IP: 188.*.*.* Saudi Arabia

லஞ்சத்திற்கு ரசீது கிடையாது . லஞ்சம் வாங்கினார் என்று எப்படி நிரூபிப்பது ? அப்படி நிரூபணம் ஆகும் பட்சத்தில் லஞ்சம் கொடுத்தவரின் நிலை என்ன ? லஞ்சம் கொடுத்தவரையும் தண்டிக்க சட்டத்தில் இடமுண்டுதானே ?

Administrator:
லஞ்சம் கொடுத்ததாக தகவல் சொல்லும் பொது மக்களுக்கு சட்டம் பாதுகாப்பு வழங்குகிறது:

Section 24 in The Prevention of Corruption Act, 1988

24. Statement by bribe giver not to subject him to prosecution.—Notwithstanding anything contained in any law for the time being in force, a statement made by a person in any proceeding against a public servant for an offence under sections 7 to 11 or under section 13 or section 15, that he offered or agreed to offer any gratification (other than legal remuneration) or any valuable thing to the public servant, shall not subject such person to a prosecution under section 12.

IP: 182.*.*.* India

2:188 وَلَا تَأْكُلُوا أَمْوَالَكُم بَيْنَكُم بِالْبَاطِلِ وَتُدْلُوا بِهَا إِلَى الْحُكَّامِ لِتَأْكُلُوا فَرِيقًا مِّنْ أَمْوَالِ النَّاسِ بِالْإِثْمِ وَأَنتُمْ تَعْلَمُونَ

2:188. அன்றியும், உங்களுக்கிடையில் ஒருவர் மற்றவரின் பொருளைத் தவறான முறையில் சாப்பிடாதீர்கள்; மேலும், நீங்கள் அறிந்து கொண்டே பிற மக்களின் பொருள்களிலிருந்து(எந்த) ஒரு பகுதியையும், அநியாயமாகத் தின்பதற்காக அதிகாரிகளிடம் (இலஞ்சம் கொடுக்க) நெருங்காதீர்கள்.

http://www.tamililquran.com/qurandisp.php?start=2#2:188

IP: 95.*.*.* Romania

நீங்க என்னத்த பண்ணினாலும் லஞ்சம் வாங்குபவர்கள் திருந்த மாட்டார்கள்.

லஞ்சம் ஊழல் ஆகியவைகள் அங்கீகரிக்கப்பட்ட துறை என்றால் அது பத்திரப் பதிவு துறை தான். இது அனைவர்களுக்கும் தெரிய தான் செய்யும். கண்காணிப்பு கேமரா நிறுவி, அனைத்து நிகழ்வுகளும் பதிவு செய்யப்பட்டு, வெளிப்படையான நிர்வாகம் நடப்பதாக சொல்லுகிறார்களே, ஊழல் மறைந்து விட்டதா..?

பாஸ் போர்ட் வெரிபிகேசன் என்று நம் ஆறுமுகநேரி காவல் துறை அடிக்கும் பகல் கொள்ளைக்கு அளவே இல்லை. 300 ரூபாய், 350 ரூபாய் என்று ரேசன் கடையில் பில் போட்டு பணம் கேட்பது போல ஒரு கூச்சம் கூட இல்லாமல் லஞ்சம் வாங்குகிறார்கள்.

சென்ற வாரம் என் தாயாரின் பாஸ் போர்ட் வெரிபிகேசன் என்று வந்த காவலர், 350 கொடுங்க என்ற அதிகார தோரணையில் வாங்கி சென்றுள்ளார்.

ஏன் கொடுத்தீர்கள் என்று வினவியதும்..?

நான் பீஸ் என்று நினைத்தேன்.

பாஸ்போர்ட் ஏஜெண்டு கூட சொன்னார்.. போலீஸ் வருவாங்க..! ஜெராக்ஸ் காப்பி எல்லாம் கேட்பாங்க ..!! போட்டோவும் கேட்பாங்க.!! கூடவே 300 ரூபாயும் கேட்பாங்க.!! கொடுத்து விடுங்க என்றார் .. என்று வடிவேல் பாணியில் கூறினார்கள்.

நானோ தனியாக வீட்டில் இருந்தேன், போலீஸ் என்றாலே எனக்கு சிறுவயதில் இருந்து பயம், பணம் கொடுக்காவிட்டால் அது இது என்று சொல்லி இளுத்து அடித்து விடுவார்களோ என்ற பயமும் கூட என்று, தான் இயாலாமையையும், அறியாமையையும் கூறினார்கள் .

இதில் என்ன கொடுமை என்றால், இரண்டு வாரங்களுக்கு முன்பு என் மாமி பாஸ்போர்ட் வெரிபிகேசன் என்று காவல் நிலையம் வரச்சொல்லி 300 ரூபாய் பிடிங்கி விட்டார்கள். என் தாய்க்கு வீட்டிற்க்கு வந்து 350 ரூபாய் பிடிங்கிக்கொண்டார்கள். ஆறுமுக நேரியில் இருந்து காயல்பட்டினம் வந்து செல்ல பஸ் கட்டணம் 50 ரூபாயா..!! லஞ்சம் வாங்குவதில் கொஞ்சம் கருணை காட்டுங்கள் காவல் துறை ஐயா மார்களே . 500, 1000 என்று லஞ்சம் வாங்குபவன் அங்கும் இங்கும் என்று மாட்டிக்கொள்கிறான். பல கோடி அடித்தால்..!!!

ஊழல் புரிந்த ஒரு குற்றவாளி, 18 வருடங்களாக சட்டத்தில் அத்தனை ஓட்டைகளிலும் புகுந்து, பல்வேறு வழக்கறிஞர்களையும், நீதிபதிகளையும், பல்வேறு கோணங்களில் இந்த வழக்கை பார்க்க வைத்து, ஜனநாயகத்தையும், சட்டத்தின் ஆட்சியையும் எள்ளி நகையாடிக் கொண்டிருக்கிறார். அதை இந்த நீதிமன்றங்களும் வேடிக்கை பார்த்துக் கொண்டிருக்கிறது. இந்த ஊழல் வழக்கை தன் தலையில் வைத்துக் கொண்டே, இரண்டு முறை ஆட்சியையும் பிடித்து விட்டார்.

இனி என்னத்தை சொல்லுவது..!! ஆக லஞ்சதை சட்ட பூர்வமாக ஆக்கி, இது இதுக்கு இவ்வளவு லஞ்சம் என்று போர்ட் வைத்து விட்டால் மக்களுக்கு குழப்பங்கள் வராமல் இருக்கும் அல்லவா..!!

சாளை எஸ்.ஐ.ஜியாவுத்தீன், அல்கோபார்

IP: 115.*.*.* India

இந்தியாவை பொருத்தவரை ஊழல் மறைய ஆயிரம் வருடம் ஆகும் என்ற வழக்கு சொல் ஒன்று உண்டு.

சமிபத்தில் கத்தார் நாட்டுக்கு சென்றிந்தேன். விமான நிலையத்தில் அதிகமான மாத்திரைகள் கொண்டு பங்காளி ஒருவர் வந்ததற்காக விசச்ரனை செய்யபட்டார். அவர் அழுக ஆரம்பித்துவிட்டார். அந்த சுங்க அதிகாரி சில குரான் வசனங்களை சொல்லி வரை தேற்றி அனுப்பிவிட்டார்.

நமது நாடாக இருந்தால் என்ன நடந்திருக்கும்?????? ஆக லஞ்சம் வாங்கும் சூழ்நிலை ஏற்பட்டால் ஒரு நாள் இந்த உலகை விட்டு சென்று விடுவோம் மறுமை உண்டு இறைவனின் பிடி கடுமையானது என்ற அச்சம் அரபு நாடு அதிகாரிகளிடம் இருபதால் அங்கு லஞ்சத்துக்கு இடமில்லை.

சரி ஐரோப்பாவிற்கு வருவோம் அங்குள்ள மக்கள் தாங்கள் கொடுக்கும் வரியின் தாக்கத்தை தங்களது பகுதியிலே காண்பதால் அங்கு பில் இல்லாமல் சாமான் கொடுத்தால் சண்டைக்கு வந்துவிடுவார்களாம்.

அதனால் இறை அச்சமும் தேசபக்தியும் நம் நாட்டில் வளர்ந்தால் ஒழிய லஞ்சத்தை ஒழிக்க முடியாது.

இன்னொரு காரணம் ஆடம்பரம். சமிபத்தில் உருகுவே நாட்டின் அதிபர் ஒய்வு பெறுவதை அந்த நாட்டின் மக்கள் கண்ணீர் விட்டனர். காரணம் அந்த அதிபர் எந்த லஞ்ச புகாருக்கும் ஆளாகாமல் தனக்கு சொந்த வீடு இல்லாமல் மனைவியின் வீட்டிலே இருந்துள்ளார். அவரை பத்திரிகையாளர்கள் எப்படி தாங்கள் லஞ்சம் வாங்காமல் ஆடம்பரம் இல்லாமல் வால்கிரிர்கள் என்று கேட்டனர். அவர் சொன்ன பதில் நான் எனது அதிக காலம் சிறையிலே (நாட்டு முன்னேற்றத்துக்கு போராடியதற்காக) கழித்ததால் எனக்கு ஆடம்பரம் வெறுத்துவிட்டது என்று சொன்னார்.

IP: 202.*.*.* India

நமது ஊர் சார்பதிவாளர் அலுவலகத்தில் லஞ்சம் தலை விரித்தாடுவது ஊர் அறிந்த உண்மை .போர்டில் திருமண சான்றிதழ் பெற 130 ருபாய் என போட்டு இருந்தாலும் அலுவலரின் உதவியாளர் 800 ருபாய் என துண்டு சீட்டில் எழுதி வாங்கி கொண்டுதான் கை ரேகை பதிய வைப்பார் . அவர் எழுதி காட்டிய 800 ருபாய் பீசா , லஞ்சமா என இதுவரை புரியவில்லை.

அஸ்ஸலாமு அலைக்கும் வரஹ்மத்துல்லாஹி வபரக்காத்துஹு.

இறையருள் நிறைக.

அவ்வப்போது எண்ணெய் விட்டுப்பலகிப்போன பல்சக்கரத்தை திடீரென நிறுத்த நினைப்பது கடினமானவிஷயமே,செம்மறியாட்டுமந்தையாகிப்போன உலகில் மேய்ப்பனே மெய்க்காவலன் செம்மறி ஆடுகளுக்கென்று தனிகுணமொன்றுஉண்டு அதாவது ஒரு ஆட்டிற்குமுன்னாள்சென்று ஒருபிரம்பை நீட்டினால் அந்த ஆடு அதைத்தாண்டிக்குதித்துஓடும் அதற்குமுன் ஒருதடையிருந்தது நியாயமானவிஷயம் பிறகு அந்தபிரம்பை நாம்பின்னிழுத்துகொண்டாலும் மற்ற ஆடுகள் எல்லாமே அதைத்தொடர்ந்து அந்தஇடத்தில் குதித்தான்ஓடும், உங்களுடைய மனக்குரல் எனக்குக்கேட்கிறது (mind voice) அதனால் முதன்முதலில் லஞ்சம் கொடுத்தவர்களை நியாயப்படுத்தவில்லை.

நான் திருச்சியிலிருந்த காலத்தில் 1980-90களில் அரசுமருத்துவமனையில் இப்படியொரு வாசகத்தைக்கண்டேன் அதாவது "லஞ்சம் கொடுப்பது குற்றம்" அந்தவாசகத்திற்கு இடையில் லஞ்சமென்ற வார்த்தைக்கு அடுத்து அம்புக்குறியிட்டு மேலே கொஞ்சம் என்று யாரோ ஒருகுசும்பன் எழுதியிருந்தார் அதாவது "லஞ்சம் கொஞ்சம் கொடுப்பது குற்றம் "

லஞ்சமென்ற மஞ்சத்தில் மயங்கியுறங்கும் உலகை மஞ்சள்நீராட்டி விழிப்படையச்செய்யும் முயற்சி என்ன நடக்கிறதென்று பார்ப்போம்.

உங்கள் (mind voice)மனக்குரல் மீண்டும் எனக்கு விளங்குகிறது இந்தப்புகாரைப்பெறவேண்டுமென்றால் அந்த இலாகாவிற்கு எவ்வளவு கொடுக்கவேண்டும்?

"மயக்கமென்ன இந்த மௌனமென்ன என்ற இசையில் அசைக "

லஞ்சமென்ன.... அதில்கொஞ்சமென்ன..
விலைவா..சியேற்றகாலத்திலே..
லஞ்சமென்ன அதில்கொஞ்சமென்ன
விலைவா..சியேற்றகாலத்திலே
தயக்கமென்ன
இன்னும் மயக்கமென்ன
என்பஞ்ச நிலைதான்பார்த்தபின்னும்
கட்டுகட்டாய் வரும்காணிக்கையில்
பலகட்டிடம் நாங்கள் கட்டிடவைப்போம்
என்பெட்டிகளில் வரும்துட்டுதனால்
பட்டு தொட்டில்கட்டி நாங்கள் உறங்கிடுவோம்

லஞ்சத்தைத்தொட்ட கைகளினால்
யார் நெஞ்சையும் இனி நாங்கள்தொடமாட்டோம்
வஞ்சிக்க நினைக்கும் யாரையுமே நாங்கள்
பஞ்சாய்பிரிக்காமல்விடமாட்டோம்
ஊர்கோலம் போகும் நாள்வரையில்
நாங்கள் தேர்கள்கூட வாங்கிடுவோம்
தேர்களையும் ஊர்களையும்
லஞ்சமாக பெற்றிடுவோம்

லஞ்சமென்ன அதில்கொஞ்சமென்ன
விலைவா..சியேற்றகாலத்திலே
தயக்கமென்ன
இன்னும் மயக்கமென்ன
என்பஞ்ச நிலைதான்பார்த்தபின்னும்

அட போங்கப்பா சும்மாகிடந்த கையை சொரிஞ்ச்சிவிட்டுட்டீங்க

இறைவன் மிகப்பெரியவன்.

இறையடிமை,
ஷேக் அப்துல் காதிர்.

IP: 115.*.*.* India

ஜியாவுதீன் காக்கா கொந்தளிப்பான சூளிநிலையில் தயவு செய்து அம்மாவின் வலக்கை இங்கு இழுத்து போட வேண்டாம். ஏனென்றால் இன்று பிரச்சினையின் உச்ச கட்டமாக இன்று ஒரு தொண்டர் தற்கொலை செய்து கொண்டிரிகிறார்.

அம்மா தப்பு செய்ய விலை என்று கூரவில்ல்லை. அதற்க்கு pakiramaaka வெளியில் varaamal manam uruki kadavuludam pirarthiththu irukkiraar. கொண்டு அனால் அவரை விட பலமடங்கு ஊழல் செய்தவர்கள் முஸ்லிம்களை கொன்றவர்கள் நிம்மதியாக உலவி கொண்டிரிருகிரர்கள். அவர்கள் அம்மாவின் வழக்கில் ஊழல்னொன்றை எதிர்பதாக வழக்கை நடத்தினால் ஏற்று கொள்ளலாம். ஆனால் சிறுபான்மை தலித் மக்கள் நிம்மதியாக வாழ்த்து கொண்டிருகிறார்கள் ஒரு குடும்பம் அல்லது ஒரு கும்பல் அதிகாரத்தை கையில் வைத்து கொண்டு ஆட்டம் போட்டது போய் ஆட்சி அதிகாரம் பரவலாக பட்டு இருக்கிறது கன்னடர் காவிரியில் செய்த துரோகம் தடுத்து நிறுத்த பட்டிருகிறது.

விசுவரூபம் படம் மூலம் சிறுபான்மை மக்களிக்கு எதிரான சிந்தனை தூவுவதற்கு அம்மாவின் தலையீட்டால் நிறுத்தப்பட்டது. 200ரூபைக்கு சிமன்ட் பாமரன் நிம்மதியாக வீடு கட்டுகிறான் வெளியூர் செல்லும் பாமரனுக்கு 5ரூபை சாப்பாடு (இன்று ஓட்டலில் சாப்பாடு விலை 70 ரூபாய் தமிழகத்தில் ஏயம்ஸ் மருத்துவமனை தடையில்லா மின்சாரம் அம்மா முதல்வர் பதவியில் கடைசியாக கலந்து கொண்ட பொது சமுதாய நிஹல்ச்சி தானே ஏற்பாடு செய்த இப்தார் நிஹல்சசி நபிகளாரின் எளிய வாழ்வை நினைத்து கண்கலங்கினார்.

இதையெல்லாம் பொறுக்காத சக்திகள் அம்மாவின் இருட்டறையில் தள்ளிவிடவேண்டும் என்று துடிக்கின்றன. தீர்ப்பு எப்படியாக இருந்து போகட்டும் ஆனால் ஒரு வருடம் கழித்து மக்கள் கொடுக்கும் தீர்ப்பு அம்மாவுக்கே. அம்மா எல்லா சோததனைகளில் இடுந்து மீண்டு தமிழகத்தை சிறுபான்மையினரை அடுத்த யுகத்துக்கு கொண்டு செல்ல எல்லாம் வல்ல இறைவன் போதுமானவன்.

IP: 128.*.*.* Romania

சகோதரர் ஜியாவுதீன், நிஜாம் ஆகியோர் மிக அழகாக யதார்த்த உலகை வெள்ளித்திரையில் விளக்குவதுபோல் விளக்கி இருக்கிறார்கள் பாராட்டுக்கள். பாராட்டுக்கள் மட்டும்தான் உங்களுக்கு பலனோ....ம்ஹூம்... கிடைக்காது நான் எழுத போகும் என் இந்த கருத்தையும் சேர்த்துதான்!

காசு வைத்து சீட்டு விளையாடியதாக சிலரை கைது செய்த காவல் துறையினர் அவர்களின் ஒரு கையில் சீட்டைக் கொடுத்து மறு கையில் இனி நான் சீட்டு விளையாட மாட்டேன் என்ற பெயர் பதாகையையும் ஏந்தசெய்து ஊர்வலமாக காவல் நிலையத்திற்கு கூட்டிச்சென்றார்கள். அவர்கள் சுமார் பத்து ஆயிரத்திற்குமேல் வைத்து விளையாடி இருக்கிறார்கள், அத்தனை பணத்தையும் பறிமுதல் செய்த காவல் துறையினர், களத்தில் 1500 ரூபாய் மட்டுமே கைப்பற்றியதாக கணக்கு கொடுத்து இருக்கிறது காவல்துறை. காவலர்களால் பிடிக்கப்பட்ட அந்த குற்றவாளிகளைவிட பன்மடங்கு பகல் திருடர்கள் இவர்கள் என்றால் அது மிகையாகுமா?

நான் ஊரில் இருந்த நேரத்தில் என் உற்ற நண்பர் “தைக்கா“ தெருவை சேர்ந்தவர் அவருடன் ஒருநாள் உரையாடிக்கொண்டிருக்கும்பொழுது, பாஸ்போர்ட் விசாரணைக்கென்று நம் இஸ்லாமிய பெண்களையும் காவல் நிலையத்திற்கு அழைக்கிறார்கள், அவர்களை அலைக்களிக்கிறார்கள் அவர்களிடம் பெருந்தொகையையும் வசூலித்து விடுகிறார்கள், இதற்கு ஒரு வழியே பிறக்காதா? என்ற ஆதங்கத்தை நாங்களிருவரும் பரிமாறிக் கொண்டோம்!

ஒரு சில மாதங்கள் கழித்து அந்த நண்பர் தொலைபேசியில், சுல்தான் காக்கா நாம் அன்று பேசிக்கொண்டிருந்த விசியத்தை என் நண்பர் சென்னையில் காவல்துறையில் மிக,மிக பெரிய பதவியில் இருப்பவரிடம் கூறினேன். அவர் சொன்னார் பாஸ்போர்ட் விசாரணை என்ற பெயரில் பெண்களை காவல் நிலையம் அழைத்து விசாரிப்பதற்கு எந்தசட்டமும் இல்ல, காவலர்கள்தான் வீடு தேடி செல்ல வேண்டும். மேலும் அந்த காவலர்கள் ஒரு பைசா கூட வாங்ககூடாது .இதற்கு நேர்மாற்றமாக யாராவது செய்தால் அதை ஆதாரத்துடன் தாருங்கள் உடனே நடவடிக்கை எடுக்கிறேன்.என்றார்.

பூனைக்கு யார் மணிகட்டுவது காக்கா என்றார் என் நண்பர். நானும் அதை ஒப்புக்கொண்டு ஊமையன் கண்ட கனவாக கனத்த இதயத்தில் இந்த செய்தியை எந்திக்கொண்டது தான் மிச்சம். எப்படி மாறிவிட்டது உலகம் . பொங்கள் இனாம் கேட்டு பிடரியை சொரிந்து நிற்பதுபோல் நிற்க வேண்டியவர், கைத்தடியை கையில் ஏந்தாத குறையாக, ஏக அதிகார தோரணையில் பலவந்தமாக பணத்தை பிடிங்கி கொண்டுபோகும் காக்கிகளை கண்டிக்கும் காலம்தான் எப்போது?

காவல்துறை இலஞ்ச ஊழல் பல ஊற்றுக்கண் என்றால் இலஞ்ச ஊழலில் பேரருவி பெருக்கெடுத்து ஓடுவது சார்பு பதிவாளர் பதிப்பகத்தில். அங்குள்ள தூண்களை தட்டினால் கணீரென்ற சத்தம் வராது,“காசுதா“ என்ற ஒலிதான் ஒய்யாரமாய் ஒலிக்கும். இந்த அலுவலகத்தின் அவலத்தைப்பற்றி எழுத ஆரம்பித்தால் எழுத்துக்களின் தூரம் காயல் முதல் காஸ்மீரையும் தாண்டும்!.

வெட்கித்தலைகுனிய வேண்டிய விஷங்களையும், வெள்ளை வெளேரென்ற சட்டையையும், வேஷ்டியையும்,விலை மதிப்புள்ள சேலையையும் கட்டிக்கொண்டு கடுகளவுகூட கூச்சமில்லாமல் கட்டாய வசூல் செய்யும் இவர்களை பார்க்கும்பொழுது இன்னும் இரண்டு கால்களையும் இணைத்து பார்க்கத்தகுதியுடைய இனத்துடையவர்கள் என்பதில் எள்ளளவும் சந்தேகமில்லை!

திருடானாய்ப்பார்த்து திருந்தா விட்டால் திருட்டை ஒழிக்க முடியாது என்ற புண்ணிய பழமொழி திருட்டுக்கு மட்டுமல்ல இலஞ்சம் கொடுப்பவர் களுக்கும்,வாங்குபவர்களுக்கும் பொருந்தும்!

அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!

IP: 128.*.*.* Romania

எனக்கு ஒன்றுமே புரியவில்லை!.

இமாலாய ஊழல் புரிந்த ஊழல் குடும்பத்தார்களை ஊருக்குள் நுழைய விடலாமா? என்று மக்களை பார்த்து கேட்ட ஒருவர் அந்த ஊழல் புராணத்தையே பாடி,பாடி ஆட்சியை பிடித்தவர் இன்று கீழ்கோர்ட்டு நீதியரசர்கள் முதல் உச்ச நீதி மன்ற நீதிபதிகள் வரை கண்டிக்கப்பட்டு நான்கு ஆண்டுகள் தண்டிக்கப்பட்டு ஊழல் புரிந்த தண்டனை குற்றவாளியென்று தீர்ப்பாகி தனிமையில் வாழும் ஒரு குற்றவாளியை ,குற்றவாளி என்று சொல்லக்கூடாதாம். ஆனால் ஒரு கோழி கலவாடியவனை கோழிக்கள்ளன் ,கோழிக்கள்ளன் என்று பலித்தால் பரவாயில்லையாம் எப்படியெல்லாம் எலும்பில்லா நாக்கு வளைகிறது பாருங்கள்!

தவறு யார் செய்தாலும் தவறு தவறுதான் இன்று ஊழல் வழக்கு நடந்துகொண்டிருப்பவர்கள் மீது நாளைக்கு அவர்களும் குற்றவாளி என்ற தீர்ப்பை பெற்றால்,அவர்களும் குற்றவாளியே.அதில் எந்த சமரசமும் செய்ய நினைப்பவர்கள் நீத்யும்,நடுநிலயுமற்ற ஒரு சார் சந்தர்ப்பவாதிகள், சுயநல வாதிகள் ஆவார்கள்!

இன்று குற்றவாளி குற்றவாளி என்று கூவுவர்களே ,நாளைக்கு அவர்களுக்கு தீர்ப்பு வரும்வரை பொறுத்திருக்க கூடாதா?,அவர்கள் ஆனத்தமாக உலா வருகிறார்களே அவர்களை பற்றி கொஞ்சங்கூட நினைத்து பார்க்காமல், சதி செயலால் குற்றவாளி என்று தீர்ப்பை பெற்றவர்களை சாடுகிறீர்களே இது நியாயமா என்று கேட்கும் கேள்வியின் தரத்தை நினைத்தால் எனக்கு ஒன்றுமே புரியவில்லை? இப்போது நான்கு ஆண்டு தண்டனை பெற்ற குற்றவாளி எந்த ஊழலும் , முறைகேடும் செய்யாத தூமையான ஒருவருக்கு நீதிபதி பொய்யான தீர்ப்பை வழங்கி விட்டாரா? நல்லவர் யார் என்பதைகூட தெரியாமல் பதினெட்டு வருடங்களாக ஒரு சிலரின் சதிவலையில் விழுந்த நீதிபதியின் தீர்ப்பல்லவா இது என்று சொல்ல வருகிறீர்களா?

தண்டனை பெற்ற குற்றவாளி யாராக இருந்தாலும் குற்றவாளியே! இதில் எள்ளளவும் இசகு, பிசகு மனமுடையவர் எவாராக இருந்தாலும், ஒரு எள்ளு முட்டாய் திருடியவனைக்கூட தவறாக பேசுவதற்கு எந்த தகுதியும் திராணியும் இல்லாதவராகிவிடுவார்!.

ஊருக்கு உபதேசதிற்க்கு முன் தம் உள்ளத்தையும் ஒரு கணம் நடுநிலையுடையதுதானா எபதை பார்த்தறிதல் அவசியமே! அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!

IP: 180.*.*.* India

ராமாயணத்திலே கம்பர் ஒரு செய்தி சொல்கிறார்.

''அயோத்தியில் ராமன் ஆட்சி செய்தபோது அங்கு ''உண்மை'' என்பதே இல்லை'' என்கிறார். ஆச்சரியமாக இருக்கிறதா, முன்னுக்கு பின் முரணாக இருக்கிறதா...இல்லை அவரே தொடர்கிறார்...''உண்மை'' என்பது ஒன்றில்லை அங்கு ''பொய்மை'' என்று ஒன்றில்லை என்பதால்''.

அந்த நாட்டிலே யாரும் பொய் சொல்வதில்லை, உண்மையை தவிர வேறொரு வார்த்தை அங்கு இல்லை. எந்த விஷயத்துக்கும் நன்மை தீமை அன்பு கோபம் என்பது போல் எதிர் சொற்கள் இருக்கும். இல்லாத ஒன்றுக்கு எப்படி எதிர் சொல் வரும். எனவே உண்மை பொய்மை என்று பிரித்துப் பார்க்க அங்கு வேலையே இல்லை. இது கம்பர் எழுதிய ராமாயண செய்தி.

கற்பனைகளை நாம் ரசிக்கக் கற்றுக்கொண்டுள்ளோம். எனவே அந்த வகையில் நான் லஞ்சம் கொடுத்தேன் i paid abribe .com இணையதளத்தை ரசிக்கலாமே தவிர அதை ருசிக்க முடியாது.அ ங்கிங்கெனாதபடி எங்கும் நிறைந்து நிற்கும் லஞ்சத்தை ஒழிக்க புறப்பட்டவர்கள் ஆட்சி அதிகாரம் பதவி பெற்றவுடன் அதன் சுவையை அனுபவிக்க தவறியதில்லை.

ஆக, ''இந்தியாவில் லஞ்சம் ஒன்றில்லை இங்கு லஞ்சமே வாங்குபவர்கள் கொடுப்பவர்கள் என்று ஒருவருமில்லை'' என்ற நிலை வரும் காலம் வரும் போது ஒரு புதிய கம்பர் அதை பாட வருவார்.

கம்பரே இந்த லஞ்சத்துக்கு ஆசைப் பட்டார் என்ற செய்தியும் உள்ளது.

சோழ மன்னன் அவையில் ஆஸ்தான கவிஞராக இருந்தார் கம்பர். ஒரு நாள் அவருக்கும் மன்னருக்கும் இடையில் மனஸ்தாபம் ஏற்பட்டது. உடனே கம்பர் வெளி ஏறி விட்டார். அப்படி வெளி ஏறியவர் சும்மா போக வில்லை. ''வல்லவனும் நீயோ வளநாடும் உன்னதோ, உன்னை அறிந்தோ தமிழை ஓதினேன் என்னை விரைந்தேற்றுக் கொள்ளாத வேந்தன் உண்டோ - உண்டோ குரங்கேற்றுக் கொள்ளாத கொம்பு'' என்று பாடி விட்டுதான் போனார்.

மனஸ்தாபம் எதில் என்பது தான் இங்கே கேள்வி....வேறென்னவாக இருக்க முடியும்.... பணம்... பணம்... பணம்,,,...