Kayal on the Web

செய்திகள்

செய்தி எண் (ID #) 10091

#KOTW10091

வெள்ளி, பிப்ரவரி 1, 2013

அறுப்புக் கட்டண உயர்வைக் கண்டித்து இறைச்சி வணிகர்கள் கடையடைப்பு!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2983 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சி நிர்வாகத்தின் சார்பில் சொந்தமான ஆடு - மாடு அறுப்புத் தொட்டி குத்தகையை யாரும் ஏலம் எடுக்காததால், நகராட்சியின் சார்பிலேயே அறுப்புத் தொட்டி பராமரிக்கப்பட்டு வருவதுடன், ஆடு அறுக்க 5 ரூபாயும், மாடு அறுக்க 6 ரூபாயும் அறுப்புக் கட்டணமாக வசூலிக்கப்பட்டு வருகிறது.

இக்கட்டண வசூல் மூலம் ஒவ்வொரு நாளும் சுமார் 250 ரூபாய் மட்டுமே பெறப்படுவதாகவும், அறுப்புத் தொட்டியை ஆள் வைத்து பராமரிக்கும் செலவைக் கூட இதைக்கொண்டு ஈடு செய்ய இயலாது என்றும் நகராட்சி கருதியது.

அதனையடுத்து, பிப்ரவரி 01ஆம் தேதி முதல் ஆடு அறுக்க 40 ரூபாயும், மாடு அறுக்க 50 ரூபாயும் கட்டணமாக நிர்ணயிக்கப்பட்டு, இக்கட்டண நிர்ணயத்தில் ஆட்சேபணை இருப்பின், 30 நாட்களுக்குள் எழுத்து மூலம் தெரிவிக்குமாறு, 15.12.2012 அன்று நகராட்சி ஆணையர் மூலம் நாளிதழில் அறிவிப்பும் வெளியிடப்பட்டது.

முறைப்படியான ஆட்சேபணை எதுவும் பெறப்படாததையடுத்து, பிப்ரவரி 01ஆம் தேதி (இன்று) முதல் அறுப்புக் கூலி உயர்த்தப்பட்டுள்ளது. இந்த அறிவிப்பு அடங்கிய தகவல் தாள், நகரின் அனைத்து இறைச்சிக் கடைகளின் கதவுகளிலும் நகராட்சியால் ஒட்டப்பட்டுள்ளது.

அறுப்புக் கட்டண உயர்வுக்கு எதிர்ப்பு தெரிவித்து, இன்று காயல்பட்டினத்தில் அனைத்து ஆடு, மாடு இறைச்சிக் கடைகளும் அடைக்கப்பட்டுள்ளது.

கள உதவி & படங்கள்:
ஹிஜாஸ் மைந்தன்

{TAGS} goat beef mutton aadu maadu aruppu thotti dippo depot aadaruppu thotti slaughtering house kadai adaippu kadaiyadaippu shop close

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...விஸ்வரூபமா?
posted by mackie noohuthambi (kayalpatnam) [01 February 2013]
IP: 117.*.*.*

India | Comment Reference Number: 25305

சீப்பை ஒழித்து வைத்தால் திருமணம் நின்று விடுமா நிற்காது. ஆனால் கறிக்கடை திறக்காவிட்டால் பொழுதே போகாது நமக்கு.

இன்று வெள்ளிக் கிழமை. தலைக்கறி. குடல் ஸ்பெஷல் நாள். இப்படி இருக்கும்போது அவர்களுக்கு என்ன, நாளை முதல் கறி விலை கூடும். தடுக்க யார் இருக்கிறார்கள். ஊர் கட்டுப்பாடு என்பதெல்லாம் நமக்கு இல்லை. சுற்றியுள்ள ஊர்களில் ஜாதி சண்டை நடந்தாலும் இந்த விஷயத்தில் ஒன்றாக நிற்பார்கள். கறியே வாங்குவதில்லை என்று தீர்மானம் போடுவார்கள். கறிக் கடைக்காரர்கள் இறங்கி வருவார்கள்.

விஸ்வரூபம் கமல் ஹசன் பேச்சு வார்த்தைக்கு தயார். ஆனால் நமதூர் கறிக் கடைக்காரர்கள்?

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. ச்சே...கறி போச்சே...?
posted by M.N.L.முஹம்மது ரபீக், (காயல்பட்டினம்.) [01 February 2013]
IP: 117.*.*.*

India | Comment Reference Number: 25306

நாலு நாளா உடம்புக்கு முடியாம படுத்துக் கிடந்து இன்னைக்கு தான் குளிச்சு வெளியேறினேன். இதுலெ ஜும்மா நாள் வேறெ! தொழுகை முடிஞ்சு வீட்டுக்கு வரும் போது தெரு முனையிலேயே வாழைக்காய் போட்டு கறி தாளிக்கிற மணம் மூக்கை துளைக்கும். இன்னைக்கு அது...நஹி ஹே!

அடியா ரெண்டு கறிக்கடையும் திறக்கல்லெ... மருமகன் பஜாருக்குப் போனா காய்கறி ஏதாச்சும் வாங்கிட்டு வரச் சொல்லுன்னு மாமனார் சொல்லும் போதே நினச்சேன்....ச்சே....கறி போச்சே...!

-ராபியா மணாளன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...நல்லதா போச்சு..??
posted by M.S.ABDULAZEEZ (GZ, China) [01 February 2013]
IP: 14.*.*.*

China | Comment Reference Number: 25307

அப்ப்பாட...... ரெம்ப சந்தோசம். கரிகடைகாரர்களுக்கு ஒரு வேண்டுகோள் தயவுசெய்து இன்னும் ஒரு வாரம் இல்ல பத்துநாளைக்கு கடையடைப்பு! நடத்துங்க. அப்படியாவது காய்கறி சாப்பிட பழகலாம்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்