IP: 180.*.*.* India

கலைஞர் கருணாநிதியின் கைவண்ணத்தில் வெளிவந்த பராசக்தியில் ஒரு வசனம்..."வாழைபழத்தை திருடியதற்காக உன் கன்னத்தில் அடித்தாளே அவளை நான் பாராட்டுகிறேன், அவள்தான் உன் கண்ணை திறந்தவள்"..

திடீர் விசுவரூபம் எடுத்ததுபோல் திரு சமஸ் அவர்கள் காயல்பட்டினத்துக்குள் புகுந்து, "இந்த அழிவு ஒரு ஊருக்கானது மட்டுமா?" என்ற கேள்வியை - தமிழக மக்கள் உளங்களில் ஊடுருவி நிற்கும் - தி ஹிந்து தமிழ் நாளிதழில் வெளியிட்டு காயல்பட்டண மக்களின் மரண ஓலத்தை வெளிப்படுத்தி, இன்று முன்னாள் இந்திய வனப் பணி அலுவலர் திருச்சி வ.சுந்தர ராஜு அவர்களின் கவனத்தையும் கவர்ந்து, தமிழகத்தின் பட்டி தொட்டிகள் எங்கும் பற்றி எரியும் தீயாக பரவி நிற்க செய்திருக்கிறார்..

திரு சமஸ் அவர்கள் துளிர் கேளரங்கின் குளிரூட்டப்பட்ட அறையில் காவாலங்கா பெருநாள் ஒன்றுகூடல் நிகழ்ச்சியில் திடீர் என்று தோன்றி இந்த கருத்துக்களை வெளியிட்ட போது, மெய் சிலிர்த்து விட்டோம். நாயாய் கத்துகிறோம், கூட்டம் போடுகிறோம், மனித சங்கிலி போராட்டம் நடத்தினோம், காயல்பட்டினத்தின் கண்ணீர் கதை இந்த அரசின் காதுகளுக்கு எட்ட வில்லையே என்று ஏங்கி கொண்டிருந்தவர்களுக்கு, காட்டாற்று வெள்ளத்தில் அடித்து செல்லப்படுகின்றவனின் கூக்குரலை கேட்டு கைதூக்கிவிட வந்த ஆபத்பாந்தவன் போல் திரு சமஸ் அவர்கள் இன்று உயர்ந்து நிற்கிறார். அவர் மட்டும் நீர் நிலம் வளம் என்று ஒரு தொடரை எழுத நீதி கேட்டு நெடிய பயணம் வந்திருக்கா விட்டால், காயல்பட்டினத்தில் நீறு பூத்த நெருப்பாக இருந்த புற்று நோய் செய்தி இன்று தமிழகமெங்கும் பேசப்பட்டிருக்குமா?

நன்றி வாழ்த்துக்கள். மத்தியில் ஆளும் "மோடி"க்கும் மாநிலத்தை ஆளும் "லேடி"க்கும் இந்த செய்தி இப்போது சென்றடைந்து இருக்கும்.

துளிர் சுதந்திர தின கொண்டாட்டங்களில் கொடியேற்றி வைக்கும் காவாலங்கா செயலாளர் ரபீக அவர்கள் இன்று கொழும்பில் இருந்திருந்தால் அங்கேயும் "இந்தியா ஹவுஸ்" சென்று இந்திய தூதரை சந்தித்து வாழ்த்து தெரிவித்திருப்பார். அவர் மட்டுமா செல்வார், காயல்பட்டின மக்கள் எல்லோரையும் அழைத்து சென்று அவருக்கு அறிமுகப் படுத்துவார்.

சமஸ் - ரபீக் - ஷைக்னா கூட்டணியுடன் வழக்கறிஞர் அப்துல் காதர் கலந்து கொண்ட நிகழ்ச்சி காயல்பட்டினத்தில் ஒரு புதிய கூட்டணி துளிர்க்கிறது என்பதை காட்டுகிறது. இது துளிருக்கும் சிறப்பு, இந்த ஊருக்கும் சிறப்பு, அதுவும் நம் நாட்டின் சுதந்திர தினத்தில் ஒன்று கூடியிருப்பது எதிர்காலத்தில் காயல்பட்டினத்தின் சரித்திரத்தில் ஒரு பெரிய தாக்கத்தை ஏற்படுத்தும் என நம்புகிறேன். நிகழ்ச்சியில் கலந்து கொண்ட எல்லோருக்கும் இதயம் நிறைந்த வாழ்த்துக்கள்.

துபாய் இளைய தலைமுறை நாயகன் சக்காப் அவர்களை நான் முதல் முறையாக ஜனசேவா அறிமுக கூட்டத்தில் சந்தித்தேன். என்னமாய் கேள்விகள் கேட்கிறார்.

"ஏன் என்ற கேள்வி கேட்காமல் வாழ்க்கை இல்லை -

முன்னேற்றம் என்பதெல்லாம் கேள்விகள் கேட்பதனாலே -
உரிமைகளை பெறுவதெல்லாம் கேள்விகள் கேட்பதனாலே"

...ஆக்கப் பூர்வமான கேள்விகள் சமுதாயத்தில் நல்ல விளைவுகளை மாற்றங்களை ஏற்படுத்தும். அவருக்கும் வாழ்த்துக்கள். .

சுதந்திரத்தைப்பற்றி கீதாஞ்சலியின் நாயகன் ரபீந்திர நாத் தாகூர் சொல்வார்:

"WHERE THERE IS NO FEAR, INTO THAT HEAVEN OF FREEDOM, FATHER, LET MY COUNTRY AWAKE". இதுதான் உண்மையான சுதந்திரம்.அது கிடைத்துவிட்டதா?

IT IS A MILLION DOLLAR QUESTION!.

IP: 77.*.*.* Saudi Arabia

வேறு எந்த நிகழ்வில் கலந்து கொண்டாலும் கிடைக்கும் திருப்தியை விட, அதிகம் கிடைப்பது துளிர் நிகழ்ச்சியில் தான். அது உங்களுக்கும் கிடைத்து இருக்குமே..!

தங்கள் கொடுத்த உணவு என்ன உணவு என்பது அவர்களுக்கு தெரியாது,நீங்கள் கொடுத்த பானம் குளிரா, சூடா, நீங்கள் யார்- தெரியாது? என்ன நிகழ்ச்சி- தெரியாது?

ஆனால், அந்த நச்சத்திரங்கள் நீங்கள் கொடுத்த உணவை வாயில் வைத்ததும் ஒரு சிலிர்ப்புடன் உடலை குலுக்கி உங்களை பார்க்கும் பாருங்கள்.. அஹா.. அது தான் ஆயிரம் துஆக்களுக்கு ( பிராத்தனை) நிகர்.

இந்த குழந்தைகளை துளிர் பள்ளிக்கூடம் அதன் பின்பு வீட்டில் சிறை வைத்து விடுகிறார்கள். வெளியில் அழைத்து செல்லவோ, விசேஷங்கள், நல்ல நிகழ்வுகள் ஆகியவற்றுக்கு அழைத்து செல்லவோ பெற்றோர்கள் விரும்பவது இல்லை. காரணம் மன சங்கடம் அல்லது பிறருக்கு சங்கடம் என்று.

திருமண விருந்து என்றால் வீட்டில் இருப்பவர்கள் அனைவர்களும் சென்று விடுகிறார்கள், இந்த குழந்தைகளுக்கு வீட்டில் இருக்கும் ஏதோ ஒரு உணவை கொடுத்து விடுகிறார்கள். ஊர் முழுவதும் அறுசுவை உணவுகளை புசிக்க, இந்த குழந்தைகள் மட்டும் சதா உணவை சாப்பிடுகிறது. இவர்கள் செய்த பாவம் தான் என்ன.?

பெற்றோர்களே, இவர்களை விசேஷங்கள், விருந்துகளுக்கு அழைத்து செல்லுங்கள்.

விசேஷங்கள் நடத்துபவர்களே, நீங்கள் பரிமாறும் உணவுகளை, உங்களின் வட்டாரத்தில் இருக்கும் இந்த குழந்தைகளுக்கும் அனுப்பி வையுங்கள்.

விருந்து சாப்பிட்டுவிட்டு அது சரியில்லை, இது சரியில்லை, சோறு குழைந்து விட்டது, சிட்டியில் ஒரே எலும்பு, ஒரு கறி கூட இல்லை, காரம் அதிகம், ஒரு தண்ணீர் பாக்கட் அதிகம் கொடுத்தால் குறைந்தா போய் விடுவானுவோ என்று புலம்பிக்கொண்டு வருபவர்கள் சிறந்தவர்களா?

எதுவுமே அறியாமல் ஒரு வாய் உணவு உள்ளே சென்றதும் பூரிப்புடனும், சிலிர்ப்புடனும், சிரித்து, மனதில் சந்தோசத்துடன் துஆ செய்யும் இந்த சிறப்பு குழந்தைகள் சிறந்தவர்களா?

விடுமுறையில் ஊருக்கு செல்லுபவர்கள் துளிர் பள்ளிக்கு செல்லுங்கள். கூடவே அவர்களுக்கு உணவுப் பொருட்களை கொண்டு சென்று, அவர்களுக்கு கொடுத்து திருப்திபடுத்தி, திருப்திபடுங்கள்.

இந்த நிகழ்வில் கலந்து கொண்டு சிறப்பித்த அனைத்து நல்ல உள்ளங்களுக்கும் நன்றிகள்.

வல்ல ரஹ்மான் இந்த குழந்தைகளுக்கு நல்ல வழியை காட்டுவானாக. பெற்றோர்களுக்கு நல்ல பொறுமையையும் மன நிம்மதியையும் தருவானாக.

இந்த துளிருக்காக பாடுபடும் அனைவர்களின் நல்ல எண்ணங்களை அங்கீகரிப்பானாக.!!

சாளை S.I.ஜியாவுத்தீன், அல்கோபார்