{ முகநூல் கருத்துக்கள்}{ட்விட்டர் கருத்துக்கள்}

வி-யுனைட்டெட் ஸ்போர்ட்ஸ் க்ளப் நடத்தும் - ப்ளாஸம் கோப்பைக்கான 6ஆம் ஆண்டு காயல் ப்ரீமியர் லீக் கால்பந்து சுற்றுப்போட்டி இம்மாதம் 03ஆம் நாளன்று துவங்கியுள்ளது.

பிரிவுக்கு 6 அணிகள் வீதம் 12 அணிகளும் 2 பிரிவுகளாகப் பிரிக்கப்பட்டுள்ளன. போட்டிகள் அனைத்தும் காயல்பட்டினம் ஐக்கிய விளையாட்டு சங்க மைதானத்தில் நடைபெற்று வருகின்றன.

ஜூன் 03ஆம் நாளன்று நடைபெற்ற துவக்கப் போட்டியில், ஐக்கிய விளையாட்டு சங்க செயலாளர் பி.எஸ்.எம்.இல்யாஸ் சிறப்பு விருந்தினராகக் கலந்துகொண்டார். சுற்றுப்போட்டிக் குழுவின் சார்பில் அவருக்கு சால்வை அணிவித்து வரவேற்பளிக்கப்பட்டதுடன், துவக்கப்போட்டியில் மோதிய ஈரணி வீரர்களும் - ஹபீபுர்ரஹ்மான், சொளுக்கு முஹம்மத் தம்பி ஆகியோரால் அறிமுகம் செய்து வைக்கப்பட்டனர்.



இப்போட்டியில் Blossoms அணியும், Faams அணியும் மோதின. ஈரணிகளும் தலா ஒரு கோல் அடித்த நிலையில் போட்டி சமனில் முடிவுற்றது.





ஜூன் 04 அன்று மாலையில் நடைபெற்ற முதல் போட்டியில் Fi-Sky Boys அணியும், PHM அணியும் மோதின. இப்போட்டியிலும் ஈரணிகளும் தலா ஒரு கோல் அடிக்கவே, போட்டி சமனில் முடிவுற்றது.





ஜூன் 04 அன்று நடைபெற்ற இரண்டாவது போட்டியில் New Yokr Rangers அணியும், Knight Riders அணியும் மோதின. இதில், 3-0 என்ற கோல் கணக்கில் Knight Riders அணி வெற்றி பெற்றது. அந்த அணிக்காக முத்து மொகுதூம், லத்தீஃப், கைசாலி ஆகியோர் தலா ஒரு கோல் அடித்திருந்தனர்.





தகவல் & படங்கள்:
M.ஜஹாங்கீர்

வி-யுனைட்டெட் ஸ்போர்ட்ஸ் க்ளப் தொடர்பான முந்தைய செய்தியைக் காண இங்கே சொடுக்குக!