Kayal on the Web

செய்திகள்

செய்தி எண் (ID #) 20150

#KOTW20150

ஞாயிறு, பிப்ரவரி 4, 2018

6 வயது சிறுமி காலமானார்! அடுத்தடுத்து அனைத்து மக்களையும் இழந்த பெற்றோரால் ஊரே சோகம்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 4025 முறை பார்க்கப்பட்டுள்ளது | வாசகர் கருத்துக்கள் காண (7) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 3)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தில் 6 வயது சிறுமி நேற்று காலமானார். அடுத்தடுத்து அனைத்து மக்களையும் இழந்த பெற்றோரால் ஊரே சோகத்தில் ஆழ்ந்துள்ளது. விரிவான விபரம்:-

கோயமுத்தூரைச் சேர்ந்த ஸைஃபுல்லாஹ் - மர்யம் ஆகியோர் இஸ்லாம் மார்க்கத்தைத் தம் வாழ்வியலாக்கிக் கொண்டவர்கள். சுமார் 15 ஆண்டுகளுக்கு முன், காயல்பட்டினம் ஆயிஷா சித்தீக்கா மகளிர் இஸ்லாமிய கல்லூரியில் இவர்களுக்குத் திருமணம் நடைபெற்றது. ஏற்கனவே திருமணமான மர்யமுக்கு சுலைமான், யூஸுஃப் ஆகிய 2 மகன்கள் இருந்தனர். 7 ஆண்டுகளுக்கு முன் - அடுத்தடுத்த ஆறு மாதங்களில் அவ்விருவரும் நீரில் மூழ்கி இறந்துவிட்டனர்.

இந்நிலையில், ஸைஃபுல்லாஹ் - மர்யம் தம்பதிக்கு அடுத்த ஆறு மாதங்களில் ஸமீஹா என்ற பெண் குழந்தை பிறந்தது. 6 வயதான இச்சிறுமிக்கு, கடந்த சில நாட்களுக்கு முன் ஏற்பட்ட சுகவீனத்திற்காக தனியார் மருத்துவமனையில் சிகிச்சையளிக்கப்பட்ட நிலையில், சிகிச்சை பலனின்றி நேற்று 05:30 மணிக்குக் காலமானார்.

நேற்றிரவு இஷா தொழுகைக்குப் பின், அவரது ஜனாஸா - காயல்பட்டினம் காட்டுத் தைக்கா அரூஸிய்யா பள்ளி மையவாடியில் நல்லடக்கம் செய்யப்பட்டது. தொழுகையிலும், நல்லடக்கத்திலும் நகரின் அனைத்துப் பகுதிகளைச் சேர்ந்த பொதுமக்கள் பெருந்திரளாகக் கலந்துகொண்டனர்.

தொழுகை நிறைவுற்றதும் - சிறுமியின் தந்தை ஸைஃபுல்லாஹ் உருக்கமாக உரையாற்றினார். தமிழகத்தின் பல பகுதிகளுக்கும் சென்று தான் நல்லொழுக்க உரைகளாற்றி வருவதாகக் கூறிய அவர், இவ்வாறான தருணங்களில் பொறுமையைக் கைக்கொள்வதற்குப் பொதுமக்கள் ஆயத்தமாக இருக்க வேண்டும் என்றெண்ணியதன் காரணமாகவே - தானாக முன்வந்து உரையாற்றுவதாக அவர் கூறினார். தமக்காக அனைவரும் இறைவனிடம் பிரார்த்திக்குமாறு உரையின் நிறைவில் அவர் கேட்டுக்கொண்டார்.

அடுத்தடுத்து அனைத்து மக்களையும் இழந்துள்ள பெற்றோரைப் பார்த்து ஊரே சோகத்தில் ஆழ்ந்துள்ளது.

{TAGS} wafat death obit obituary k.saifullah same email aroosiyya palli

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:..மரணம்_தரும்_படிப்பினை-சிந்தனை அரும்புகள்.
posted by A.R.Refaye (Abudhabi) [04 February 2018]
IP: 83.*.*.*

United Arab Emirates | Comment Reference Number: 45996

சிந்தனை அரும்புகள்.....

#மரணம்_தரும்_படிப்பினை.. .

நேற்றைய தினம் ஒரு பச்சிளம் குருத்து மரணத்தைத் தழுவிக் கொண்டது.

இன்னா லில்லாஹி வஇன்னா இலைஹிராஜிவூன்.

அந்த குழந்தையின் புகைப்படத்தைப் பார்த்து உருகாத நெஞ்சம் கிடையாது.ஏற்கனவே இரு மகன்களைபறி கொடுத்த நிலையில், இப்போது அறிவும், அழகும் நிறைந்த ஆறு வயது மகளையும் பறி கொடுத்து பரிதவித்து நிற்கின்றனர் அந்த பெற்றோர்கள்.

ஆயினும்அல்லாஹ்வின் நாட்டம் என்பதை புரிந்து, பொறுமையைக் கைகொண்டு, அந்த பிள்ளையின் தந்தையே ஜனாஸா தொழுகையும் நடத்தி, பயானும் தந்தது,வந்தவர்களின் நெஞ்சத்தைக் குலுங்கச்செய்தது என்றால் அது மிகையில்லை.

அவர் புனித தீனை புதிதாய் ஏற்று வந்தவர் என்று சொல்லப்பட்டது..

அவரது ஈமானையும், தக்வாவையும், அவரது பொறுமையையும் பார்த்தபோது, ஓ.... #நாங்கள்_பரம்பரை_முஸ்லிம்கள் என்று சொல்லி பெருமையடித்துத் திரிபவர்கள் வெட்கப்பட வேண்டும்.

வசதி படைத்தவர் மரணித்தால் உடனே ஓடிச் சென்று தன் வருகையைப் பதிவு செய்யும் இந்த சமூகம்,வறியோரின் வீட்டு மரணத்தை கண்டு கொள்ளாததை பல இடங்களில் நாம் பார்க்கிறோம். அந்த அளவுக்கு, நம் இதயம் பெருமையில் மூழ்கிக் கிடப்பதை, யாரும் மறுக்கவோ மறைக்கவோ முடியாது.

திரளான மக்கள் ஜனாஸாவுக்கு வந்திருந்தபோதிலும், எந்த ஜனாஸாவிலும் கலந்து கொள்ளாமல் இருக்கக்கூடியவர்களும் நம்மில் இல்லாமல் இல்லை. இப்படிப்பட்டவர்கள்,.

நாம் இப்படி எந்த ஒரு மைய்யத்திலும் கலந்து கொள்ளாமல், ஜனாஸா தொழுகை தொழாமல், அந்த மைய்யத்தின் மண்ணறை மற்றும் மறுமை வாழ்விற்காக, அவரின் மண்ணறையின் முன்னின்று இறையிடம் துஆ செய்யாமல் இருக்கிறோமே... நம்மைப் போலவே பிறரும் இருந்து விட்டால்..? அப்படியானால் நாம் மரணித்தப் பின்பு, நம்மை தூக்கிச் செல்ல, நமக்காக ஜனாஸா தொழ, நமக்காக பிரார்த்திக்க யார் வருவார்கள்? என்று ஒரு நிமிட நேரம் சிந்திப்பார்களேயானால்?...

எந்தவொரு ஜனாஸாவையும் தவற விட மாட்டார்கள்.

அன்பானவர்களே... அந்த சிறுமியின் மரணம் நமக்குத் தருகின்ற பாடம் என்ன.? மரணம் என்பது வயது வித்தியாசமின்றி யாவரையும் பீடிக்கும் என்பதுதானே....?

டெங்கும், காச நோயும், தொண்டை_அடைப்பான் நோயும் உலா வந்துகொண்டிருக்கும் இந்நேரத்தில்,உள்ளூர் வெளியூர் மருத்துவமனைகளில் நம் மக்கள் சிகிச்சைப்பெற்று வரும் நிலையில் நமது தொண்டை எப்போது அடைக்கும் என்பது யாருக்குத் தெரியும்....?

ஆகவே..நிலையில்லாத இந்த அற்பஉலக வாழ்வின் மாயைகளில் நீங்குவோம்.

வல்லவன் அல்லாஹ்வை அனுதினமும் தொழுது, அவனருள் விழைவோம்.

இறைவா! உன்னிடம் அழைத்துக்கொண்ட அந்த குழந்தையின் மறுமை

வாழ்வை சிறப்பாக்கி வைப்பாயாக. ஜன்னத்துல் பிர்தவ்ஸ் எனும் உனது உயர்வான சுவனத்தில் புகச் செய்வாயாக. பெற்றோருக்காக இறையிடம் துஆ செய்யும் பாக்கியத்தை அந்த குழந்தைக்கு நீ கொடுப்பாயாக.

நன்றி!

ஏ.ஆா்.தாஹா(ART)
03-02-2018