Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
7:26:01 PM
திங்கள் | 18 நவம்பர் 2019 | துல்ஹஜ் 109, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:5512:0715:2918:0019:14
Sunrise/Sunset timing for Kayalpatnamஉதயம்06:11Moonrise/Moonset timing for Kayalpatnamஉதயம்23:13
மறைவு17:54மறைவு11:11
Morning Twilight
வானியல்கடல்சமூகம்
04:5805:2305:49
உச்சி
12:02
Evening Twilight
சமூகம்கடல்வானியல்
18:1618:4219:07
Go to Homepage
செய்திகள்
Previous News ItemNext News Item
செய்தி எண் (ID #) 10086
#KOTW10086
Increase Font Size Decrease Font Size
வியாழன், ஐனவரி 31, 2013
நகராட்சி சாலை பணிகள்: மண் யாருக்கு சொந்தம்?
செய்திகாயல்பட்டணம்.காம்
இந்த பக்கம் 3155 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சியில் - நகராட்சியின் பொது நிதி, அரசின் IUDM திட்ட நிதி மற்றும் சட்டமன்ற உறுப்பினர் தொகுதி நிதி ஆகியவை மூலம் சுமார் 1.61 கோடி ரூபாய் மதிப்பீட்டில் 15 சாலைப் பணிகளும், 3 மழை நீர் வடிகால் பணிகளும் நடைபெற்று வருகின்றன. 15 சாலை பணிகளில் IUDM திட்டத்திலான 2 சாலை பணிகள் (ஆசாத் தெரு, நெய்னார் தெரு) மற்றும் சட்டமன்ற உறுப்பினர் தொகுதி நிதி மூலமான சாலைப்பணி (அப்பாபள்ளி தெரு) ஆகியவை - அச்சாலைகள் தோண்டப்பட்ட பின்னரே நடைபெறவேண்டும்.

தற்போது நிறைவேற்றப்படும் அனைத்து பணிகளுக்கான டெண்டர் விடப்பட்டபோது, ஒப்பந்தகாரர்களுக்கு அது குறித்த விதிமுறைகளும் வழங்கப்பட்டிருந்தன. அந்த விதிமுறைகள் - Indian Road Congress (IRC) அமைப்பின் விதிமுறைகளாகும். அந்த விதிமுறைகள் - புதிய சாலை அமைக்க, பயன்பாட்டில் இருக்கும் சாலையை தோண்ட வேண்டும் என்றால் எந்த அளவு தோண்ட வேண்டும், தோண்டிய பின் அடுக்கடுக்காக எந்த வித பொருட்கள், எந்த அளவுக்கு பரத்தப்பட வேண்டும் என்பன போன்ற தகவல்களை வழங்குகிறது.

விதிமுறைகளில் குறிப்பிடப்பட்ட அளவிற்கு தோண்டினால்தான், தோண்டிய பின் பரத்தப்படும் பொருட்களின் அளவும் சரியான அளவில் அமையும். சாலையும் வலுவாக இருக்கும்.

IUDM திட்டம் மூலமான அனைத்து (10) பணிகள், சட்டமன்ற உறுப்பினர் தொகுதி நிதி மூலமான அப்பாபள்ளி தெரு சாலை பணி, நகராட்சியின் பொது நிதி மூலமான ஈக்கியப்பா தைக்கா தெரு - சிங்கித்துறை சாலை பணி - ஆகியவை, தளவாணிமுத்து என்ற ஒப்பந்ததாரரால் நிறைவேற்றப்படுகின்றன என்பது குறிப்பிடத்தக்கது.

தற்போது காயல்பட்டினத்தில் பணி நடக்கும் மூன்று சாலைகளில் தோண்டப்பட்டுள்ள அளவை காயல்பட்டணம்.காம் இன்று செய்திக்காக சரி பார்த்தது.

அப்பாபள்ளி தெரு (மதிப்பீடு - 9 லட்சம் ரூபாய்)



ஒப்பந்த விதிகள்படி சட்டமன்ற உறுப்பினர் தொகுதி நிதி மூலம் மேற்கொள்ளப்படும் அப்பாபள்ளி தெரு சாலை - 403 மீட்டர் நீளத்திற்கும், 4.2 மீட்டர் அகலத்திற்கும், 45 செ.மீ. (சுமார் 1.5 அடி) ஆழத்திற்கும் தோண்டப்படவேண்டும். சாலைப்பணிகள் 4 மீட்டர் அகலத்திற்கே நடைபெறும்.

இன்று அளவிட்டதில், 45 செ.மீ. அளவிற்கு பதிலாக சுமார் 33 செ.மீ. அளவு ஆழத்திற்கே சாலை தோண்டப்பட்டிருந்ததைக் காண முடிந்தது.





தோண்டப்பட்ட சாலையில் 20 செ.மீ. அளவு சிவப்பு சரள்கள் (Red Gravel), 7.5 செ.மீ. அளவில் இரண்டு அடுக்காக - 15 செ.மீ. அளவிற்கு பாட்டை சரள் (Water Bound Macadam - WBM), அதன் மேல் 10 சதுர மீட்டருக்கு 4 கிலோ கிராம் அளவில் டாக் கோட் பூசுவது, அதன் மேல் 2.5 செ.மீ. அளவு Bituminous Concrete போடுவது. இதுதான் இச்சாலைக்கான விதிமுறை.

அப்பாபள்ளி தெருவைப் பொருத்த வரை, தோண்டப்பட வேண்டிய 45 செ.மீ. அளவை விட குறைவாக 33 செ.மி. அளவே தற்போது சாலை தோண்டப்பட்டுள்ளது. மேலும், அதற்கு மேல் - ஒப்பந்த விதிகள் படி 37.5 செ.மீ. அளவிற்கு பொருட்கள் படர்த்தப்பட வேண்டியுள்ளது. விதிமுறைகள் கூறும் அளவிலிருந்து குறைவாக தோண்டப்பட்டுள்ளது ஒருபுறமிருக்க, இச்சூழலில் - விதிமுறைகளின்படி மீதி பொருட்கள் பரத்தப்படுவது கேள்விக்குறியே.

ஆசாத் தெரு (மதிப்பீடு - 8 லட்சம் ரூபாய்)



ஒப்பந்த விதிகள்படி அரசின் IUDM திட்ட நிதிமூலம் மேற்கொள்ளப்படும் ஆசாத் தெரு சாலை - மொத்தமாக 306 மீட்டர் நீளத்திற்கும், 3.75 மீட்டர் அகலத்திற்கும், 45 செ.மீ. (சுமார் 1.5 அடி) ஆழத்திற்கும் தோண்டப்படவேண்டும்.

இன்று அளவிட்டதில் - 45 செ.மீ. அளவிற்கு பதிலாக சுமார் 30 செ.மீ. அளவு ஆழத்திற்கே சாலை தோண்டப்பட்டிருந்ததைக் காண முடிந்தது.





தோண்டப்பட்ட சாலையில் 10 செ.மீ. அளவு வெள்ளை (கிணற்று) சரள்கள் (White Gravel), 10 செ.மீ. அளவு Granular Sub Base (GSB), 7.5 செ.மீ. அளவில் இரண்டு அடுக்காக - 15 செ.மீ. அளவிற்கு பாட்டை சரள் (Water Bound Macadam - WBM), அதன் மேல் 10 சதுர மீட்டருக்கு 4 கிலோ கிராம் அளவில் டாக் கோட் பூசுவது, அதன் மேல் 2 செ.மீ. அளவு Pre-mix Carpet போடுவது. இதுதான் இச்சாலைக்கான விதிமுறை.

ஆசாத் தெருவைப் பொருத்த வரை, தோண்டப்பட வேண்டிய அளவான 45 செ.மீ. யை விட குறைவாக 30 செ.மீ. அளவே தற்போது சாலை தோண்டப்பட்டுள்ளது. மேலும், அதற்கு மேல் - ஒப்பந்த விதிகள் படி 37 செ.மீ. அளவிற்கு பொருட்கள் படர்த்தப்பட வேண்டியுள்ளது. விதிமுறைகள் கூறும் அளவிலிருந்து குறைவாக தோண்டப்பட்டுள்ளது ஒருபுறமிருக்க, இச்சூழலில் - விதிமுறைகள்படி மீதி பொருட்கள் பரத்தப்படுவது சாத்தியம் குறைவு.

நெய்னார் தெரு (மதிப்பீடு - 12 லட்சம் ரூபாய்)



ஒப்பந்த விதிகள் படி அரசின் IUDM திட்ட நிதி மூலம் மேற்கொள்ளப்படும் நெய்னார் தெரு சாலை - மொத்தமாக 450 மீட்டர் நீளத்திற்கும், 4 மீட்டர் அகலத்திற்கும் , 40 செ.மீ. (சுமார் 1.5 அடி) ஆழத்திற்கும் தோண்டப்படவேண்டும்.

இச்சாலை தோண்டப்பட்டு, ஏற்கனவே சரள்கள் படர்தப்பட்டுள்ளதால், தோண்டப்பட்ட அளவைக் கணக்கிட முடியவில்லை. இருப்பினும், சாலையைத் தோண்டும் பணியைக் கவனித்திருந்த தெருவாசிகள் சிலர், விதிமுறைகள் கூறும் அளவான 40 செ.மீ. அளவிற்கு சாலை தோண்டப்படவில்லை என்று தெரிவித்தனர்.



தோண்டப்பட்ட சாலையில் 10 செ.மீ. அளவு வெள்ளை (கிணற்று) சரள்கள் (White Gravel), 20 செ.மீ. அளவு Granular Sub Base (GSB), 7.5 செ.மீ. அளவில் இரண்டு அடுக்காக - 15 செ.மீ. அளவிற்கு பாட்டை சரள் (Water Bound Macadam - WBM), அதன் மேல் 10 சதுர மீட்டருக்கு 4 கிலோ கிராம் அளவில் டாக் கோட் பூசுவது, அதன் மேல் 2 செ.மீ. அளவு Pre-mix Carpet போடுவது. இதுதான் இச்சாலைக்கான விதிமுறை.

நெய்னார் தெருவைப் பொருத்த வரை, தோண்டப்பட வேண்டிய அளவான 40 செ.மீ. யை விட குறைவாகவே தற்போது சாலை தோண்டப்பட்டுள்ளது என தெரிகிறது. மேலும், அதற்கு மேல் - ஒப்பந்த விதிகள் படி 47 செ.மீ. அளவிற்கு பொருட்கள் படர்த்தப்பட வேண்டியுள்ளது. விதிமுறைகள்படி தோண்டப்பட்டிருந்தாலே - இச்சாலை, தோண்டுவதற்கு முந்தைய உயரத்தை விட 7 செ.மீ. அளவற்கு உயர இருக்கும். ஆகவே விதிமுறைகள்படி மீதி பொருட்கள் பரத்தப்படுவது சாத்தியம் குறைவு.

எந்த தரமான பொருட்கள் பயன்படுத்தப்பட்டு சாலைகள் அமையப்போகிறது என்பது ஒரு மிகப்பெரிய கேள்வி என்றால், மற்றொரு மிகப்பெரிய கேள்வி - சாலைகளைத் தோண்டி எடுக்கப்படும் மண்ணின் நிலை. தோண்டப்படும் மண் யாருக்கு சொந்தம்?

நெய்னார் தெருவில் தோண்டப்பட்டது மூலம் - விதிமுறைகள்படி தோண்டப்பட்டிருந்தால், 720 க்யூபிக் மீட்டர் அளவிற்கு மண் கிடைத்திருக்கும். அது போல, ஆசாத் தெருவில் விதிமுறைகள் படி தோண்டப்பட்டிருந்தால், 517 க்யூபிக் மீட்டர் அளவிற்கு மண் கிடைத்திருக்கும். அப்பாபள்ளி தெரு சாலை பாதி அளவு தோண்டப்பட்டு, பணிகள் தொடரவில்லை. இத்தெருவில் விதிமுறைகள்படி தோண்டினால் - 680 க்யூபிக் மீட்டர் அளவிற்கு மண் கிடைக்கும். ஆக மொத்தம், இந்த அனைத்து சாலைகளையும் தோண்டியதன் மூலம் - 1917 க்யூபிக் மீட்டர் அளவிற்கு மண் கிடைக்கும்.

சந்தையில் பெரும் மதிப்பு கொண்ட இந்த மண், ஒப்பந்த விதிமுறைகள்படி நகராட்சிக்கே சொந்தம் என தெரிகிறது. விதிமுறைகளின் படி - தோண்டப்பட்ட மண் அப்புறப்படுத்தப்பட்டு, நகராட்சியின் 1 கிலோ மீட்டர் தூரம் வரையிலான எல்லைக்குள் ஒப்பந்தக்காரரால் குவிக்கப்படவேண்டும். அதனை நகராட்சி தன தேவைக்கு பயன்படுத்திக்கொள்ளும்.

நகரின் தாழ்வான சில பகுதிகளில், சிறிய அளவு இந்த மண் கொட்டப்பட்டுள்ளதாக தெரிகிறது. ஆனால், நகராட்சிக்கு சொந்தமான - பெருவாரியான அளவிலான மீதி மண்ணின் நிலை என்னவென்று தெளிவான தகவல் இல்லை.

3 சாலைகள் போக - 3 மழை நீர் வடிகால் பணிகள் மூலமும், பெரிய அளவிலான மண் கிடைக்கும் என்பது குறிப்பிடத்தக்கது.


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. நட்ட நடு ரோட்டில் மணல் கொள்ளை...சுட்ட மணல் எங்கே....? சுடு...அண்ணா? சுடு...!
posted by M.N.L.முஹம்மது ரபீக், (காயல்பட்டினம்.) [01 February 2013]
IP: 117.*.*.* India | Comment Reference Number: 25301

ஏதோ வருவாங்க, தோண்டுவாங்க, தார் ஊத்துவாங்க, கல கலன்னு வேளையாட்கள், லொட லொடன்னு ஓடுற மிஷின் சத்தம், சரல்கற்கள்,சல்லிக் கற்கள் அள்ளுறதை மட்டுமே வேடிக்கைப் பார்த்து பழகிப்போன எங்களுக்கு இப்படித்தான் ரோடு போடனும், இன்னதுக்குத்தான் மண்ணை பயன்படுத்தணும்ங்கிறதெல்லாம் தெரியாதுங்க...! இதுக்குத்தான் ஒட்டுமொத்தமாவே மீடியா உள்ளெ வரக்கூடாதுன்னு உஷாரா இருக்காங்களோ?

அநியாயமாக மண்ணைத்(திருடி காசாக்கி) தின்பவர்கள் மண்னைக் கவ்வும் காலம் வெகு தொலைவில் இல்லை! இருட்டில் நடக்கும் அநீதிகளை வெளிச்சத்திற்கு கொண்டு வரும் இத் தளத்திற்கு வாழ்த்துக்கள்.

-ராபியா மணாளன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Re:...கோடு போட்டால் ரோடு போடுவார்கள்
posted by mackie noohuthambi (kayalpatnam) [01 February 2013]
IP: 117.*.*.* India | Comment Reference Number: 25303

ரோடு போடும் வேலை ஒப்பந்தகாரர்கள் வசம் ஒப்படைப்பது யார் அதற்கு பணம் வழங்குவது யார். நமது நகர் மன்றத்தின் பொறுப்புதான் அது என்றால், இந்த ஒப்பந்தப்படி ரோடு போடப்படுகிறதா என்பதை கண்காணிக்கும் பொறுப்பும் நகர்மன்றதை சார்ந்ததுதானே, அதற்காக அதிகாரிகள் நியமிக்கப் பட்டு இருக்கிறார்களா இல்லையா, நமதூர் இணைய தளங்களுக்கு அதை கண்காணிக்கும் பொறுப்பு ஒப்படைக்கப் பட்டுள்ளதா, அல்லது சமூக பணியா?

அந்தந்த தெருவில் ரோடு போடுவதை பொது நல அமைப்புகள் கண்காணிக்க வேண்டும் என்பது உண்மைதான் அது வரவேற்க வேண்டிய ஒன்றுதான். பாவலர் அப்பா ஆட்சி காலத்தில் இப்படி ரோடு போடும்போது எங்களை தூண்டிவிட்டு, அடே. ஒழுங்கா ரோடு போடுறானா என்று பாரு இல்லாவிட்டால் அப்படி செய் இப்படி செய் என்று சொல் என்றெல்லாம் சொல்லித்தருவார்கள். நாங்கள் சங்கத்தில் இருந்து கொண்டு அதை எங்களால் முடிந்த வரை கண்காணிப்போம். இருந்தாலும் கள்ளன் பெரிதா காப்பான் பெரிதா, அவர்கள் இஷ்டப்படிதான் செய்வார்கள். இப்போது இளைஞர்கள் இன்னும் விழிப்புடன் இருக்கிறார்கள். நாம் கோடுபோட்டால் அவர்கள் ரோடு போடுவார்கள் அந்த அளவுக்கு விழிப்புணர்வு உள்ளது. பாராட்ட வேண்டிய விஷயம்.

இருந்தாலும் அவர்கள் குறைகளை சுட்டிக் காட்டினால் ஒப்பந்தக் காரர்கள் அதை திருத்திக் கொள்வார்களா அல்லது நகரமன்ற அதிகாரிகள் சொன்னால் தான் கேட்போம் நீங்கள் சொல்வதை கேட்க மாட்டோம் என்று பதில் சொல்ல மாட்டார்களா? எப்படியோ அடுத்த மழை வருவதற்குள் இந்த ரோடுகள் போட்டு சாலை போக்குவரத்து சீரானால் சரிதான்...


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...எழுத்து பிழை
posted by சாளை பஷீர் (சதுக்கை தெரு , காயல்பட்டினம்) [01 February 2013]
IP: 180.*.*.* India | Comment Reference Number: 25310

படர்த்தப்படும் என்பது தவறு. பரத்தப்படும் என்று இருக்க வேண்டும்.

Administrator: நன்றி. செய்தி திருத்தப்பட்டது


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Cathedral Road LKS Gold ParadiseFathima Jewellers
AKM JewellersFaams

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2019. The Kayal First Trust. All Rights Reserved