ரஜப் 06ஆம் நாள் - லட்சக்கணக்கான மக்கள் இஸ்லாம் மார்க்கத்தைத் தம் வாழ்வியலாக்கிட அரும்பணியாற்றிய மஹான் அஜ்மீர் காஜா முஈனுத்தீன் ஜிஷ்தீ ரஹ்மத்துல்லாஹி அலைஹி அவர்களின் நினைவு நாளை முன்னிட்டு, இம்மாதம் 26ஆம் நாள் ஞாயிற்றுக்கிழமையன்று 17.00 மணியளவில், காயல்பட்டினம் ஹாமிதிய்யா மார்க்கக் கல்வி நிறுவனத்தின் சார்பில், மஜ்லிஸுல் புகாரி ஷரீஃப் வளாகத்தில் சிறப்பு நிகழ்ச்சி நடைபெற்றது.

ஹாமிதிய்யா மார்க்கக் கல்வி நிறுவனம் மற்றும் திருக்குர்ஆன் மனனப் பிரிவைச் சேர்ந்த மாணவர்கள் பங்கேற்ற இந்நிகழ்ச்சிக்கு, மத்ரஸா முதல்வர் நஹ்வீ ஐ.எல்.நூருல் ஹக் நுஸ்கீ தலைமை தாங்கினார்.

இந்நிகழ்ச்சியில் கத்முல் குர்ஆன் ஓதப்பட்டு, மஹான் அவர்களின் பெயரில் ஈஸால் தவாப் செய்யப்பட்டது. ஹாமிதிய்யா மார்க்கக் கல்வி நிறுவன ஆசிரியர் மவ்லவீ சாவன்னா பாதுல் அஸ்ஹப் ஃபாஸீ துஆ இறைஞ்சினார்.

ஆசிரியர்களான மவ்லவீ ஏ.சுல்தான் அப்துல் காதிர் ரஹ்மானீ, ஹாஃபிழ் என்.டீ.ஸதக்கத்துல்லாஹ் ஜுமானீ, மவ்லவீ ஹாஃபிழ் எஸ்.ஏ,கே.முஹம்மத் முஹ்யித்தீன், திருக்குர்ஆன் மனனப் பிரிவு ஆசிரியர்களான மவ்லவீ ஹாஃபிழ் அபூபக்கர் ஸித்தீக் மிஸ்பாஹீ, ஹாஃபிழ் நஸீம் காதிர் ஸாஹிப் உட்பட பலர் இந்நிகழ்ச்சியில் கலந்துகொண்டனர். நிறைவில் அனைவருக்கும் நேர்ச்சை வினியோகிக்கப்பட்டது. நிகழ்ச்சி ஏற்பாடுகளை, மத்ரஸாவின் முன்னாள் மாணவர் ஹாஃபிழ் குத்புத்தீன் செய்திருந்தார்.