் பெருமிதம் அடையவேண்டும்
என்னைக்கொண்டு என் குடும்பம் பெருமிதம் அடையவேண்டும்

என்னைக்கொண்டு என் சமுதாயம் உயர்வு பெற வேண்டும்
என்னைக்கொண்டு என் நாடு உயர்வு பெற வேண்டும்

இதுவே என் வாழ்வின் லட்சியம்
இதுவே எனது பயணத்தின் குறிக்கோள்

எனக்காகவும்
என் குடும்பத்திற்காகவும்
என் சமுதாயத்திற்காகவும்
என் நாட்டிற்காகவும்
நான்
இந்த
உறுதிமொழியை
இன்று
வழங்குகிறேன்

தகவல்:
நடப்பது என்ன? முகநூல் பக்கம்