{ முகநூல் கருத்துக்கள்}{ட்விட்டர் கருத்துக்கள்}

நடைபெற்று முடிந்த எஸ்.எஸ்.எல்.சி. அரசுப் பொதுத் தேர்வில் சிறந்த மதிப்பெண் பெற்ற - திருக்குர்ஆனை முழுமையாக மனனம் செய்து முடித்துள்ள ஹாஃபிழ் பி.ஏ.ஷம்சுத்தீன் ஸூஃபீ (தொடர்பு எண்: +91 78119 01795) என்ற மாணவரைப் பாராட்டி, அவர் பயின்ற ஹாமிதிய்யா மார்க்கக் கல்வி நிறுவனத்தின் மார்க்க விழாக்களின்போது விருது வழங்கி கவுரவிக்கப்பட்டுள்ளது.

காயல்பட்டினம் கி.மு.கச்சேரி தெருவைச் சேர்ந்த எம்.எஸ்.பாதுல் அஸ்ஹப், எம்.ஏ.கே.ஷரஃபுன்னிஸா தம்பதியின் மகனான இவர், ஹாமிதிய்யா திருக்குர்ஆன் மனனப் பிரிவில் திருக்குர்ஆனை முழுமையாக மனனம் செய்து முடித்து, கடந்த 2013ஆம் ஆண்டு நடைபெற்ற பட்டமளிப்பு விழாவின்போது ‘ஹாஃபிழுல் குர்ஆன்’ ஸனது - பட்டம் பெற்றார். கடந்தாண்டு ரமழான் மாதத்தில், காயல்பட்டினம் ஆறாம்பள்ளியில் தராவீஹ் இமாமாகப் பொறுப்பேற்று தொழுகையை வழிநடத்தினார்.

திருக்குர்ஆன் மனனத்தை நிறைவு செய்த பின், காயல்பட்டினம் எல்.கே.மேனிலைப்பள்ளியில் சேர்ந்து பத்தாம் வகுப்பு தேர்வெழுதிய இவர், 500க்கு 491 மதிப்பெண்கள் பெற்று சாதனை புரிந்துள்ளார். தமிழில் 095, ஆங்கிலத்தில் 098, கணிதத்தில் 100, அறிவியலில் 100, சமூக அறிவியலில் 098 மதிப்பெண்களை அவர் பெற்றுள்ளார்.



இது பள்ளியளவில் 2ஆவது மதிப்பெண் ஆகும். காயல்பட்டினத்தில் இவ்வாண்டு பத்தாம் வகுப்பு தேர்வெழுதியுள்ள ஹாஃபிழ் மாணவர்களில் இவரே முதலிடம் பெற்றுள்ளதாகவும் அறியப்படுகிறது.

இவர் திருக்குர்ஆனை மனனம் செய்த ஹாமிதிய்யா திருக்குர்ஆன் மனனப் பிரிவிலிருந்து கடந்த கல்வியாண்டில் 5 மாணவர்கள் 10ஆம் வகுப்பு தனித்தேர்வெழுதி, அனைவரும் தேர்ச்சி பெற்றுள்ளமை குறிப்பிடத்தக்கது.