{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கத்தால், United Football League (UFL) எனும் தலைப்பில், ஆண்டுதோறும் கால்பந்து சுற்றுப்போட்டிகள் நடத்தப்பட்டு வருகிறது. இதுவரை 4 ஆண்டுகள் தொடர்ச்சியாக இப்போட்டிகள் நடத்தி முடிக்கப்பட்டுள்ளன. நிகழாண்டு United Super Cup கோப்பைக்கான ஜூனியர் பிரிவு United Football League (UFL) கால்பந்துப் போட்டிகள், இம்மாதம் 24ஆம் நாள் துவங்கி, 31ஆம் நாள் வரை நடத்தப்படவுள்ளது.

24.12.2017. அன்று நடைபெற்ற முதல் நாள் போட்டி முடிவுகளின்படி, Gallery Birds அணி வெற்றி பெற்றுள்ளது. இதுகுறித்து, போட்டி ஏற்பாட்டுக் குழுவின் சார்பில் வெளியிடப்பட்டுள்ள செய்தியறிக்கை:-

ஐக்கிய விளையாட்டு சங்கம் நடத்தும் நடத்தும் 5ஆம் ஆண்டு "United Super Cup கோப்பைக்கான" United Football League கால்பந்து போட்டிகள் கடந்த 24/12/2017 அன்று முதல் ஐக்கிய விளையாட்டுச் சங்க மைதானத்தில் நடைபெற்று வருகின்றது.

போட்டி முடிவுகள்:

24.12.2017 ஞாயிற்றுக் கிழமை மாலை 4:30 மணிக்கு நடைபெற்ற போட்டியில், Celtic FC அணியும், Gallery Birds அணியும் விளையாடின. இப்போட்டியில் Gallery Birds அணியினர் 1 - 0 என்ற கோல் கணக்கில் வெற்றிபெற்றனர்.





சிறப்பு விருந்தினர்:

இப்போட்டியில், எமது ஐக்கிய விளையாட்டு சங்கத்தின் மூத்த கால்பந்தாட்ட வீரர் ஜனாப் அன்சாரி அவர்கள் சிறப்பு விருந்தினராகக் கலந்துகொண்டார். அவருக்கு சால்வை அணிவித்து கண்ணியப்படுத்தப்பட்டதோடு, ஆட்ட இடைவேளையின்போது ஈரணி வீரர்களும் அறிமுகம் செய்து வைக்கப்பட்டனர்.



சிறந்த வீரருக்கான பரிசுகள்:

முதல் போட்டியில் Gallery Birds அணியின் வீரர் வஸீம் மற்றும் Celtic FC அணியின் வீரர் அஜ்மல் ஆகியோர் சிறந்த வீரருக்கான பரிசுகளை பெற்றனர். இப்பரிசுகளுக்கான அனுசரனையை Ibra Leathers நிறுவனத்தினர்கள் வழங்குகிறார்கள்.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல் & படங்கள்:
‘கோடாக்கா’ ஃபைஸல்