Kayal on the Web

செய்திகள்

செய்தி எண் (ID #) 9202

#KOTW9202

சனி, செப்டம்பர் 22, 2012

வாழ்நாள் சாதனையாளர் விருது பெற்ற டாக்டர் முஹம்மது தம்பி - வாழ்த்துக்கள் தெரிவித்தவர்களுக்கு நன்றி தெரிவித்து அறிக்கை!

செய்தி: காயல்பட்டணம்.காம்
இந்த பக்கம் 3663 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

ஒவ்வொரு ஆண்டும் - தமிழ்நாடு டாக்டர் எம்.ஜி.ஆர். மருத்துவ பல்கலைக்கழகம் - ஆசிரியர் தினமான செப்டம்பர் 5 அன்று - சிறந்த மருத்துவர், சிறந்த ஆசிரியர் மற்றும் வாழ்நாள் சாதனையாளர் என மூன்று விருதுகளை வழங்கி வருகிறது. இவ்வாண்டு வாழ்நாள் சாதனையாளர் (LIFETIME ACHIEVEMENT AWARD) விருதினை பெற திருநெல்வேலியில் பணியாற்றி வரும் காயல் பூர்விக குழந்தைகள் மருத்துவர் டாக்டர் முஹம்மது தம்பி M.B., M.D. (Paed.), DCH தேர்வு செய்யப்பட்டார். இந்த விருது செப்டம்பர் 5 அன்று காலையில் ௦ பல்கலைக்கழக வளாகத்தில் நடந்த நிகழ்ச்சியில் வழங்கப்பட்டது.

இந்த விருதினை தொடர்ந்து இணையதளங்கள் மூலம் வாழ்த்துக்கள் தெரிவித்த மக்களுக்கும், காயல் நல மன்றங்களுக்கும் தனது நன்றியினை டாக்டர் தம்பி தெரிவித்துள்ளார். இது குறித்து அவர் வெளியிட்டுள்ள அறிக்கை வருமாறு:

அனைத்துப் புகழும் அகிலங்களைப் படைத்தாளும் வல்லிறையேகன் அல்லாஹ் ஒருவனுக்கே உரித்தாகுக!

ஸலவாத்தும், ஸலாமும் நம் உயிரினுமினிய உத்தம தூதர் ஸல்லல்லாஹு அலைஹி வஸல்லம் அவர்கள் மீதும், அவர்களின் வழி பேணும் அனைவர் மீதும் உண்டாவதாக.

அன்புடையீர், அஸ்ஸலாமு அலைக்கும் வரஹ்மத்துல்லாஹி வபரக்காதுஹ்... பெருங்கொடையாளன் அல்லாஹ்வின் பேரருளால், சென்னை எம்.ஜி.ஆர். பல்கலைக் கழகத்தின் சார்பில் இவ்வாண்டு எனக்கு “வாழ்நாள் சாதனையாளர்” விருது வழங்கப்பட்டுள்ளது – எல்லாப் புகழும் அல்லாஹ்வுக்கே – அல்ஹம்துலில்லாஹ்!

நான் விருது பெற்ற நிகழ்வை செய்தியாக வெளியிட்டு, பொதுமக்களுக்கு தெரியப்படுத்திய பத்திரிக்கை மற்றும் இணையதளங்களின் கண்ணியத்திற்குரிய நிர்வாகிகளுக்கும், அச்செய்திகளைப் பார்த்தறிந்துகொண்டு, எனக்கு நேரிலும் – தொலைபேசியிலும் – மின்னஞ்சல் மூலமும் – இணையதள செய்திகளின் கருத்துப் பகுதியிலும் வாழ்த்தி துஆ செய்த காயல்பட்டினத்தைச் சேர்ந்த அனைத்து நல்லுள்ளங்களுக்கும், இதர பகுதிகளைச் சேர்ந்த என் நலன் விரும்பிகளுக்கும் என் நெஞ்சார்ந்த நன்றியைத் தெரிவித்து மகிழ்கிறேன்.

குறிப்பாக, நான் இவ்விருதைப் பெற்றதற்காக என்னை வாழ்த்தி துஆ செய்து தீர்மானங்கள் நிறைவேற்றிய உள்நாட்டு - வெளிநாட்டு காயல் நல மன்றத்தின் நிர்வாகிகள் – உறுப்பினர்கள் உள்ளிட்ட அனைத்து அங்கத்தினருக்கும் எனது மனமார்ந்த நன்றியைத் தெரிவித்துக் கொள்கிறேன்.

நான் இவ்விருதைப் பெற்றபோது அடைந்த மகிழ்ச்சியை விட, உங்கள் யாவரின் மேலான துஆக்களையும், வாழ்த்துக்களையும் கண்டுதான் கூடுதலாக மகிழ்ச்சியடைந்துள்ளேன். எனது மருத்துவ சேவையை இன்னும் சிறப்புற செய்திட இந்த வாழ்த்துக்களும், துஆக்களும் எனக்கு பெரும் தூண்டுகோலாகிவிட்டது என்று சொன்னால் அது மிகையாகாது.

தங்கள் யாவருக்கும் எனது நெஞ்சம் நிறைந்த நன்றியை மீண்டும் தெரிவித்து நிறைவு செய்கிறேன் – ஜஸாக்குமுல்லாஹு ஃகைரா

இவ்வாறு அவ்வறிக்கையில் தெரிவிக்கப்பட்டுள்ளது.

தகவல்:
ஹாஃபிழ் V.M.T.முஹம்மத் ஹஸன்

{TAGS} dr.thamby thambi doctor thamby doctor lifetime achievement award medicine

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. வாழ்நாள் சாதனையாளர்
posted by DR D MOHAMED KIZHAR (chennai) [22 September 2012]
IP: 117.*.*.*

India | Comment Reference Number: 22384

வாழ் நாள் சாதனையாளர்.. மிக பொருத்தமான, விருது தம்பி மாமாக்கு. நான் குழந்தைகள் நல மருத்துவத்தை தேர்ந்து எடுக்க , எனக்கு அதிகம் தூண்டுகோலாக இருந்தவர்,..என் மருத்துவகல்லூரி நாட்களில், தம்பி டாக்டரின் கையால் , தப்பு பண்ணி குட்டு பட்டாலும், அதை மோதிரகையால் பட்ட குட்டாக எடுத்துக்கொண்ட விளைவு தான், என் இன்றைய நிலைக்கு காரணம்..

நான் ஹவுஸ் surgeon பண்ணும் போதே, மாலை நேரங்களை, பணியை முடித்து விட்டு, தம்பி டாக்டர் கிளினிக் சென்று, அவர் சொல்வதை நோயாளிகளின் prescription pad இல்அப்படியே எழுதி நான் கற்று கொண்ட வித்தைகள் ஏராளம்.

நான் நல்ல படிக்கும் போது என்னை தட்டி கொடுத்தவர் , தவறும் போது குட்டிகொடுத்தும் , என்னை குழந்தைகள் நல பிரிவில், ஒரு மருத்துவராக வர பெரிதும் தூண்டியவர்..

நான் DCH முதல் வருடம் முடிவில் , எனக்கு இன்னொரு டிகிரி course படிக்கும் வாய்ப்பு கிடைத்த போது (நான் இது படிக்கவா அல்லது அது படிக்கவா என்று குழம்பி ரிக்கும் போது ) எனக்கு சரியாக வழி காட்டி, DCH தொடர்ந்து படித்து முடி, பிரகாசமான எதிர்காலம் உள்ளது என்று வழிகாட்டிய நல்லவர்..

நானுன் தம்பி டாக்டரும் இணைந்து எழுதிய புத்தகம் அண்மையில் வெளி வந்தபோது, இவ்வளவு பெரிய மனிதருடன் சேர்ந்து எழுத வாய்ப்பு கிடைத்ததற்கு மிகவும் பெருமை பட்டேன்.. இவை எல்லாவற்றுக்கும் மேலாக, என் கல்லூரி காலங்களில், நான் விடுதியில் இருந்தாலும், தம்பி டாக்டர் வீட்டில் மிக ஹோம்லியாக இருந்தது..

திருமதி நாட்சி தம்பி அவர்களின் கையால் சமைத்து ருசி மிகு உணவு உண்டது, நோன்பு காலங்களில் நோன்பு திறக்கவும் , சஹருக்கும் எனக்கு உணவு கொடுத்தது இன்னும் எனக்கு மறக்காத நிழலாக உள்ளது.. சாப்பிடும் போது அதிலும் ஒழுக்கத்தை சொல்லி தந்தவர்..ஆக வாழ் நாள் சாதனையாளர்.. என் வாழ் நாளிலும் சாதனை பண்ணி உதவிய மாமா. இன்னும் பல்லாண்டு சர்வ சுகத்துடம் வாழ்ந்து மக்கள் பணியாற்ற எல்ல வல்ல இறைவனை இறைஞ்சுகிறேன் ஆமீன்..

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...மண்ணின் மைந்தன்
posted by mackie noohuthambi (kayalpatnam) [23 September 2012]
IP: 117.*.*.*

India | Comment Reference Number: 22387

இந்த மண்ணின் மைந்தனுக்கு காயல்பட்டினம் மக்களின் சார்பாக ஒரு பாராட்டு விழா நடத்த வேண்டும் என்று K M T .தலைவர் டாக்டர் அஷ்ரப் அவர்களுக்கு வேண்டுகோள் விடுத்தேன்.அவர்கள் இந்த இணைய தளத்தில் வரும் கருத்துக்களை பார்த்தார்களோ என்னவோ, ஊரில் உள்ள நிர்வாகிகள் பார்க்க தவறி இருக்க மாட்டார்கள். ஏன் சுணங்குகிறது என்று தெரியவில்லை. பொது நல அமைப்புகளாவது அல்லது இக்ரா கல்வி சங்கமாவது இதில் அக்கறை கொண்டு ஆவன செய்யுங்கள். தம்பி ஸாலிஹ் இதற்கு முயற்சி செய்யலாமே?

என்றும் ஒன்றே செய்தல் வேண்டும், ஒன்றும் நன்றே செய்தல் வேண்டும். நன்றும் இன்றே செய்தல் வேண்டும் இன்றும் இன்னே செய்தல் வேண்டும்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by T.M.R. MARZOOK (KAYALPATNAM) [23 September 2012]
IP: 117.*.*.*

India | Comment Reference Number: 22389

DR தம்பி அவர்களுக்கு என் நல்வாழ்த்துக்கள் மருத்துவ சேவையில் தொடந்து சேவை நீடிக்கட்டும் அல்லாஹு அருள்புரிவானாக ஆமீன்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...
posted by Peena Abdul Rasheed (Riyadh) [24 September 2012]
IP: 81.*.*.*

Saudi Arabia | Comment Reference Number: 22398

அன்பு Dr. தம்பி அவர்களின் தனிப்பட்ட முறையில் எனக்கு அவர்கள் செய்த உதவி மறக்க முடியாதது. என் மகன் சிறு வயதில் உடம்பு சரில்லாமல் பல மாதம் கஷ்டப்பட்டான் மனதளளவில் நானும் என் மனைவி, குடும்பத்ர்கள் கஷ்டப்பட்டும் Dr.தம்பி அவர்களை கண்டு விஷயத்தை சொன்னோம் எந்த மருத்தவமனை எந்த Dr. என்று கூறினோம் உடன் அந்த டாக்டரை தொடர்பு கொண்டு பேசி உடன் அந்த மருதுவமனை வரும் படி சொல்லி எங்களுடன் வந்து இருவரும் பேசி கொண்டார்கள் பின்பு இவர்கள் இந்த ஊசி போடுங்கள் இந்த மாத்திரை கொடுங்கள் என்று சொல்லி இறைவன் கிருபையால் நன்றாக இருக்கிறான். அவர்கள் செய்த உதவி எனக்கு மறக்க முடியுமா? இது நடந்து 25 வருசமாகி விட்டது விருது லேட்டாக கிடைத்தாலும் இறைவனிடம் அப்பொழுது என்போன்றவர்கள் துஆ கிடைத்துவிட்டது அவர்களுக்கு அல்லாஹ் அவர்கள் வாழ் நாட்க்களை நீடித்து நமது ஊரில் KMT யில் வந்து நமது ஊருக்கு சேவை புரிய வல்ல இறைவன் அருள்புரிவான் அமீன்.

உங்களை என்றும் மறவா
பீனா அப்துல்றஷீத்
பதாஹ் ரியாத்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்