{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் 01ஆவது வார்டுக்குட்பட்ட - அருணாச்சலபுரத்தில், டாக்டர் அம்பேத்கரின் 124ஆவது பிறந்தநாள் விழா, இன்று கொண்டாடப்பட்டது.

அருணாச்சலபுரம் வட்டார தலைவர் ராஜசேகர் தலைமை தாங்கினார். திருவள்ளுவர் மன்றத் தலைவர் செல்வக்குமார், வட்டார நிர்வாக செயலாளர் திருநாவுக்கரசு, பொருளாளர் முருகன் ஆகியோர் முன்னிலை வகித்தனர்.

காயல்பட்டினம் நகராட்சி எல்லைக்குள் இயங்கி வரும் டி.சி.டபிள்யு. ஆலையின் செயல் உதவித் தலைவர் (நிர்வாகம்) டாக்டர் மே.சி.மேகநாதன் இவ்விழாவில் சிறப்பு விருந்தினராகக் கலந்துகொண்டு, டாக்டர் அம்பேத்கர் சிலைக்கு மாலை அணிவித்ததோடு, அனைவருக்கும் இனிப்பு வழங்கினார்.





இந்நிகழ்ச்சியில், டாக்டர் ராஜன், காயல்பட்டினம் நகர்மன்ற 01ஆவது வார்டு உறுப்பினர் எஸ்.ஐ.அஷ்ரஃப், விடுதலை சிறுத்தைகள் கட்சியின் மாவட்ட வணிகப் பிரிவு செயலாளர் மாரியப்பன், டி.சி.டபிள்யு. ஆலை மக்கள் தொடர்பு அலுவலர் பினோ மற்றும் வட்டார பொதுமக்கள் கலந்துகொண்டனர். திருவள்ளுவர் மன்ற உறுப்பினர் ராம்குமார் நன்றி கூறினார்.

தகவல்:
சித்திரைவேல்
(மக்கள் தொடர்பு அலுவலர் - DCW தொழிற்சாலை)