IP: 128.*.*.* Romania

துணிச்சல் மிகுந்த வீரப் பெண்மணியை தமிழகம் இழந்தது விட்டது. முதல்வரின் பேரைச்சொன்னாலே பதறித்துடிக்கும் அத்தனை அமைச்சர்களையும், அதிகாரிகளையும் தன் சுண்டு விரலில் சுழலவைத்த ஒரு வைர நெஞ்சுறுதியான வீராங்கனை!

கட்சியாலும் ,கொள்கையாலும் நானோ என்னைச்சார்ந்த இயக்கமோ அவர்களுக்கு நேர் எதிர்மறையாக இருந்தாலும், அவர்களை எதிர்கொள்ளப்போகும் வேட்டையை ஒரு சாதாரண சிறுமுயல்வேட்டையாக கருதியதில்லை. ஒரு சிங்கத்தை வேட்டையாடப்போகிறோம் என்றுதான் எதிர்கொள்வோம்.அந்த வேட்டையில் சில சமயம் வெற்றியும், சிலநேரம் வெற்றிவாய்ப்பு நழுவியும் இருக்கிரது. அப்படி வெற்றிவாய்ப்பை இழந்த நேரத்தில் நாங்கள் ஒரு சிங்கத்திடம்தாம் வெற்றியை இழந்தோம் என்ற பெருமையைத்தான் அடைந்திருக்கிறோம்! இனி அப்படிப்பட்ட சிங்கத்தை எங்கே தேடுவது?

தன்னுடைய ஆளுமையில் மிகவும் நம்பிக்கைகொண்டவர். தான் எதிர்க்கப்போகின்றவர் இமலாயளவு பலம்வாய்ந்தவராக இருந்தாலும், அதிலிருந்து எழும் எந்த தாக்குதலையும் இலவம் பஞ்சுபோல் ஊதித்தள்ளும் ஒற்றை மனஉறுதி வீரமங்கயை இனி எங்கே பார்ப்பது?

அவர் கொள்கைப்பரப்பு செயலாளராக பதவிபெற்ற பிறகு முதன் முதலில் இடைத்தேர்தல் பிரசாரத்தை நம் காயல் மண்ணிலிருந்துதான் ஆரம்பித்ததாக கேள்வி. அப்படி ஆரம்பித்த நம்மண்ணின் மகிமையால் அவர் வெற்றிப்படிகள் பலதாண்டி புகழின் உச்சிக்கு சென்றிருக்கிறார் என எண்ணுகிறேன்!

அவர் தற்போது நம்முடன் இல்லை ஆனால் அவருடைய தனிமனித போர்படைத்திறனுடைய பேராற்றல் பல்லாயிர ஆண்டுகள் இப்பரணியில் பரவி புகழ்மணக்க போவது என்பது நிச்சியம்!

மறைந்த முதல்வரின் குடும்பத்தார்களுக்கும்,அவரின் தொண்டர்களுக்கும் என் ஆறுதலடங்கிய ஆழ்ந்த அனுதாபதத்தை தெரிவித்துக்கொள்கிறேன்! அல்லாஹ் அனைத்தும் அறிந்தவன்!

அறுதல் கூறும் மனமுடன்,
ஆதம் சுல்தான்!

IP: 163.*.*.* Japan

முதல்வர் அவர்கள் இறுதி ஊர்வலம் சென்று கொண்டிருக்கும்போதே இந்த நிகழ்வு நடைபெற்றது வருந்த தக்கது. எல்லோரும் கண்ணீருடனும் கம்பலையுடனும் தொலைக்காட்சி முன் உட்கார்ந்து நிகழ்வுகளை பார்த்துக் கொண்டிருக்கிறோம். மக்ரிப் தொழுதுவிட்டு வந்த பிறகும் அந்த காட்சி தொடர்கிறது. ஆனால் நமதூரில் மௌன ஊர்வலம் மாலை 4 .30 தொடங்கியது வேதனை தருகிறது.

நமதூர் வழக்கம் கூட ஒரு ஜனாஸா வெளியூரில் அடக்கப் பட்டாலும் அந்த ஜனாஸா அடக்கப்பட்டு முடிந்த செய்தி வந்த பிறகுதான் ஸலாம் கொடுக்க ஏற்பாடு செய்வார்கள். காயிப் ஜனாஸாவும் இப்படி தான் நடக்கும். இப்படி இருக்க நமது பாரம்பரியத்தையும் மீறி, ஒரு மக்களின் தலைவர் இறுதி ஊர்வலம் நடந்து கொண்டிருக்கும்போதே இப்படி செய்வதற்கு என்ன அவசரம் என்று தெரியவில்லை. அந்த நிகழ்ச்சியை இன்று மாலை செய்திருக்கலாமே, மிகவும் விஷயம் தெரிந்தவர்கள் கூட இந்த நிகழ்ச்சியில் கலந்து கொண்டிருக்கிறார்களே என்று பார்க்கும் போது நான்தான் தப்பாக நினைத்துக் கொண்டிருக்கிறேனோ என்று எண்ணத் தோன்றுகிறது. என்றாலும் மனதில் பட்டதை துணிச்சலாக சொல்லும் தைரியம் படைத்த ஒரு தலைவிக்கு அஞ்சலி செலுத்தும்போது அவரது துணிச்சல் எனக்கும் வருவதில் வியப்பில்லை.

அரசியலுக்கு அப்பால் நின்று சிந்திப்பவர்கள் எனக்கு அறிவுரை கூறுங்கள். நன்றி.