{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கியப் பேரவை – ஹாங்காங் அமைப்பின் முன்னாள் ஆலோசனைக் குழு உறுப்பினரும், ஹாங்காங் கவ்லூன் மஸ்ஜித் திருக்குர்ஆன் மக்தப் ஆசிரியரும் – இமாமுமான, ஹாஜியப்பா தைக்கா தெருவைச் சேர்ந்த எஸ்.டி.ஷாஃபிஈ என்ற ஷாஃபி ஹாஜி, 02.08.2017. புதன்கிழமையன்று 23.20 மணியளவில் காலமானார்.

அவரது மறைவை முன்னிட்டு, ஹாங்காங் கவ்லூன் பள்ளியில் 04.08.2017. வெள்ளிக்கிழமையன்று ஜும்ஆ தொழுகைக்குப் பின் இரங்கல் கூட்டம் நடத்தப்பட்டது. இக்கூட்டத்தில், கவ்லூன் பள்ளியில் திருக்குர்ஆன் மக்தபைத் துவக்கி, வாழ்நாளெல்லாம் நடத்தியமை உள்ளிட்ட அன்னாரின் சேவைகளை நினைவுகூர்ந்து - பள்ளியின் தலைமை இமாம் முஃப்தீ முஹம்மத் அர்ஷத் உரையாற்றினார்.

பின்னர் மர்ஹூமுக்காக ஙாயிப் ஜனாஸா தொழுகை நடத்தப்பட்டு, அவரது மண்ணறை – மறுமை நல்வாழ்விற்காக பிரார்த்திக்கப்பட்டது.



அனைத்து நிகழ்ச்சிகளிலும், சமுதாயப் பிரமுகர்கள் உட்பட பெருந்திரளானோர் பங்கேற்றனர்.

தகவல்:
L.A.K.புகாரீ,
(செயற்குழு உறுப்பினர், ஹாங்காங் பேரவை)