{ முகநூல் கருத்துக்கள்}{ட்விட்டர் கருத்துக்கள்}

நடப்பாண்டு புனித ரமழான் மாதத்தில் கடைசி பத்து நாட்கள் துவங்கியுள்ளதையடுத்து, காயல்பட்டினம் அல்ஜாமிஉல் அஸ்ஹர் ஜும்ஆ மஸ்ஜித், மகுதூம் ஜும்ஆ மஸ்ஜித் ஆகிய பள்ளிகளில் ரமழான் 20ஆம் நாள் முதல் கியாமுல் லைல் - இரவுத் தொழுகை துவங்கப்பட்டுள்ளது. அல்ஜாமிஉல் அஸ்ஹர் ஜும்ஆ மஸ்ஜிதில் நாள்தோறும் இரவு 02.45 மணிக்கு தொழுகை துவங்குகிறது.

மகுதூம் ஜும்ஆ மஸ்ஜிதில் இரவு 11.45 மணிக்கு கியாமுல் லைல் தொழுகை துவங்குகிறது. அங்கு ரமழான் கடைசி பத்து நாட்களில் நடைபெறும் இத்தொழுகையில் திருக்குர்ஆன் முழுவதும் ஒருமுறை ஓதி முடிக்கப்படுவது குறிப்பிடத்தக்கது.

இவ்விரு பள்ளிகள் தவிர, காயல்பட்டினம் தீவுத்தெரு பெண்கள் தைக்கா உள்ளிட்ட சில தைக்காக்களிலும் கியாமுல் லைல் தொழுகை நடத்தப்பட்டு, திருக்குர்ஆன் முழுவதும் ஓதி முடிக்கப்படுகிறது.