{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஜ்லிஸுல் புகாரிஷ் ஷரீஃபின் 92ஆம் ஆண்டு நிகழ்ச்சிகள், 07.03.2019. வியாழக்கிழமை 19.00 மணிக்கு திக்ர் மஜ்லிஸுடன் துவங்கியது.

ரஜப் மாதம் முழுவதும் ஒவ்வொரு நாளும் அதிகாலையில் ஸஹீஹுல் புகாரீ கிரந்தத்திலிருந்து நபிமொழிகள் ஓதப்பட்டு, காலை 09.15 மணியளவில் அன்றைய நாளில் ஓதப்பட்ட நபிமொழிகளுக்கு மார்க்க அறிஞர்களால் விளக்கவுரை வழங்கப்படுவது வழமை.

ஏப்ரல் 02 அன்று இருபத்து ஐந்தாம் நாளில், ஓதப்பட்ட நபிமொழிகளுக்கான விளக்கவுரையை, காயல்பட்டினம் ஹாஃபிழ் அமீர் அப்பா தைக்கா பள்ளியின் இமாம் மவ்லவீ ஹாஃபிழ் கே.ஏ.ஜாஸிர் மஹ்ழரீ வழங்கினார்.

அண்ணலார் கற்றுத் தந்த நற்பண்புகள் எனும் தலைப்பில் அவரது உரை அமைந்திருந்தது.

அந்நாள் இமாம் முஸ்லிம் ரஹ்மத்துல்லாஹி அலைஹி அவர்களின் நினைவு நாள் என்பதை முன்னிட்டு, அவர்களது வாழ்க்கைச் சரித உரையை, இராணிப்பேட்டை காவா மஸ்ஜித் இமாம் மவ்லவீ ஹாஃபிழ் எம்.ஏ.அப்துல்லாஹ் முஹம்மத் லெப்பை மிஸ்பாஹீ வழங்கினார்.

ரஜப் 26ஆம் நாள் (ஏப்ரல் 03) ஓதப்படும் நபிமொழிகளுக்கான விளக்கவுரையை, ‘அல்அஸ்ரார்’ மாத இதழின் ஆசிரியர் மவ்லவீ ஹாஃபிழ் டீ.எஸ்.ஏ.செய்யித் அபூதாஹிர் மஹ்ழரீ ஃபாழில் ஜமாலீ வழங்குகிறார்.

ஒவ்வொரு நாளும் நடைபெறும் சொற்பொழிவு நிகழ்ச்சிகள், http://www.bukhari-shareef.com/eng/live/ என்ற இணையதள பக்கத்தில் ஒலி நேரலை செய்யப்படுகிறது.