{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சியையும் உள்ளடக்கிய - நகராட்சி நிர்வாக (திருநெல்வேலி) மண்டலத்தின் இயக்குனர் (REGIONAL DIRECTOR OF MUNICIPAL ADMINISTRATION) T.மோகன், நேற்று (டிசம்பர் 29) இரவு 23.00 மணியளவில், மாரடைப்பால் காலமானார்.

M.Sc. பட்டதாரியான இவர் மார்ச் 14, 1957 அன்று சேலத்தில் பிறந்தார். சின்னமனூர் நகராட்சியின் ஆணையராக பிப்ரவரி 7, 1983 அன்று தன் பணியினை இவர் துவக்கினார்.

2001 ம் ஆண்டு முதல் 2004 வரை இவர் மதுரை மண்டலத்தின் நகராட்சி நிர்வாகத்துறையின் இயக்குனராக இருந்தார். 2004 ம் ஆண்டு முதல் 2006 வரை திருநெல்வேலி மண்டலத்தின் நகராட்சி நிர்வாகத்துறையின் இயக்குனராகவும் இருந்தார். பின்னர் திருநெல்வேலி மாநகராட்சியின் ஆணையராக பதவியேற்ற இவர், மீண்டும் திருநெல்வேலி மண்டலத்தின் நகராட்சி நிர்வாகத்துறையின் இயக்குனராக சில ஆண்டுகளுக்கு முன் நியமிக்கப்பட்டார். மார்ச் 31, 2015 அன்று இவர் பணி ஓய்வு பெற இருந்தார் என்பது குறிப்பிடத்தக்கது.

அவரது உடல், இன்று காலை 10.00 மணியளவில் அவரது சொந்த ஊரான சேலத்திற்குக் கொண்டு செல்லப்படவுள்ளதாக தகவல்கள் தெரிவிக்கின்றன.

[செய்தி திருத்தப்பட்டது @ 1:40 pm / 30-12-2013]