{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் குத்துக்கல் தெரு - முஹ்யித்தீன் பள்ளியருகே இயங்கி வரும் ரஹ்மத்துன் லில் ஆலமீன் மீலாது பேரியத்தின் சார்பில், காயல்பட்டினம் இக்ராஃ கல்விச் சங்கத்தின் கல்வி உதவித்தொகை வழங்கும் திட்டத்திற்காக ரூபாய் 30 ஆயிரம் நிதியளிக்கப்பட்டுள்ளது. இதுகுறித்து, அவ்வமைப்பின் சார்பில் வெளியிடப்பட்டுள்ள செய்தியறிக்கை:-

ரஹ்மத்துன்-லில் ஆலமீன் மீலாது பேரியத்தின் சார்பாக பல ஆண்டுகளாக தொடர்ந்து உயர் கல்விக்கான உதவி தொகையை அளித்து வருவது போல் இவ்வாண்டும் 2015-2016 -கல்வியாண்டுக்கான உயர் கல்விக்கான உதவித்தொகையாக ரூபாய் முப்பதாயிரம் (RS 30,000.) 23-05-2015 ,சனியன்று லுஹருக்குப்பின் இக்ராஃ கல்வி சங்க நிர்வாகி ஹாஜி,ஏ.தர்வேஷ் முஹம்மது அவர்களிடம் இக்ராஃ கல்வி சங்க மேனாள் தலைவர் ஹாஜி ,குளம் எம்.ஏ.அஹமது முஹியித்தீன் அவர்கள் தலைமையில் ரஹ்மத்துன்-லில் ஆலமீன் மீலாது பேரிய செயற்குழு உறுப்பினர்கள் ஜனாப்,பாலப்பா எம்.எஸ்.கே .முஹம்மது இப்ராகிம், ஜனாப் எஸ்.என்.ஆஸிக் ரஹ்மான் மற்றும் ஹாஜி,சட்னி எஸ்.ஏ.கே .முஹம்மது உமர் ஒலி ஆகியோர்கள் இணைந்து வழங்கினார்கள்.





இதனை பெற்றுக்கொண்ட நிர்வாகி அவர்கள் இக்ராஃ சம்பந்தப்பட்ட பயனாளிகளை தெரிவு செய்தல் மேலும் உதவி வழங்கல் மற்றும் தொடர் கண்காணிப்புகளையும் பற்றிய விபரங்களையும் மிக தெளிவுடன் பகிர்ந்ததுடன் இந்த நிதியினை உள்ளூரில் வழமையாக தொடர்ந்து பல ஆண்டுகளாக தொய்வின்றி வழங்கி நல் ஒத்துழைப்பு நல்கி வரும் ரஹ்மத்துன்-லில் ஆலமீன் மீலாது பேரியத்தின் அங்கத்தினர் அனைவர்களுக்கும் அக மகிழ்ந்த பாராட்டுக்களையும் தெரிவித்து கொண்டார்.

இதற்காக வேண்டி எல்லா வகையிலும் ஆதரவளித்த அனைத்து நல்லுங்களுக்கும் எங்களது பேரியத்தின் சார்பாக நெஞ்சம் நிறைந்த நன்றிகளை தெரிவித்து கொள்கின்றோம்.

எல்லாம் வல்ல அல்லாஹ் நம் உயிரினும் உயர்ந்த நபிகள் நாயகம் முஹம்மது ஸல்லல்லாஹு அலைஹி வஸல்லம் அவர்களின் துஆவின் பொருட்டால் நம் அனைவருக்கும் ஈருலகிலும் நல்லருளும் நற்கிருபையும் சொரிந்தருள்வானாக ஆமீன். ஜசாக்குமுல்லாஹ் ஹைரா.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல் & படங்கள்:
S.A.K.முஹம்மத் உமர் ஒலி

செய்தியாக்கம்:
S.A.K.செய்யிது மீரான்

ரஹ்மத்துன் லில் ஆலமீன் தொடர்பான முந்தைய செய்தியைக் காண இங்கே சொடுக்குக!