{ முகநூல் கருத்துக்கள்}{ட்விட்டர் கருத்துக்கள்}

மதுரை கோட்ட ரெயில்வேக்கு உள்பட்ட பகுதிகளில் ரெயில்வே பாலங்கள் பராமரிப்பு பணிக்காக பாசஞ்சர் ரெயில் சேவை ஞாயிற்றுக்கிழமைகளில் மட்டும் நிறுத்தி வைக்கப்பட்டு உள்ளது.

பாலம் பராமரிப்பு

மதுரை கோட்ட ரெயில்வேக்கு உள்பட்ட மதுரை, திண்டுக்கல், விருதுநகர், நெல்லை, தூத்துக்குடி, செங்கோட்டை, ராமேசுவரம், காரைக்குடி, புதுக்கோட்டை, மானாமதுரை ஆகிய பகுதிகளில் பராமரிப்பு பணிகள் நடக்க உள்ளன. இதற்காக சில பாசஞ்சர் ரெயில்கள் ரத்து செய்யப்பட்டு உள்ளன.

ஏற்கனவே, ரெயில்வே பாலங்கள் பராமரிப்பு பணிக்காக கடந்த ஜூன் மாதம் முதல் ஆகஸ்டு மாதம் வரை ஞாயிற்றுக்கிழமைகளில் 7 பாசஞ்சர் ரெயில்கள் ரத்து செய்யப்பட்டு இருந்தன. தொடர்ந்து தற்போதும், ஞாயிற்றுக்கிழமை முதல் வருகிற மார்ச் மாதம் 9-ந் தேதி வரை ஞாயிற்றுக்கிழமைகளில் மட்டும் சில பாசஞ்சர் ரெயில்களின் சேவை நிறுத்தி வைக்கப்பட்டு உள்ளது.

இது குறித்து மதுரை கோட்ட ரெயில்வே மக்கள் தொடர்பு அலுவலர் வேணுகோபால் வெளியிட்டுள்ள செய்திக்குறிப்பில் கூறியிருப்பதாவது:-

ரெயில்கள் ரத்து

மதுரை கோட்ட ரெயில்வேக்கு உள்பட்ட ரெயில் பாலங்களில் பராமரிப்பு பணிகள் மேற்கொள்ளப்பட உள்ளன. இதற்காக ஞாயிற்றுக்கிழமைகளில் மட்டும் சேவை நிறுத்தி வைக்கப்பட்டுள்ள பாசஞ்சர் ரெயில்களின் விவரம் வருமாறு:-

வ.எண்.56703 திருச்சி-திண்டுக்கல் பாசஞ்சர் ரெயில்
வ.எண்.56704 திண்டுக்கல்-திருச்சி பாசஞ்சர் ரெயில்
வ.எண்.56707 திண்டுக்கல்-மதுரை பாசஞ்சர் ரெயில்
வ.எண்.56708 மதுரை-திண்டுக்கல் பாசஞ்சர் ரெயில்
வ.எண்.56774 திண்டுக்கல்-பழனி பாசஞ்சர் ரெயில்
வ.எண்.56773 பழனி-திண்டுக்கல் பாசஞ்சர் ரெயில்
வ.எண்.56798 செங்கோட்டை-நெல்லை பாசஞ்சர் ரெயில்
வ.எண்.56799 நெல்லை- செங்கோட்டை பாசஞ்சர் ரெயில்
வ.எண்.56828 நெல்லை-தூத்துக்குடி பாசஞ்சர் ரெயில்
வ.எண்.56827 தூத்துக் குடி-நெல்லை பாசஞ்சர் ரெயில்
வ.எண்.56763 நெல்லை-திருச்செந்தூர் பாசஞ்சர் ரெயில்
வ.எண்.56766 திருச்செந்தூர்-நெல்லை பாசஞ்சர் ரெயில்
வ.எண்.56803 நெல்லை-செங்கோட்டை பாசஞ்சர் ரெயில்
வ.எண்.56802 செங்கோட்டை-நெல்லை பாசஞ்சர் ரெயில்
வ.எண்.76830 காரைக் குடி-திருச்சி பாசஞ்சர் ரெயில்
வ.எண்.76807 திருச்சி-மானாமதுரை பாசஞ்சர் ரெயில்
வ.எண்.76808 மானா மதுரை-திருச்சி பாசஞ்சர் ரெயில்

வ.எண்.76831 திருச்சி-காரைக்குடி பாசஞ்சர் ரெயில் மட்டும் சனிக்கிழமைகளில் ரத்து செய்யப்பட்டு உள்ளது.

இவ்வாறு அந்த செய்திக்குறிப்பில் தெரிவிக்கப்பட்டுள்ளது.

தகவல்:
தினத்தந்தி