காயல்பட்டினம் தைக்கா தெருவிலுள்ள மஹான் ஸாஹிப் அப்பா தைக்காவில் அடங்கியிருக்கும் - அன்னாரின் தந்தை மஹான் உமர் வலிய்யுல்லாஹ் அவர்களின் 216ஆம் ஆண்டு கந்தூரி விழா 30.09.2012 ஞாயிற்றுக்கிழமை நடைபெற்றது.

துல்கஃதா மாதம் பிறை 01 அன்று கொடியேற்றப்பட்டது. பிறை 01 முதல் 13 வரை தினமும் ஃபஜ்ர் தொழுகைக்குப் பின் கத்முல் குர்ஆன் ஓதி தமாம் செய்யப்பட்டது.

பிறை 12, காலை 09.30 மணி முதல் நண்பகல் 12.00 மணி வரையிலும், பிறை 13 (30.09.2012) அஸ்ர் தொழுகைக்குப் பின்பும் மவ்லித் மஜ்லிஸ் நடைபெற்றது.

பிறை 13 அன்று மஃரிப் தொழுகைக்குப் பின் ராத்திப் மஜ்லிஸும், இஷா தொழுகைக்குப் பின் சன்மார்க்க சொற்பொழிவும் நடைபெற்றது. காயல்பட்டினம் முஹ்யித்தீன் பள்ளியின் இமாம் மவ்லவீ ஏ.கே.அபூ மன்ஸூர் மஹ்ழரீ சன்மார்க்க சொற்பொழிவாற்றினார். இந்நிகழ்வில், நகரின் பல்வேறு பகுதிகளைச் சேர்ந்த பொதுமக்கள் திரளாகக் கலந்துகொண்டனர்.







முன்னதாக, 29.09.2012 அன்று ஊர்வலம் நடைபெற்றது. அலங்கரிக்கப்பட்ட குழந்தைகள் ஏற்றப்பட்ட யானை, பல்லக்குகள் அடங்கிய இந்த ஊர்வலம் தஃப்ஸ் முழங்க, நகரின் முக்கிய தெருக்களின் வழியாக தைக்கா வளாகத்திற்குள் சென்றது.





ஊர்வல ஏற்பாடுகளை காயல்பட்டணம் முஹ்யித்தீன் மாணவர் மன்றத்தினர் செய்திருந்தனர்.

தகவல் & படங்கள்:
ஹாஜி M.W.ஹாமித் ரிஃபாய்
மற்றும்
‘முத்துச்சுடர்’ S.M.S.நூஹுத்தம்பி