IP: 163.*.*.* Japan

ஒரு பெண் கண்ணீரும் கம்பலையுமாக நின்று அழுதுகொண்டிருந்தாள் , ஏன் அழுகிறாய் என்று ஒரு பெரியவர் கேட்டார்..பிறந்த வீட்டிலும் எனக்கு நிம்மதி இல்லை. புகுந்த வீட்டிலும் எனக்கு நிம்மதி இல்லை என்று அவள் சொன்ன போது உன் பெயரென்னம்மா என்று அந்த பெரியவர் கேட்டார். என் பெயர் ''காவேரி'' என்று அவள் பதில் சொன்னாள். அதைக் கேட்டவுடன் அவர் சிரித்து விட்டார் நமது கர்நாடக தமிழ்நாடு நதிநீர் பிரச்சினை அவருக்கு ஞாபகம் வந்ததுதான் அவரது சிரிப்புக்கு காரணம்.

ஆனால் நேற்றைய இந்து நாளிதழில் ''பிரச்சினை காவேரி அல்ல'' என்ற ஒரு அருமையான கட்டுரை படித்தேன். 4 வது ஆண்டில் தடம் பதித்துள்ள ஹிந்து தமிழ் இதழுக்கு வாழ்த்துக்கள். உள்ளதை உள்ளபடி எழுதுவது உண்மைக்கு முதலிடம் கொடுப்பது என்ற சிறப்பான கொள்கையுடன் அது தனது சிறகை விரித்து பறக்கிறது.

இன்றைய குத்பா பிரசங்கத்தில் மொகுதூம் ஜும்மா பள்ளியின் கதீப் அவர்கள் நதிநீர் பிரச்சினை பற்றி பேசினார்கள்.

நபிகள் நாயகம் அவர்கள் காலத்தில் ஏற்பட்ட தண்ணீர் பிரச்சினையை அவர்கள் எப்படி சமயோசிதமாக தீர்த்து வைத்தார்கள் என்பதை அருமையாக கோடிட்டுக் காட்டினார்கள்.

நமது ஊரில் கூட அடுத்தவர்களுக்கு முறையாக கிடைக்க வேண்டிய குடிநீரை மோட்டார் வைத்து உறிஞ்சி ஹராமாக அதை அனுபவிப்பவர்களை இறைவன் நாளை மறுமையில் அவர்களை திரும்பி பார்க்கவும் மாட்டான் அவர்களுடன் பேசவும் மாட்டான் என்று சொன்னபோது அந்த பாவத்தை செய்ப்பவர்கள் துடித்து போனார்கள்.

தனக்கு போக உபரியாக உள்ள நீரை தடை செய்ப்பவர்களுக்கு இறைவனின் சாபம் உண்டாகும். விளைவு மழை பெய்வது தடுத்து நிறுத்தப் படும். மலையில் உற்பத்தியாகி அருவியாக விழுந்து தரையில் உருண்டு திரிந்து பல ஊர்களுக்கூடாக சென்று எல்லா நிலங்களையும் விளை நிலங்களாக ஆக்கிக் கொண்டு அந்த நீர் கடலில் கலக்கிறது.

இது அல்லாஹ்வின் அருள் கொடை. அதை தடுத்து நிறுத்துவது பாவம் என்று சொன்னார்கள்.

மாநிலங்களாகட்டும் தனிப் பட்ட நகரங்கள் கிராமங்களாகட்டும் எல்லோருமே இந்த தண்ணீர் விஷயத்தை அல்லாஹ்வின் அருள்கொடை என்று நினைக்காமல் தங்கள் கெட்டி தனத்தால் இந்த மழை பொழிகிறது. இயற்கையாக அது அந்தந்த காலங்களில் பெய்துதான் ஆக வேண்டும் என்று நினைக்கிறார்கள்.

விஷயம் அப்படியல்ல. பாவங்கள் அதிகமாக ஆக, பொய் புரட்டு அதிகமாக நாட்டில் உலவும்போது, இறைவனை மறந்து தான்தோன்றி தனமாக நடக்க மனிதன் தலைப்படுகின்ற காலங்களில் இப்படி மழை பொய்த்துவிடும் தண்ணீர் தட்டுப்பாடு அதிகரிக்கும் என்பதுதான் நிதர்சன உண்மை.

எனவே நாம் எல்லோரும் போராட்டம் ஆர்ப்பாட்டம் என்ற நமது எண்ணங்களை மாற்றி இறைவனிடம் நமது தண்ணீர் தேவைகளை கேட்போம். அவன் வானிலிருந்து மழையை பொழிய செய்வான். காவேரி அணைகளும் மற்றும் நாட்டின் எல்லா நீர்நிலைகளிலும் தண்ணீர் பெருக்கெடுத்து ஓடும். விவசாயிகள் நலமுடன் வாழ முடியும். இறைவனிடம் கை ஏந்துங்கள் அவன் இல்லை என்று சொல்லுவதில்லை.

வரப்புயர் நீர் உயரும்
நீர் உயர நெல்லுயரும்
நெல்லுயர குடி உயரும்
குடி உயர கோன் உயர்வான்
என்ற பழ மொழி மீண்டும் துளிர்க்கும்.

IP: 78.*.*.* Romania

அஸ்ஸலாமு அலைக்கும் வ ரஹ்மத்துல்லாஹி வ பரக்காத்துஹு. இறையருள் நிறைக.

அல்லாஹும்மஸ்கினல் ஃகைத வ லா தஜ் ஆனா மினல் கானித்தீன்.

நாம் றப்பிடம் ஒவ்வொரு ஆண்டும் இறைஞ்சுவதில் தவறுவதுமில்லை அப்படித்தவறினாலும் அவன் தன்அருளைப்பொழிவதில் தவறுவதுமில்லை கேட்ப்பதைக்காட்டிலும் நிறைவாகத்தருபவனே இறைவன் அவனுக்குநிகர் அவனே அல்ஹம்துலில்லாஹ்.

ஆனால்,
அப்படி அளவிற்கு அதிகமாக்கக்கிடைத்த அவன்தந்த அமுதை தேவைபோக சேமித்தோமா ஒவ்வொரு ஆண்டும் பரீட்சசை நேரத்தில் பள்ளிக்குழந்தைகள் விழுந்துவிழுந்து படிப்பதுபோல்தானே நாமும் மன்றாடுகின்றோம் ஏன்? நமக்குப்படிப்பினைகள் போதாதா?

கடந்த ஆண்டு 100 ஆண்டுகளுக்குமேல்காணாத வரலாற்றுக்கணமழை சென்னையையும்,கடலூரையும் உலுக்கியெடுத்தது அப்பொழுமட்டும் குய்யோமுறையோவென்றுகுதித்தோம் அந்த நிலைமீண்டும்வராமல் தடுக்க நாம்தடுத்த நீர்த்தடங்களையம்ஆக்கிரமிப்புகளையம் அகற்றறினோமா,சரிசெய்தோமா,குளங்களையும்,ஏரிகளையும் கால்வாய்களையும்,வாய்க்கால்களையும்,ஆறுகளையும், சுத்தம்செய்தோமா இல்லையே.

மாஷா அல்லாஹ் அன்று எல்லோருமே ஒன்றாகநின்று ஒன்றிணைந்து அதில்வெற்றிக்கண்டோம் அந்தவெற்றி அரசு உதவியால்வந்ததா இல்லை நிச்சயமாக நமது ஒற்றுமையால்வந்த வெற்றி. அதுவல்லாது இந்தக்கடையடைப்புகளும்,மறியல்களும் வெறும்கண்துடைப்புகளே.

அன்றுநாம்கொடுத்த நிதியில் சிறுபகுதியை நீர்த்தடங்களை செப்பனிடுவதற்கென ஒதுக்கிய சீர்செய்திருந்தால் ஒரேநாட்டிற்குள் இன்று அகதியாக நிற்கும் சூழல்வந்திருக்காது எத்தனைவிவசாயில்கள் தற்கொலைசெய்துமாண்டாலும் கேட்கப்போவதில்லை ஊடகங்களும் பத்திரிக்கைகளும் அந்தநேரத்திற்கு சூடான செய்திகளைமட்டும் பரப்பும் எந்தவொரு கட்சியும் நமக்கு உதவப்போவதில்லை அது எதிர்கட்சியாக இருந்தாலுசரி,ஆளும்கட்சியாக இருந்தாலும்சரி மக்கள்நாம் அவர்களின் பகடைக்காய்கள்தாம். இனிமேலாவது விழித்துக்கொள்வோமா?

நதிகளை தேசியமயமாக்கவேண்டுமென்றும்,கனவுகாணுங்களென்றும் சொல்லிவிட்டு அப்துகலாம் அவர்கள் வேலைமுடிந்ததென்று தூங்கிவிட்டார். பாவம் அவருக்குத்தெரியவாசெய்யும் நாம் சாவிக்கொடுத்தால்தான் ஓடுவோமென்று சாவிக்கொடுத்தாலும் ஓடுவதில்லை ஒப்பரவு பிண்டங்கள்.

டாஸ்மாக்கும்,தண்ணீரும் வெறும் அரசியல்தான் ஆனால், உழைப்பாளி,உழவனின்கண்ணீரும் வற்றிவிட்டால் நீங்கள்விளையாடும் தண்ணீரும் விஷமாகிவிடும் நீஅடிப்பது போல்அடி நான் அழுவதுபோல் அழுகிறேனென்றநாடகம் வெகுநாள் நீடிக்காது ஒருநாள் இன்ஷா அல்லாஹ் கார்பொரேட்களையும் கபடநாடகமாடும் அரசியல் நடிகர்களையும் கடித்துக்குதறி ரத்தம்குடிக்கும்.

நிச்சயமாக நீராதாரங்களைத்தடைபவர்கள் அல்லாஹ்வின் கோபத்திற்கு ஆளாகிறார்கள்

அருள் மழைபொழிவாய் ரஹ்மானே ஆலமெல்லாம்
அழகாய்ப்படைத்தோனே
அண்ணல் நபியைத்தந்தோனே

அருள் மழைபொழிவாய் ரஹ்மானே.
அருள் மழைபொழிவாய் ரஹ்மானே.
அருள் மழைபொழிவாய் ரஹ்மானே.

இறைவன் மிகப்பெரியவன்.

இறையடிமை,
ஷேக் அப்துல் காதிர்.