Kayal on the Web

1. Re:...மக்களின் முதல்வருக்கு ஓர் முன்மாதிரியான அஞ்சலி...
posted by mackie noohuthambi (kayalpatnam ) [06 December 2016]
IP: 163.*.*.*

Japan | Comment Reference Number: 44972

ஜெயலலிதா மறைவுக்குப் பிந்தைய நிலவர பதிவுகள்

tamil.thehindu.com

உங்களில் ஒருவர் மறைந்து விட்டால் அவரின் நன்மைகளை மட்டுமே பேசுங்கள் என்று நபிகள் நாயகம் அவர்கள் சொல்கிறார்கள்.

முதல்வர் ஜெயலலிதா அவர்களின் வெற்றி சரித்திரம் ஒரு அற்புதமான முன்னுதாரணம். யார் என்ன சொன்னாலும் தான் கொண்ட கொள்கையில் சமரசம் செய்து கொள்ளாதவர். ஒரு முடிவு எடுத்து விட்டால் முன் வைத்த காலை பின் வைக்காதவர்.அதனால் ஏற்படும் பின்விளைவுகளை துணிச்சலுடன் சந்தித்தவர். தமிழகத்தின் நலனுக்கு ஊறு விளைவிக்கும் எந்த திட்டத்துக்கும் அவர் தனது எதிர்ப்பை துணிச்சலுடன் பதிவு செய்பவர். அது அண்டை மாநில அரசாக இருந்தாலும் மத்திய அரசாக இருந்தாலும் சரியே. அதற்காக நீதிமன்றங்களுக்கு சென்று வெற்றி வாகை சூடியவர். தனது தனிப் பட்ட வழக்குகளிலும் சாதுரியமாக வாதாடும் திறமை பெற்ற வழக்கறிஞர்களை அடையாளம் கண்டு அங்கும் முத்திரை பதித்தவர். எதிர்க் கட்சிகளுக்கு சிம்ம சொப்பனமாக விளங்கியவர். மக்கள் தன் பக்கம் இருப்பதற்கு என்னவெல்லாம் செய்ய வேண்டும் என்று வியூகம் வகுத்து அவற்றை செயல்படுத்தியவர். மக்களுக்காக நான் என்று அவர் சொல்வதில் ஒரு அர்த்தத்தையும் யதார்த்தத்தையும் உண்டாக்கியவர்.

ஏழையின் சிரிப்பில் இறைவனை கண்டவர் பிரச்சினைகளுக்கு தீர்வு அதை துணிச்சலுடன் எதிர்கொள்வதே என்பதை நிரூபித்துக் காட்டியவர்.

நீ எழுந்து நடந்தால் எரி மலையும் உனக்கு வழி கொடுக்கும். நீ விழுந்து கிடந்தால் சிலந்தி வலையும் உன்னை சிறைபிடிக்கும் என்பதையும் நமக்கு பாடமாக தந்தவர்.

இருந்தாலும் மறைந்தாலும் பேர் சொல்ல வேண்டும் இவர் போல யார் என்று ஊர் சொல்ல வேண்டும். இன்று இந்த நாடே இவரை பற்றி சொல்கிறது. கட்சி உணர்வுகளுக்கு அப்பால் நின்று சிந்திப்பவர்கள் சொல்கிறார்கள்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]