IP: 122.*.*.* India

"குல்லு மன் அலைஹா பான்"...

எல்லோரும் மரணத்தை சுவைக்க கூடியவர்களே... என்ற அல்லாஹுவின் வார்த்தை மிகவும் சரியானதே. சுபுஹானல்லாஹ்.

IP: 92.*.*.* United Arab Emirates

இயற்கை வேளாண் விஞ்ஞானி திரு. நம்மாழ்வார் அவர்களின் மரணம் குறித்த செய்தியை புதியதலைமுறை தொலைக்காட்சியில் பார்த்ததும் பேரதிர்ச்சி அடைந்தேன்.

புதியதலைமுறை தொலைக்காட்சியில் செய்திகளுக்கு இடையே அவரது பதிவுகள் வெளிவரும் சமயமெல்லாம் நான் அவர் கூறுவதை மிக உன்னிப்பாக கவனிப்பேன்.

சகோ. S.K. சாலிஹ் அவர்கள் சமீபத்தில் எழுதிய அனுபவப்பூர்வமான கட்டுரை "கம்பங்கூழும், கரட்டு மேடும்" படித்த மாத்திரத்தில் வரும் விடுமுறையில் நானும் அவர் நடத்தும் 3 நாட்கள் முகாமில் பங்கேற்க வேண்டும் என உளமார விரும்பினேன். அந்தோ அந்த வாய்ப்பு இனி கிடைத்தாலும் இவர் தலைமையில் அது நடைபெறும் வாய்ப்பை இழந்து விட்டதே என்பதை எண்ணி வேதனை அடைகிறது உள்ளம்.

அவர் விட்டுச்சென்ற இயற்கை வேளாண் நற்பணிகள் தொய்வில்லாது தொடர வேண்டும் என்பதே அனைத்து இயற்கை ஆர்வலர்களின் விருப்பமாக இருக்கும் என்றால் அது மிகை அன்று. நம் நாட்டின் விவசாய பூமி அனைத்தும் பாதகர்களால் அதன் மேல் உரங்கள் என்ற போர்வையில் தூவப்படும் விஷங்கள் நீக்கப்பட்டு இயற்கை உரங்களால் மீட்டெடுக்கப்பட வேண்டும் என்ற அவரது விருப்பம் நிறைவேற வேண்டும். அதற்கான பங்களிப்பை ஒவ்வொரு தனி மனிதரும் கொடுத்தே ஆக வேண்டும்.

அவரது இழப்பால் துயருற்றிருக்கும் அவரது குடும்பத்தினர், அவரது மாணாக்கர்கள், நாடெங்கும் உள்ள அவரது அபிமானிகள் அனைவருக்கும் எனது ஆழ்ந்த இரங்கல்களை சமர்பிக்கிறேன்.

IP: 59.*.*.* India

அஸ்ஸலாமு அலைக்கும் (வரஹ்).

சகோதரர்களே!

இயற்கை வேளாண் விஞ்ஞானி நம்மாழ்வார் அவர்கள் மரணம் என்ற செய்தியை அறிந்து மிகவும் கவலை அடைகிறேன்.

பழகுவதற்கு மிகவும் இனிமையானவர். சென்ற நவம்பர் மாதம் 12,13,மற்றும் 14 தேதிகளில் வானகத்தில் நடைபெற்ற 3 நாட்கள் முகாமுக்கு அடியேனும் சென்றிருந்தேன். இயற்கை விவசாயம், இயற்கை உணவு மற்றும் அல்லாது பொது அறிவு சம்பந்தமான பலவற்றையும் அந்த முகாமில் நாங்கள் பெற்றோம்.

இயற்கை வழியில் விவசாயம் செய்ய தன்னலமின்றி பல வகையிலும் நம் மக்களுக்காக பாடுபட்ட அந்த பெரியவர் நம்மை விட்டு மறைந்துவிட்டது இயற்கை விவசாயத்தை, இயற்கையான உணவை நேசிப்பவர்களுக்கெல்லாம் பேரிழப்புதான்.

என்ன செய்வது? பிறந்த ஒவ்வொருவரும் ஒருநாள் மரணத்தை சுவைத்தே ஆக வேண்டும் என்ற இறைவனின் விதியை யாரால்தான் மாற்ற முடியும்? எனவே இறைவனின் கட்டளைக்கு நாம் அனைவரும் தலை சாய்த்து, அந்த பெரியவரின் மரணத்தை பொறுமையுடன் ஏற்றுக்கொள்வோமாக.

அந்த பெரியவரின் நோக்கத்தை ,தியாகத்தை, கடமையை பின்பற்றி இயற்கை விவசாயத்தை மென்மேலும் பெருக உழைப்போமாக. பெரியவர் நம்மாழ்வார் அவர்களுடைய குடும்பத்திற்கும் அவர்களுடைய நண்பர்கள் , சுற்றத்தார்கள் மற்றும் நம் அனைவருக்கும் பொறுமையையும், சகிப்புத்தன்மையையும் தருவதற்கு எல்லாம் வல்ல இறைவன் அருள் செய்வானாக.

IP: 180.*.*.* India

இயற்கையை மிகவும் நேசித்த மனிதர் இயற்கையின் வலிமையான கரங்களுக்குள் சென்று அடைக்கலமாகி விட்டார்.

தான் மிகவும் நேசித்த இயற்கை வேளாண்மை , சூழல் பாதுகாப்பிற்காக தனது அரசு பணியையும் தனது குடும்பத்தினையும் துறந்தவர்.

அவர் நடத்திய கடைசி முகாமில் இரண்டாம் நாள் இரவு நடந்த நீண்ட திண்ணை உரையாடலில் அவரின் குடும்ப வாழ்க்கை துறப்பு பற்றிக் கேட்கும்போது ஒன்றை அடைய ஒன்றை இழந்துதான் ஆக வேண்டும் என்றார்.

மண்ணையும் , நீரையும் , விண்ணையும் நஞ்சாக்கும் கார்ப்பரேட் நிறுவனங்களின் கொடுங்கோன்மைக்கு எதிரான போரில் வெல்ல முடியும் என்பதை நிரூபித்துக் காட்டியவர்.

முகாமின் நடந்த திண்ணை உரையாடலில் அவர் அமர்ந்திருந்த நாற்காலியானது மறு நாள் காலை வெகு நேரம் வரை அதே இடத்தில் வெறுமனே கிடந்தது.

அந்த வெற்று நாற்காலியை பார்க்கும்போது அவர் இல்லாத வானகம் நடுவம் என்பது மனக்கண் முன் வந்து போனது. நேற்றிரவு அது மெய்ப்பிக்கப்பட்டும் விட்டது.

IP: 59.*.*.* India

2013 முடிந்தது ..... அல்ல ஒரு சகாப்தம் சத்தம் இல்லாமல் நம்மை மீளா துயரில் ஆழ்த்தி விட்டு பிரிந்து சென்றது.... இயற்கை அன்னை தான் மகனை தன்னோடு அணைத்து கொண்டாள்.....அய்யா நம்மாழ்வார் ஒரு போராளி ..... போராளி மரணிப்பது இல்லை .......அவர் ஒரு விதையை நம்மில் விதைத்து சென்று உள்ளார் ... அது விருட்சமாய் எழுந்து நிற்கும்.

அய்யாவை வாழ்வில் ஒரு முறையேனும் பார்க்க வேண்டும் என ஆசை பட்டேன் ...கண்ணீர் மட்டும் வருகிறது. என்னை இயற்கை விவசாத்தின் மீது ஆர்வம் கொள்ள வைத்த மாமனிதர்.

உயிரை உறிஞ்சும் செயற்கை உரங்களை எதிர்த்து போராடிய மிகச்சிலரில் ஒருவர். போற்றதக்க மனிதர்!!! ஆன்மா சாந்தியடைய இறைவனை வேண்டுவோம்.

IP: 2.*.*.* United Arab Emirates

மரணம் என்ற இயற்கையை யாராலும் வெல்ல முடியாது,இலையாக உதிராமல் வித்தாக விதைக்க பட்ட இவர்மூலம் கிளைகள் பெருகி மேலும் பசுமை காக்க வேண்டும் அதுவே இவருக்கு நாம் செய்யும் கைமாறு.

IP: 94.*.*.* Saudi Arabia

சில மனிதர்களின் அருமைகளும் பெருமைகளும் அவர்களின் மறைவுக்கு பின்பு தான் தெரியும், சிலருடையது அவர்களின் வாழ்நாட்களில் தெரிந்து விடும். அப்படி வாழ்நாளில் சாதனைகள் படைத்து, பெருமைப்பட மறைந்தவர் இந்த இயற்கை விஞ்ஞானி கோ.நம்மாழ்வார் ஐயா அவர்கள்.

இவர்களின் வானகம் கிராமத்தில் நடைபெற்ற முகாமில் கலந்து கொண்டு, அதன் விவரங்களையும், அனுபவித்த அனுபவங்களையும் சகோதரர் S.K.சாலிஹ் மற்றும் சகோதரர்கள் விவரிக்கும் போது, ஆஹா.. மிஸ் பண்ணி விட்டோமே, அடுத்த விடுமுறையில் கண்டிப்பாக கலந்து கொள்ளனும், ஐயாவை நேரில் சந்திக்கனும் என்ற நிய்யத்து இருந்தது. அதற்குள் பெரியவர் மைய்யத் ஆகி விட்டாரே.

இவரின் மறைவால் துயரப்பட்டு இருக்கும் அனைவர்களுக்கும் ஆழ்ந்த அனுதாபங்கள்.

சாளை S.I.ஜியாவுத்தீன், அல்கோபார்

IP: 188.*.*.* Saudi Arabia

இயற்கை தன்னைதானே அழகுப்படுதிக்கொண்டது.இயற்கையை சுவாசமாக நேசித்த "சுவாசம்" அடுத்தவர்கள் சுவாசிக்கவேண்டி புறப்பட்டது .

இயற்கை விஞ்ஞானி கோ.நம்மாழ்வார் காலமானார் - இயற்கையின் தாளம் தவறியதோ ? அல்லது தப்பியதோ ?

சிலர்கள் மட்டுமே உரமாக மாறுகிறார்கள் .

IP: 2.*.*.* United Arab Emirates

"உதிர்ந்தது இலை அல்ல விதை!" என்றென்றும் நினைவில் வாழ்வார்......நம்மாழ்வார்!

சுபான் அபுதாபி

IP: 94.*.*.* United Arab Emirates

நபி பிறக்கும் முன்பு வாழ்ந்த ஒரு வாரி வழங்கிய ஒரு சீமாட்டியை பற்றி நபியவர்கள் ஒரு மூமினின் குணம் அவரிடம் இருப்பதாக கரி வால்தினார்கலே அது தான் எனக்கு நம்மாழ்வாரின் விசயத்தில் நியாபகம் வருகிறது. (இயற்க்கைக்கு வாரி வழங்கிய வள்ளல்)

IP: 87.*.*.* Saudi Arabia

வருந்துகிறோம்.

IP: 180.*.*.* India

நச்சு மருந்துகளின் நாச கரத்திலிருந்து மருத நிலம் காக்க
கடைசி மூச்சுவரை களமாடிய மருத நாயகரே...
உம் பெயரைக் கல்லில் எழுத மாட்டோம்...
விவசாய மண்ணில் எழுதிவைக்கிறோம்..

(நன்றி - ஆரூர் புதியவன் அவர்களின் எழுதிய இரங்கல் கவிதையில் இருந்து)