Kayal on the Web

2. சந்ததிகளின் வருங்காலம் பிரகாசமாக...
posted by N.S.E.மஹ்மூது ( ரியாது – சவுதி அரேபியா ) [05 May 2015]
IP: 37.*.*.*

Saudi Arabia | Comment Reference Number: 40386

அஸ்ஸலாமு அலைக்கும் (வரஹ்)

அனைத்து வார்டுகளிலும் தகவல் பலகையுடன் கொடியேற்றி தெருமுனைப் பரப்புரை செய்ய இருப்பது பாராட்டுக்குரியது. செயல்கள் யாவும் அல்லாஹ் உதவியால் சிறப்பாக நடைபெற்று, நோக்கங்கள் நிறைவேற பிரார்த்திக்கின்றேன்.

-----------------------------------------

தாய்ச்சபையின் செயல்கள் அனைத்தும் சமுதாய மக்களின் இன்றைய அவசியத்தையும் நாளைய தேவையையும் நிறைவேற்றக்கூடிய தொலைநோக்கு சிந்தனையை கொண்டதாகவே அமைந்திருக்கிறது. தாய்ச்சபையின் இந்த தொலைநோக்குப் பார்வையுடன் கூடிய வளர்ச்சி மத்திய, மாநில அரசியலில் மட்டுமல்ல நமது ஊரின் அரசியலுக்கும் வழு சேர்க்கக்கூடிய ஒரு சிறந்த முயற்சி என்பதை சமுதாய மக்கள் நன்கு உணர்ந்து அதை செயல்படுத்தினால் சமுதாயம் மட்டுமல்ல நகரமும், நாடும் முன்னேற்றமடையும். -----------------------------------------

நாம் ஒவ்வொருவரும் வேறு, வேறு அரசியல் கட்சிகளில் இருக்கிறோம் அது தேசிய கட்சியானாலும் , மாநில கட்சியானாலும் சரி அந்த கட்சிகள் எல்லாம் மத்தியிலும், மாநிலத்திலும் ஆட்சியில் இருந்தபோதும், இல்லாதபோதும் பெரியதாக எந்த ஒரு நன்மையையும் நம் சமுதாயத்திற்கோ, நம் ஊருக்கோ செய்ததில்லை என்பது தெளிவு.

நம் ஊரும், சமுதாயமும் படிப்பறிவும் , பட்டறிவும் மிக பெற்றிருக்கும் இந்த காலத்திலும் நாம் எதையும் சிந்திக்காமல் பழைய நிலையிலேயே இருப்பது அறிவுடைமையாகாது.

நம் ஊரும், சமுதாயமும் முன்னேற வேண்டும், நம் சந்ததிகளின் வருங்காலம் பிரகாசமாக வேண்டும் என்ற எண்ணத்தை ஒவ்வொருவரும் உணர்ந்து நாம் அனைவரும் தாய்ச்சபையாம் இந்திய யூனியன் முஸ்லிம் லீக்’ கை வளர்க்க வேண்டும். இது நம் ஒவ்வொருவர் மீதும் கடமையாகும். வல்ல அல்லாஹ் நம் அனைவரையும் ஒரு குடையின் கீழிருந்து செயல்பட கிருபை செய்வானாக ஆமீன். வஸ்ஸலாம்.

N.S.E.மஹ்மூது – ரியாது – சவுதி அரேபியா

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]