{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் - சொளுக்கார் தெரு - மவ்லானா அப்பா சின்ன கல் தைக்கா வளாகத்தில் இயங்கி வரும் முஅஸ்கருர் ரஹ்மான் மகளிர் அரபிக் கல்லூரியின் பட்டமளிப்பு விழா நிறைவு நாள் நிகழ்ச்சிகள் இன்று காலையில் துவங்கி, இரவு வரை நடைபெறவுள்ளது. இவ்விழாவில், 41 மாணவியர் ‘ஆலிமா முஅஸ்கரிய்யா’ பட்டம் பெறவுள்ளனர்.

நேற்று (22.10.2016. சனிக்கிழமை) காயல்பட்டினம் மஜ்லிஸுல் புகாரி ஷரீஃப் வளாகத்தில், கல்லூரியின் நிர்வாகிகள், ஆசிரியையர், முன்னாள் - இந்நாள் மாணவியர் பங்கேற்ற பல்சுவை சன்மார்க்க நிகழ்ச்சிகளும், போட்டிகளும் நடைபெற்றன. நகரின் அனைத்துப் பகுதிகளைச் சேர்ந்த பொதுமக்கள் இதில் திரளாகக் கலந்துகொண்டனர்.

இன்று, குருவித்துறைப் பள்ளி வடகிழக்குப் பகுதி மைதானத்தில் அமைக்கப்பட்டுள்ள சிறப்பு மேடையில், ஆண்கள் நிகழ்ச்சிகள் நடைபெறவுள்ளன.

இதற்கான ஏற்பாட்டுப் பணிகள் குறித்து 11.10.2016. அன்று 20.00 மணியளவில், கல்லூரி வளாகத்தில், எஸ்.இ.முஹம்மத் அலீ ஸாஹிப் (டீ.எம்.) தலைமையில் நடைபெற்ற கலந்தாலோசனைக் கூட்டத்தில் பொறுப்புகள் பகிர்ந்தளிக்கப்பட்டுள்ளமை குறிப்பிடத்தக்கது.