காயல்பட்டினம் பெரிய முத்துவாப்பா தைக்கா தெரு - தீவுத்தெரு சந்திப்பில் அமைந்துள்ள மஹான் ஃபழ்லுல்லாஹ் ஸாஹிப் ஈக்கியப்பா அவர்களின் அடக்கஸ்தலத்தில், கந்தூரி நிகழ்ச்சிகள் இம்மாதம் 08ஆம் நாள் ஞாயிற்றுக்கிழமையன்று (இன்று) நடைபெற்றது.









06.15 மணிக்கு, காயல்பட்டினம் குருவித்துறைப் பள்ளியின் இமாம் மவ்லவீ ஹாஃபிழ் எம்.எல்.முஹம்மத் அலீ தலைமையில் கத்முல் குர்ஆன் ஓதி ஈஸால் தவாப் செய்யப்பட்டது. மாலை 16.45 மணியளவில், மர்ஹூம் அல்லாமா எஸ்.கே.எம்.நூஹுத்தம்பி ஆலிம் ஜுமானீ அவர்களால் தொகுக்கப்பட்ட - மஹான் அவர்களின் புகழ்பாடும் மவ்லித் மஜ்லிஸ், காயல்பட்டினம் ஷெய்கு ஹுஸைன் பள்ளியின் இமாம் ஹாஃபிழ் என்.டீ.ஷெய்கு சுலைமான் தலைமையில் நடைபெற்றது. 19.30 மணிக்கு ராத்திபத்துல் அஹ்மதிய்யா திக்ர் மஜ்லிஸ், காயல்பட்டினம் பெரிய ஷம்சுத்தீன் பள்ளி இமாம் ஹாஃபிழ் எஸ்.எச்.ஷெய்கு அலீ மவ்லானா தலைமையில் நடைபெற்றது.

தொடர்ந்து, ஹாமிதிய்யா மாணவர் ஹாஃபிழ் என்.ஏ.ஸாலிஹ் நுஸ்கீ கிராஅத் ஓத, ‘அல்அஸ்ரார்’ மெஞ்ஞான மாத இதழின் ஆசிரியர் மவ்லவீ ஹாஃபிழ் டீ.எஸ்.ஏ.செய்யித் அபூதாஹிர் மஹ்ழரீ ஃபாழில் ஜமாலீ - மஹான் அவர்களின் வாழ்க்கைச் சரித சொற்பொழிவாற்றினார்.









ஹாஜி சொளுக்கு எஸ்.ஏ.கே.முஹ்யித்தீன் அப்துல் காதிர் நன்றி கூற, மஸ்ஜிதுல் ஆமிர் - மரைக்கார் பள்ளியின் இமாம் டீ.எம்.கே.முத்து செய்யித் அஹ்மத் துஆவுடன் நிகழ்ச்சிகள் நிறைவுற்றன. நிகழ்ச்சிகளனைத்திலும் திரளான பொதுமக்கள் கலந்துகொண்டனர்.







ஏற்பாடுகளை, வைபவ கமிட்டி தலைவர் நஹ்வீ இ.எஸ்.புகாரீ ஆலிம், துணைத்தலைவர் எஸ்.எம்.யூஸுஃப் ஸாஹிப், செயலாளர் எம்.ஏ.அஹ்மத் லெப்பை, துணைச் செயலாளர் எஸ்.எம்.செய்யித் இப்றாஹீம், பொருளாளர் கம்பல்பக்ஷ் ஹாஜி எஸ்.எச்.மொகுதூம் முஹம்மத், உறுப்பினர்களான எஸ்.இ.முஹம்மத் அலீ ஸாஹிப் என்ற டி.எம்., என்.எஸ்.நூஹ் ஹமீத், எம்.கே.செய்யித் முஹம்மத், எம்.எஸ்.பி.முஹம்மத் இஸ்மாஈல், எம்.ஏ.ஸதக்கத்துல்லாஹ், சொளுக்கு எஸ்.எஸ்.எம்.செய்யித் முஹம்மத் ஸாஹிப், எம்.அஹ்மத் ஃபுஆத், எம்.ஜெ.செய்யித் இப்றாஹீம், எம்.இ.எல்.முஹ்யித்தீன் அப்துல் காதிர், எம்.இ.எல்.செய்யித் முஹம்மத் புகாரீ, எஸ்.ஏ.காஜா முஈனுத்தீன் உள்ளிட்ட குழுவினர் செய்திருந்தனர்.



ஈக்கியப்பா தைக்காவில் கடந்தாண்டு (ஹிஜ்ரீ 1435) நடைபெற்ற கந்தூரி நிகழ்ச்சி குறித்த செய்தியைக் காண இங்கே சொடுக்குக!