IP: 157.*.*.* Indonesia

பாவலர் சுற்றுலா ஓட்டுனர்கள் நல சங்கம் வைத்துள்ள கோரிக்கை மேலோட்டமாக நியாயமாக தெரிந்தாலும் வாடகைகள் அதிகமாக கேட்பதால் இப்படி ஒரு நிலை இருக்கிறது என்பதும் மறுப்பதற்கில்லை.

ஊரில் ஓடும் ஆட்டோக்கள் ஒரு கங்கு கரை இல்லாமால் மக்களின் தேவைகளை அவசரங்களை பயன்படுத்தி அதிக கட்டணம் கேட்கிறார்கள் என்பதையும் இங்கு சொல்ல வேண்டும். கேட்டால் சாலைகள் சீராக இல்லை என்று சொல்கிறார்கள், பெட்ரோல் டீசல் விலை கூடுதல் என்று பல காரணங்களை சொல்கிறார்கள்.

நேர்மை என்பது ஒரு வழிப் பாதை அல்ல அது இருவழி பாதை.

YOUR FREEDOM ENDS WHERE MY NOSE BEGINS எவ்வளவு கட்டணமும் கேட்கலாம் இவர்கள் தந்துதான் ஆக வேண்டும் என்று சந்தர்ப்பத்தை வைத்து கட்டணம் வசூல் நடக்கிறது.இது உங்கள் சுதந்திரம் என்றே ஆகி விட்டது, மக்கள் என்ன செய்வதென்று தெரியாமல் கை பிசைந்து கொண்டு நிற்கிறார்கள். எனவே குறிப்பிட்ட வாகன ஓட்டுனர்கள் மனசாட்சிப் படி கட்டணம் வசூலிக்க ஆரம்பித்தாலே போதும் மக்கள் உங்களை நாடி வருவார்கள் என்பதுதான் நிதர்சன உண்மை..

வாகன உரிமையாளர்களும் வாடிக்கையாளர்களும் நேர்மையாக நடக்க ஆரம்பிக்கும்போது எல்லாமே சரியாகிவிடும். அது இல்லாத வரை இந்த அவலங்களை மாற்ற முடியாது.

சட்டம் போட்டு மனித உணர்வுகளை கட்டுப் படுத்த முடியாது.

IP: 37.*.*.* Saudi Arabia

முதலில் சொந்த வாகனத்தை வாடகைக்கு விடுவது தவறு தான்.

என் வாகனத்தை பலரும் வாடகைக்கு கேட்பார்கள், நான் அதற்கு சம்மதிக்க மாட்டேன்.. வருடம் முழுவதும் வீட்டிலேயே முடங்கி கிடைக்கும். வீட்டு உபயோகம் இருந்தால் மட்டுமே வண்டி வெளியில் வரும்.

இருந்தாலும், மக்கி மாமா அவர்களின் கருத்து நியாயமானதே.

டீசல் விலை ஒரு ரூபாய் ஏறிவிட்டால் போதும், உடனே அவர்கள் நினைக்கும் வாடகையை கூட்டி கேட்டு விடுவார்கள். அதுவே டீசல் விலை 2 ரூபாய் குறையட்டும்... ஊஹூம் ... கூட்டின வாடகையில் ஒரு பைசா குறைக்க மாட்டார்கள்.

சென்ற முறை, அருகில் இருக்கும் தோப்புக்கு சென்று, மாலை திரும்பி வர அவர்கள் சொன்ன வாடகையை கேட்டு அதிர்ந்து விட்டேன்.

உடனே சகோதரர் ஒருவர் ஆறுமுகநேரி யில் உள்ள ஒரு டிரைவருக்கு போன் அடித்தார், வந்தார், அழைத்து சென்றார், மாலையில் திரும்பி அழைத்து வந்தார். கூடவே மணப்பாடு கடற்கரைக்கும் அழைத்து சென்றார். இவர் கேட்ட வாடகையை கேட்டு மீண்டும் அதிர்ந்து விட்டேன். அவ்வளவு குறைந்த வாடகையை கேட்டார்.

பலமுறை நம்மவர்கள், அருகில் இருக்கும் ஊரில் உள்ள வாகனங்களையே வாடகைக்கு பயன்படுத்தி வருவதை அவதானித்து வந்துள்ளேன். விபரம் கேட்டால் முதலில் கூறுவது வாடகை அதிகம், அடுத்து மருத்துவமனை போன்ற இடங்களுக்கு சென்று கூடுதல் நேரம் ஆகிவிட்டால், ஓட்டுனர்கள் காட்டும் அவசரமும், தடித்த வார்த்தைகளும் அடுத்த காரணம்.( நல்ல ஓட்டுநர்களும் உள்ளார்கள்).

வாடகையில் ஏன் இவ்வளவு வித்தியாசம்..?

நம் ஊரில் இவ்வளவு வண்டிகள் இருந்தும் மக்கள் ஏன் வெளியூர் வண்டியை நாடுகிறார்கள்..?

ஏன் சொந்த உபயோக வண்டியை நாடுகிறார்கள்.?

இதற்கு விடை அறிந்து, அதை திருத்திக் கொள்ள முயலுங்க சகோதரர்களே..!!

இந்த ஆட்டோ வாடகை கொள்ளையை எழுத ஒரு கட்டுரையே தேவைப்படும். இவர்களுக்கு மணி கட்ட யார் வரப்போகிறார்களோ..?

ஊரில் உருப்படியாக சேவைகள் செய்து மக்களிடம் நன்மதிப்பை பெற்றுவரும் “நடப்பது என்ன?” சமூக ஊடகக் குழும நண்பர்கள் இதில் கவனம் கொள்ளுவார்களா..?

சாளை எஸ்.ஐ.ஜியாவுத்தீன், அல்கோபர்