{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் அருகே மீனவரை வெட்டிக் கொன்று அவரது உடலை தண்டவாளத்தில் வீசிச் சென்ற மர்ம நபர்களை போலீசார் தேடி வருகின்றனர்.

தூத்துக்குடி மாவட்டம், காயல்பட்டினம் கொம்புத்துறையை சேர்ந்தவர் ஆன்ட்ரூஸ் (55). மீனவரான இவருக்கு மனைவி மற்றும் 2 குழந்தைகள் உள்ளனர். நேற்று காலை கடலுக்கு சென்றார், பின்னர் மாலையில் வீடு திரும்பினார். பின்னர் வீட்டிலிருந்து வெளியே சென்ற அவர் மீண்டும் வீடு திரும்பவில்லை.

இரவு முழுவதும் அவரது உறவினர்கள் தேடிபார்த்துள்ளனர். இந்நிலையில், காயல்பட்டினம் கணேஷ்நகர் அருகே உள்ள ரயில் தண்டவாளத்தில் பிணமாக கிடந்தார். இதுகுறித்து ஆறுமுகநேரி போலீசாருக்கு தகவல் தெரிவிக்கப்பட்டது. இன்ஸ்பெக்டர் பார்த்திபன் மற்றும் போலீசார் சம்பவ இடத்திற்கு விரைந்து சென்று விசாரணை நடத்தினர்.

ஆன்ட்ரூஸ் தலையில் 3 இடங்களில் பலத்த அரிவாள் வெட்டு காயங்கள் இருந்தன. இதனால் அவர் கொலை செய்யப்பட்டது உறுதியானது. அவரது உடல் பிரேத பரிசோதனைக்காக காயல்பட்டினம் அரசு மருத்துவமனைக்கு அனுப்பி வைக்கப்பட்டது. அவர் எதற்காக கொலை செய்யப்பட்டார்? கொலை செய்தவர்கள் யார்? என போலீசார் விசாரணை நடத்தி வருகின்றனர்.

நன்றி:
தூத்துக்குடி ஆன்லைன்