{ முகநூல் கருத்துக்கள்}{ட்விட்டர் கருத்துக்கள்}

தாய்லாந்து நாட்டில் 19.08.2012 அன்று ஈதுல் ஃபித்ர் - நோன்புப் பெருநாள் கொண்டாடப்பட்டது. நோன்புப் பெருநாளை முன்னிட்டு, 18.08.2012 அன்று இரவு 08.30 மணிக்கு தாய்லாந்து தலைநகர் பாங்காக்கிலுள்ள ப்ரில்லியண்ட் ஜெம்ஸ் இன்டர்நேஷனல் கம்பெனி லிமிட்டெட் நிறுவன இல்லத்தில் திக்ர் மஜ்லிஸ் நடைபெற்றது.



பெருநாள் தினமான இன்று காலை 09.15 மணிக்கு, பாங்காக் மஸ்ஜிதில் நோன்புப் பெருநாள் தொழுகை கூட்டாக நடத்தப்பட்டது. சுமார் 1500 ஆண்-பெண்கள் இத்தொழுகையில் கலந்துகொண்டனர். தொழுகை நிறைவுற்றதும் காயலர்கள் உட்பட தமிழகத்தின் அனைத்துப் பகுதிகளைச் சார்ந்த பொதுமக்கள் ஒன்றுகூடி தமக்கிடையில் மகிழ்ச்சியைப் பரிமாறிக்கொண்டனர். பின்னர். காயலர்கள் ஒன்றுகூடி தமக்கிடையில் வாழ்த்துக்களைப் பரிமாறிக்கொண்டனர். பாங்காக் தமிழ் முஸ்லிம் சங்க அங்கத்தினரும் இந்த ஒன்றுகூடலில் இணைந்து வாழ்த்துக்களைத் தெரிவித்தனர்.





















அனைவருக்கும் பாங்காக் தமிழ் முஸ்லிம் சங்கத்தின் சார்பில் பெருநாள் விருந்துபசரிப்பு செய்யப்பட்டது.

உலக காயலர்கள் அனைவருக்கும் நோன்புப் பெருநாள் வாழ்த்துக்களைத் தெரிவித்துக் கொள்வதாக தாய்லாந்து காயல் நல மன்றம் மற்றும் பாங்காக் தமிழ் முஸ்லிம் சங்கம் தெரிவித்துள்ளது.

தகவல் & படங்கள்:
கம்பல்பக்ஷ் அஹ்மத் இர்ஃபான்
பாங்காக், தாய்லாந்து.